عزيزتي لازم تقولي لزوجك والي تقول كلام نسوان وماله دخل الرجال فية لا بهذا الموضوع له دخل
واقدمها نصيحة لك اختي
انتي لسة ماتعرفين البنت زيين
وبعدين هي تكلمت عن زوجها بالصورة هذي ومالكم الا كم جلسة مع بعض و طلعت كل عيوبة لك وسوء اخلاقه والله اعلم عن صدقها ..
وباين عليها غيرانه منك وبقوة
فاخاف تتكلم عنك كذب قدم زوجها بغرض تظهرك انسانة سيئة او مو محافظها على بيتها حتى تظهرك بصورة الزوجة سيئة الاخلاق ..
والكلام يوصل لزوجك من صاحبة وقتها وين تكونين ؟؟؟
وبعدين لو صار وطلعتوا مع عايلة ثانية زوجك راح يستغرب وش معنى مع هذي العايلة اخترتي النقاب اريح لك على ماقلتي له والعايلة الثانية لااااا؟؟
لا تخلين الشيطان يدخل بعقول زوجك ويخرب لك حياتك ..
انتبهي من هذي المداخل ..
حتى لو قالت لك لا تعلمين زوجك ..
ماعليك منها هذا حياتك انتي مو حياتها ماراح تنفعك يوم ماتخرب حياتك بسبب عدم ثقتها بنفسها ..
دخلت موضوعك ثانية عشان انصحك نصيحة من قلب اعتبريها من اخت لاختها ..
باختصار صارحي زوجك وقولي له انا ما ابي علاقتها ولا معرفتها وخلك مع صاحبك وطلعونا حنى برا علاقتكم ..
:)

لا والله انا منك مااتنقب عشان خاطرها ماعندها ثقه في نفسها هاذي مشكلتها
لو بتتنقبي عشان ربنا اوكي بس غير كذا لا
ونصيحه حاولي تخففي من علاقتك معاها هذه باين انها مرررة غايرة منك ولا سمح الله تروح تسوي لك شي وحش بسبب غيرتها
ترى الغيره تعمي القلوب الله لا يبلانا
وانا اتوقع لو هذه المره سمعتني كلامها ولبستي النقاب عشانها ,,مو بعيده بكره تتحكم حتى بلبسك وعباياتك وشنطتك وكل شي حتكوني اعطيتيها وجه
الله يهديها ويهدينا جميعا ياااااااارب

يفترض ان المرأه تغطي وجهها خوفا من ربها
وليس رضاءا لغيره

بغض النظر عن الاسباب التى ذكرتها سواءا معك مرض او ان الاجانب لاينظرون اليك
وليس يوجد فرق بين رجل عربي ورجل اجنبي كلهم رجال وربنا امرنا ان نغطي وجوهنا عن الرجل الاجنبي سواء
كان ينطر الينا ام لا

من رأيي تبعدين عنها
لأنها غياره زياده وهذا حيسبب لك مشاكل معها وتقولين لزوجك انك ما انسجمتي معها
وما اعتقد ان الحكايه راح توقف عند النقاب والكعب
بكره راح تطلعلك بموال ثاني