اتهموني انه خليتها تسقط

السلام عليكم اول شي المعرف مايخصني يخص صديقتي
نفسيتي مهمومه ومو عارفه كيف اخذ حقي من الناس الظالمه حسبي الله ونعم الوكيل
بعطيكم نبذه عني علشان تفهمون المشكله انا عمري في الاربعينات ارمله وعندي وعندي عيال وساكنه عند اهلي بيت مستقل بس بحوش اهلي واهلي ساكنين بمحافظه
وعندي واحد من اخواني متزوج وساكن بمدينه
وانا متعوده بحكم انه عندي عيال وارمله انه كل اجازه اروح عنده اغير جوو وهوا ياقلبي ماتضايق مني ولا زوجته وزوجة اخويه هذا كانت متآخره بالحمل اربع سنوات وحملت بشهر 6 قبل الصيفيه
وانا اول ماعيالي خلصوو دراسه رحت عندهم من شهر8الى شهر بعد الحج الي صار انه زوجة اخويه هذا سقطت بشهر 11 يعني وهي بالخامس وطولت بالمستشفى وانا والله وقفت معاها وهي بالمستشفى بحكم انه ماحولها اهلها وجوو اهلها اول ماطلعت من المستشفى وجبت لها هديه وعادي يعني قضاء وقدر وانا مشيت بعد الحج علشان المدراس وحصلت بمحافظتنا مناسبه كبيره وهي حضرت لكن تخيلوو ماعاد تتكلم معايه وتتهرب مني ماتبي تسلم وعندها اختها متزوجه ولد عمي تكلم الحريم بالمجلس بصووت عالي الله لايحلل من تسبب على اختي والحريم صدقوو انه انا تسببت عليها وخليتها تسقط وحذفتني مرت اخويه من السناب وسوتلي حظر في الواتس غيروها ولا هي كانت مره اخلاق وانا من قهري كلمت اختها الا هي الي متزوجه ولد عمي كلمتها واتس قلت لها احترمي نفسك وش دخلني بسقاط اختك يبنات وقحه ترسلي صوتيات الا انتي السبب ياواطيه كل اجازه جالسه عندهم ياكثر اخوانك ليه ماتجلسين الا عند اخوك هذا ارهقتي اختي بالكرف ومدري ايش وانا وربي انه كنت اساعد اختها بالبيت وانا من قهري هددتها بموضوع هي زمان قالته ليا انا واختي تقولنا انه هي اذا سوت لزوجها ليله انه استغفر الله يجيبون شراب الا هوا الخمر ويشربون
قلت لها والله لفضحك قالت وربي ودي انك تقولين والله لقاضيك بشرع انك تثبتي كلامك ولا تنجلدي وانا الي بفضحك بكلام انا زمان قلته لها تبي تستخدمه ضدي واحس نفسيتي بمووت منها ومن اختها حسبي الله ونعم الوكيل بالله تكفوون كيف اخذ حقي والله اني انظلمت والكل صار يتحاشاني