لا والله الحق حق خير كل هالمده عند اخوك !
لا وعيالك معاك وعايش وتساعدين كأنه بيتك
بيت ابوك مال احق حق يتدخل بس بيت اخوك بيت الحرمه
اوقات التسقيط نفسي اجل وين عيالك وازعاجهم وطلباتهم
الا وضع غلط في غلط
ماقلنا اقطعي اخوك بس استحي شوي
انا مريت بموقف مشابههه كل ما وحده تطلقت جت عندي تهاوشت مع زوجها عندي بنت ماتزوجت جت عندي
والله طقت روحي منههم كل شي ع عينهم طلعتي دخلتي اكلي تربية عيالي يتعرفون ع جيراني
لين جاني مرض عرفت وش اسبابه ومن مين
وجمعتهم قلت لهم الحين تتضايق وتبي ترفهه عن نفسها تسافر تبي زوجي عشان محرم لهم تنتظره يإخذ اجازه ويروح معهم بالاخير هو اللي صار يتكلم ويهاوش
بعض الحريم ماتنعطى وجههه
وتدخل في حياة اخوها لين تسبب لهه مشكله
وهذا اللي حصل معام
وتقولين ما اجيهم الا بالاجازات ماقصرتي حللتي ام الاجازه الله يهديك

ياختي خليك ببيتك تقعدون طفشانين افضل من انكم تقعدون شهووووور ببيت اخوك ،،
شكلك على نياتك مررره ومالاحظتي انهم مضايقين منك ومن عيالك ،،
ولانك ارملة افضلك بيتك لايجي وقت ويمنون عليكم
عزي نفسك وعيالك ،،
زوجة اخوك لاعاد تقولين لها شي بخصوص اجهاضها
ولاتحاولين تتواصلين معها ولا مع الدفاع اختها،،
مصيرها يطيح اللي براسها بس تحمل وبتنسى ،،

اولاً ياعزيزتي اجهاض زوجة اخوك شي مكتوب وقضاء وقدر حتى اذا كانت فيه اسباب طبيه ثانيه اجهاد او غيره ..
ثانياً كلامك وكانك مو غلطانه ومستغربه كلام البنات عنك *وبيت اخوي* و يبونه من يتزوج ينقطع عن اهله


انتي كنتي بيوم من الايام زوجه وعارفه الحياه الزوجيه بكل تفاصيلها محتاجه وقت مع زوجك محتاجه تطلعون وحدكم محتاجه تلبسين وتفاصيل اخرى ..


وبيت اخوك هو بالاساس بيت زوجة اخوك والله يجزاها الجنه ماتكلمت ولا شكت ولا قالت لاخوك شي ومتحملين كل هالسنين كون انهم ساكتين مو بالضروره يعني راضين ،، وش تبين يقولون لك لوسمحتي لاتجينا ؟ مافيه اي شخص بالدنيا يتحمل احد يجي يغير روتينه وخصوصيته اللي عايش فيها سوا اخ اخت غيره ،، لاتقارنين قبل باللحين قبل كل شي مختلف عن اللحين


وزوجة اخوك انتي ادرى ان لها فتره ماحملت ومعروف الحامل لابد ع كفوف الراحه عاد وشلون هي اللي متاخره ،، حتى لو تعدت فترة الخطر يبقى الاجهاد يسبب اجهاض و ولاده مبكره
وحتى لو كنتي تساعدينها واثقه تماماً ان الشغل الاكثر عليها كون انها صاحبة البيت


هي ممكن كانت تشكي لاهلها واهلها من القهر قالوا انه انتي السبب وممكن كانت تشكي انها مجهده ومتعبه من الشغل وانتي عندهم ف حطوه سبب ، وممكن هو السبب اساساً
وموضوع انك تهددين زوجة ولد عمك ، هذا غلط كبير حتى لو صار منها غلط بحقك الموضوع امانه عندك تقلبينه عليها ؟ مو فضيحه لها لحالها لا لها ولعيالها ولزوجها و لو انتشر كانت الناس بتتكلم فيهم اعوام واعوام وردها عليك بانه بنتشر عنك اشياء تعرفها ردة فعل لكلامك ولا هي بامكانها من قبل اذا كارهتك وحاقده عليك تنشره ليه تسكت عنك ؟




خلاصة القول ؛ بيت اخوك لاعاد تروحين له لا باجازه ولا باي وقت ثاني عيالك تبين تونسينهم اخذي من اخوانك العزاب او اللي زوجاتهم يروحون لاهليهم وخليه يسفركم اي مكان وضبطي ميزانيتك ل هالشي ،، صلة الرحم ترا تصير في بيتكم عادي مو شرط تروحين بيته عشان يكون صلة رحم
زوجة اخوك موضوعها لاتفتحينه مع احد لان الاغلبيه بيحطون اللوم عليك كون انها متاخره وكون ان اجازتك عندهم كانت طويله ومعك اطفال اللي صار صار وانتهى واخذي عضه منه ان بيتك هو المكان الانسب لك ولاطفالك وانتي اذا تبين تغيرين جوهم تضبطين ميزانيتك و وضعك بس مو ع حساب غيرك واسرارك لاتطلع لاحد ..

هي عارفه انك مو السبب الي خلاها تطيح حملها لكن اخترعت هي او اهلها السالفه عشان تزعلين وتتوبين ماتروحين لهم ، وانتي خلاص فيه مليون مكان تروحينه ،

سلامات الاجازه كلها ببيت اخوك ليه اخوك مايبي يسافر مايبي ياخذ راحته مع حرمته
وش هالنشبه الزياره اسبوع بالكثير
وش هالانانيه ماهمك غير نفسك عيب ترا بالله كيف تحملت الضعيفه وماتكلمت لو انا انفجرت بوجهك