اتمنيت اسمع صوت جارتي بغير هالوضع //اكتفى من الردود

السلام عليكم كيفكم بنات

اول شي اسال الله انه مايطلع الفجر الا فرج هم كل مهموم واصلح مابين كل زوج وزوجته ناموا وهم متخاصمين ...
قبل شوي قمت بخرت البيت ولمعت السيراميك وجلست عالكوي اكوي واخذت شور وشوي جاء زوجي بعد كذا وجلسنا بالصاله ..
ورحنا بنام الا الله لا يوريكم صوت صررااخ الحرمة تبككككي باين انه اللي بالشقه اللي بجنبنا واصواااات العمارة عندي تسمعيها وااااااااضحة يعني مع الهدوء اللي بالليل تسمعي كللل شي .. قلت لزوجي ذا صوت صرااخ قال ايه الله يكون بعونها ذي جارتنا زوجة فلان ومااهتم بالموضوع ولا انا خفت شوي ودخلنا غرفه النوم والله العظيم يابنات صوتهم كانهم عندنا يالطييييف مطاااقق وصرااااخ وتسكير باب وانا بديت ارجف من الخوف المهم انا من عادتي اخلي تلفزيون الصاله شغال قرءان لحد الصبح ونسيت ورحت بشغله ووبتاكد من الغاز يممممممه ليتني مارحت شكل زوجها طقها بالتحفه لان صوت صقعه وتالي صوت شي يتكسر عالسيراميك وحرمة تصاااااااااااارخ وتدعي عليه بقوة وتقول اضرب وتدعي ..،وصوت بيبي يبكككككككككي
شغلت التلفزيوون وانحشت عالغرفه وجلست ادعيلهم انا وزوجي ربي يصلح مابينهم ويهديهم بس قالي زوجي انه عندهم بنوووووته صغيرونة وجلس يقولي وش ذنبها هالمسكينه تسمعهم والله حزنت
يابنات تكفووووون خلوا هواشكم ومطاققكم بغرفه النوم بدون لا تأذوا اطفالكم بمنظر يعلق بعمره طول العمر تكفون وش ذنب الاطفال انهم يتعذبون بهالمنظر والله انه امي دايم تسولف انها ليمن الحين تتذكر جدي وهو يضرب جدتي الله يرحمهم ...
اسال الله انه يصلح مابين جارتي اللي مااعرفها وماسمعت صوتها من سنتين الا اليوم انه مايجي الصبح الا واسمع صوت ضحكهم ويهدي بالها ويسخرها لزوجها ويسخره لها ويرزقني الذرية الصالحه