اولا
احب ادعي ان الله ينصر اخواننا واهلنا في غزه الله يثبتهم وينصرهم
ثانيا وهو موضوعي
احترت وين اكتب موضوعي وخصوصا انه يخص الازياء والمشتروات بس ان غرضي من طرحه شئ اخر....
من فتره وانا نفسي اشتري شنطه من جيفنشي هالماركه داخله مزاجي بقوه
وقبل فتره في الصيف او قبله ما اذكر نزلو لهم كوليكشن جينز يهبل وكنت ابيه وميته عليه المهم كنت ايامها في الرياض ورحت لجيفنشي ومالقيت ولا شئ من الكوليكشن حتى الابواك تخيلو وقال هالكوليكشن انتهى من اول ما نزل لان الخليج يرغبون الجينز وفقدت الامل اني القاها
بعدها رحت لكوتش بس ما اشتريت ما ادري ليه ما تيسرت
وكان عنده شنطه مره عاجبتتتتتتتتتتتتتتتتني كلاسيك وانا افضلها لانها تنفع على اغلب اللبس
بس ما اشتريتها
ووقتها قريت موضوع لوحده ناسيتها بس الله يوفقها تقول انها داومت على دعائيين جالبين للرزق وشافت كل خير
وفترتها كنت مجمعتل مبلغ اشتري فيه الشنطه وطار المبلغ وتبددت احلامي في الشراء
وقتها داومت على هالدعائيين بشكل مستمر لدرجه صرت اقوله بدون ما احس
وصارت جزء لا يتجزأ من حياتي اليوميه
بعدها بشهر وفجاءه وانا قاعده جتني الشنطه لحد عندي والقطع الاكبر ومعاها البوك تبعها وقتها بغيت انجلط بدون ما ادور عليها جت لحد عندي
وشكرت ربي وحمدته
قبل اسبوع رحت لمحل جيفنشي فتح عندنا هنا في المدينه بس كان مرور واناظر الا قدامي الشنطه الجينز الي جلست ادور عليها وكنت بانهبل عليها وقال هذي اخر حبه من كوليكشن الصيف وعليها خصك 40%:o:32::icon28:
المهم ما كان معي الا 300 ريال وهي كانت ب5000 وصارت ب2000
فقدت الامل بس
رجعت ادعي دعائي انا ما نسيته بس كثفته
والله يابنات خلال اسبوع جاتني فلوس من كل مكان ما ادري كيف اوصفلكم الي ردتلي دين والي هديه والي .....
وباقيلي 500 دعمني بها:arb:
ورحت اشتريتها
الزبده في الموضوع يابنات
الدعاء هذا فوق الوصف ومن باب ان الي حطته فادتني فانا راح احطه علشان افيد غيري
وهذا الدعاء داومو عليه ماراح تشوفون الا كل خير صدقوني وخلو تعلقكم بالخالق واملكم في الاجابه اكيد بدون شك بس لاتنتظرون الاحابه ادعو واتوكلو
الدعـــــــــــــــــــــــــــــــــــــــــــــــــــــــــــــــاء
اللهم مالك الملك تؤتي الملك من تشاء وتنزع الملك من من تشاء وتعز من تشاء وتذل من تشاء بيدك الخير وانت على كل شئ قدير تولج الليل في النهار وتولج النهار في الليل وتخرج الحي من الميت وتخرج الميت من الحي وترزق من تشاء بغير حساب رحمن الدنيا والاخره ورحميهما انت ترحمني رحمة تغنيني بها عن رحمة من سواك
لا اله الا الله الملك الحق المبين 100 مره
والاستمرار عالاستغفار
والله يقبل منكم ومني
وهذي صورة الشنطه علشان تصدقوني:39:
اللي تستفيد من موضوعي ويعجبها طرحي تدعيلي انحف في القريب العاجل وبس من قلب صادق
والله ينحفك إنتي وزوجي في القريب العاجل من غير مضره