اتمني من المشرفات عدم نقل موضوعي الله يخليكم ساعدوني بنصايحكم

السلام عليكم ورحمة الله وبركاتة
اخواتي اسالكم با لله انكم تساعدوني
انا محتاجة دعواتكم
انا عمري 28 سنة معلمة والي الان لم اتزوج
مشكلتي دايم مع امي وابوي مشاكلي معهم ماتخلص
من كثر مشاكلي مع امي احس انها خلاص تكرهني امي صايرة تفضل زوجات عيالهم على بناتها وبالذات انا مع اني مااقصر كل شي اجيبة من راتبي وعيالها ولا احد يمد عليها الريال وفوق كذا تحبهم ولا تبي تزعلهم وحريم عيالها اهم شي الحين عندنا وحدة من زوجات اخوي دايم تخاف امي لاتزعل او تتضايق وهي مو زوجه ولدها لان اخوي من ابوي وتخاف لاتحتس وقت الغداء اكلي تناديها على كل شي امي همشت دونا لانها من زمان عندنا فوق 20 سنة
صرت من داخلي اكرها لان امي تفضلها وتقضض لها كل شي لدرجة مرة داخلة جميعه وجاها مبلغ قلت عطيني انا ادخلة البنك رفضت وقامت تصايح وتقول ماابي الا زوجة اخوي تحطها لها في البنك
امي ماادري وش فيها ماتوثق فينا واليوم تهاوشت انا وياها لانوحدة من زوجات عيالها قالت كلمة قدام الناس علي وانا رديت امي تقول لاتردين وزعلت وقالت شرانية لدرجة حذفت الكاسة وصرخت اقسم بالله حسووني اني مكروهة وابوي بس ابوي تعبان لدرجة انة بكى ماادري وش اسوي وش تنصحوني
وربي تعبت احس الدنيا ماعاد فيها خير حتى الاهل مو مهم البنت لان نظرتهم هذي بنت الناس وتبي تتزوج
ادعو لي وانصحوني وشلون اتعامل مع امي وابوي انا مقفلة على نفسي ولا ابي اطلع من غرفتي تعبت من امي تعبت منها مدري شلون اتعامل معها ليش اهم ماعليها مايزعلون عليها حريم عيالها