حبيبتي بالوقت المعاصر الحالي هذا لاتفكرين ابدا لان فعليا الطرف الثاني ماينوثق فيه !
مارح تلاقين الا كسرة القلب والاكتئاب فالاسلم انزوجي وحبي

البنات ماقصروا 😅

شدعوة شهالخفة اللي يقولون حبينا بعض بعد الملكة والا وقت النظرة
عيل كل واحد بشوفه فالشارع بحبه لو الحب من نظرة
فاهمين الحب غلط هذي اسمها مخفة وتعلق اما الحب الناضج عمره مايجي بهالسرعة
وبالنسبة للموضوع والله تبين الحب تزوجي عن حب انتي حرة فحياتج
لكن كل التجارب والاحصائيات اثبتت ان الطريقتين ممكن يفشلون بنسب متقاربة
واذا لقيتي احصائيات تقول لج التقليدي انجح فتأكدي ان ورا ارقام التقليدي زوجة مقهورة اهلها حارمينها من الطلاق ومايبونها ترجع بس هم يحبون يسمون اي علاقة زواج مستمرة "ناجحة" مع انها مستمرة على دمار نفسيات داخل الاسرة
لكن ما يعني ان الزواج عن حب نسبة نجاحه اكبر
ولا تتوقعين عرفتيه قبل الزواج يعني خلاص فهمتيه لان الانسان يوم عن يوم يتغير
وياما ناس عرفوا بعض سنين وعقب الزواج انصدموا من اطباع بعض وماتحملوا وانفصلوا

الحب ما يجي بسهوله وان جا بيكون غالباً من طرف واحد ولازم واحد منهم يكون هو المتنازل دايم وغالباً هالنوع من العلاقه مايستمر لان مصير المتنازل بوقت ينفجر
انما بخصوص الزواج التقليدي مابيكون حب قد مايكون موده ورحمه وتعود واحترام واكثر شي تعود نسبه الحب تزيد مع زياده المواقف الايجابيه بغض النظر عن عدد سنين الزواج
اذا تبين تنتظرين لين تلاقين الحب حقك يمكن يجيك بهالزمن متاخر ادعي بالصالح اللي يعينك على دينك ودنياك في المجتمع هذا وخاصه الخليجي المحافظ ما اتوقع بتلاقين حب الا اذا كان في اقاربك غير المحارم مثلا (ولد الخاله والخال ولد العمه والعم ) او نطاق العمل اذا كان مختلط ودوري انتي 😅والله يرزقك وينولك مرادك

ياحلوتي الصغيره