اتهمته وزعل الي تدخل موضوعي تدعيلي

بنات بفضفض لكم شوي
انا غيوره وغار بجنون بعد على زوجي واحبه ماكنت اشك فيه ابد وجواله دائما عندي وعشرة سنين بس فيه رقم شكيت فيه من فتره احصله بجوال زوجي يأمتصل يامستقبل وزوجي يمسح محادثاته مع هذا الرقم بالواتس ، وبدا يجيني الشيطان وشك طبعا انا حفظت الرقم الغريب بأسم بجوالي وقلت خليني اتأكد ومن صورة العرض وفي الحاله كان مكتوب بيان من قرأته عرفت انه بنت وصار لي اسبوع كأني على نار
،
البارح كان مغطي راسه في البطانيه على كرسي النوم ومدخل جواله عنده وانا جنبه وكل واحد فينا بجواله لأكن انا ماشوف جواله
دخلت من جوالي على الرقم الي حفظته عندي احصله متصل وزوجي متصل صارلهم اكثر من ساعه بعدين انحرقت وجاني الشيطان وداهمته وقلت ممكن اعرف تكلم مين قالي تسحبين البطانيه بهالطريقة قلت له ياخاين وتكلمت عليه وطلبت اشوف المحادثة . ولعب بعصابي مخلاني اطلع على المحادثة لحد ماقلتله انت مانت رجال وخسارة عمري معك ولو رجال جيب وافتح الواتس قدامي
،
فتحه وخلاني اطلع على المحادثة الا انها اخته قاعدين يتكلمون عن ورث ابوهم هي ساكنه بمنطقة ثانيه وطلع رقم اخته مدري وشلون انا حشرت نفسي
قالي والله يلولا العيال ماتجلسين عندي دقيقه بعد اتهامك لي وتصرفك وقذفك حاولت اعتذر ماعطاني فرصة
وطلع راح الغرفة الثانيه وقفلها عليه ونام هو طيب بس المره هذي زودتها معاه دعواتكم ان ربي يسخره لي وان شاءالله مايصحي إلا وهو ناسي الموضوع