حتى لو ماكنت السبب في اسقاط حملها لكن ثقلتي عليهم بالجلسه كل اجازه ، اكيد يبغون ياخذوا راحتهم فبيتهم من حيث النوم الاكل اللبس السفر الخرجه التمتع بالاجازه الخ مستحيل انهم مبسوطين بجلستك الطوييييله لان الخصوصيه مطلوبه


ثانيا / ترى الحامل حمل عزيز يكون حملها حساس ، الجلسه على الكنبه نص ساعه تعتبر كثيره عليها ولابد تكون مرتاحه على الاخر وهدا الشيء مستحيل وفيه عائله مشاركتها بيتها

وعليكم السلام
حملت بشهر ٦ وسقطت بشهر ١١ يعني مات الجنين ودفنوه عظم الله اجركم وربي يصبرهم ويعوضهم وانتي بعد عظم الله اجرك بابو عيالك وربي يخلي لك عيالك ويحفظهم
لو كان انتي وعيالك السبب كان سقطت بالشهور الثلاثه الاولى مو بالخامس بعد ماكبر الجنين ومابقى ع الولاده شي
قولي لهم هذا قدر وشي مكتوب وانا وش دخلني ؟؟!! مايحتاج تروحين تتهاوشين وتغلطين وتهددين تفضحين سر وحده امنتك عليه هذا الشي مره غلط ومايجوز
وبالنسبه لجلستك عند اخوك ٤ شهور مره كثيره وكان من الافضل تقضين رمضان والعيد مع اهلك وبعدها تسافرين عند اخوك وتجلسون اسبوعين او شهر بالكثير وترجعون وروحوا لهم كل شهر مره واجلسوا الخميس والجمعه والسبت لانه ع كلامك قريبين ويجووون عزايمكم
لو انا مستحيل اجلس عند اخوي شهر مابالك ٤ شهور واحبس حريتهم واكلف عليهم فوق طاقتهم خاصه اني عرفت انه زوجته حامل بشهرين او اقل بعد انتظار ٤ سنوات
حتى لو انك تساعدينها البيت بيتها واكيد بتقوم وتخلي كل شي تمام عشانك قبل ماتجين واذا جيتي بعد تعب ومسؤوليه
لاتقولين ماكلفنا عليهم ولا تعبناهم لانك انتي تحسين كذا بس هي تحس انكم مسؤولية وتعب وازعاج وزيادة عدد في البيت
واخوك زادت عليه المصاريف والمقاضي والكهرب لانه كان صيف وبعدها دخل رمضان وبعدها الاعياد يعني ماقصر الله يجزاه خير وتحمل زوجته قريب يارب
الحين كل ماعليك تطنشينهم واذا احد واجهك قولي لو بتسقط مني انا وعيالي كان سقطت بشهر ٨ و ٩ ماجلست لشهر ١١

👌👍🏼

هذا شي ربي كتبه لها الله يعوضهم خير.... لكن من سوء حظك انك كنت عندهم... ليتك فترة حملها ماطولت عندهم... لو ان ماحد عندك قلنا اخوك وملزوم فيك.. لكن اهلك موجودين ولك بيت... وانت كان هدفك تغيير جوكم كان يكفي اسبوع.. وترجعين بيتك وقريب من أهلك واخوانك الثانيين.. هذا هو الصح حبيبتي واتفق عليه جميع العضوات زيارتك وجلستك وفي وضعهم غلللط
فياليت تنتبهي للنقطة هذي الزمن تغير حبيبتي اليوم مجاملة وبكرة يقولونها في وجهك..يالله الواحد يتحمل بيته وأولاده ومصاريفه ماهو ملزوم بغيره... فأحسن تجي من الشخص نفسه..
فكري في هذا الموضوع حبيبتي كثير.. وغيري اسلوب حياتك وحياة أولادك وابسطيهم وعوضيهم عن ابوهم بدون حاجة الناس حتى لو اخوانك..

انتي غلطانة بنت الناس حملها عزيز وانتي منثبرة عندهم وخدمة وتنظيف وكرف وبزورة والواحد اذا عندة احد مايرتاح في بيتة ينزعج ويقلق فمابالك الحامل كنهم منتجع الزيارة يوم يومين وحق الضيف ثلاث ايام بعدها لا عندك بيتك واهلك الحمدالله انتي غلكانة راجعي نفسك