اتهموها بشرفها وهي طاهره !

السلام عليكم ..
بحكي لكم قصة خالتي و ابي منكم دعوات لها في ظهر الغيب ..

خالتي هذي اكبر من امي و عايشة كل حياتها بقرية وتعليمها الى رابع ابتدائي .. كل خالاتي اللي اكبر منها و امي تزوجو الا هي والسبب انها كانت تهتم بأجدادي الله يرحمهم كانت تطبخ لهم وتنظف وتهتم بعلاجهم وكككل شي على راسها مسئوليات كبيره عليها وكل شي تسويه لوحدها تحملت الكثييير سنوات طويييله ولحد ماتعبوا اجدادي بسنواتهم الاخيره كانت هي اللي تتنوم معاهم وتساعدهم و تروشهم وتغسلهم وكل شي ، ربي كتب وماتت جدتي وتعبت خالتي كثير وجدي لانه كبير كان يبيها تتزوج لانه بأي لحظه بيفارق الحياة ويبي يتطمن عليها ، انخطبت لرجال كبير بالستين عنده زوجه وعيال واحفاد كبار بعد .. وافقت غصبا عنها لان ماحد جا يخطبها بذيك الفتره ووافقت غصبا عنها بس عشان تريح جدي .. قبل زواجها بأسبوع قدر الله على جدي و توفي الله يرحمه تزوجت وعمرها 37 تقريبا و استمرت معاناتها .. زوجته الاولى انسانه سيئة الاخلاق وملسونه وبنتها مريضه نفسيا كانت مرات كثير تحارش بنتها وتعطيها السكين عشان تذبح خالتي وهي نايمه وكم مره تصحى خالتي وتلاقيها واقفه ع راسها بالسكين .. واستمرت معاناتها ع كذا مشاكل مع الزوج البخيل و تسلط الزوجه الاولى ومحارشة اولاد زوجها عليها .. حملت خالتي وجابت اطفال .. و صار كل شي عليها ومعتمدين عليها كثير في التنظيف والطبخ هي تسوي كلللل شي وماحد يساعدها وكانت تتعب وتمرض ومايوديها المستشفى .. صار زوجها فوق السبعين بس انسان سيء الاخلاق يتفرج على افلام وصخه كانت تخاف ع اولادها وتتقفل معاهم بالشقه عشان تتجنب المشاكل .. كبر زوجها وصار عاجز بدأت زوجته الاولى تحارشه عليها وتشككه بأخلاق خالتي لحد ماقتنع وصار مو واثق منها وبدأ يخطط مع زوجته الاولى انهم يروحون لخالي بالغدا ويتركونها عنده ويروحون .. وفعلا كانت الحياة ماشيه عااادي و قبل مايروحون لخالي خلوها تنظف البيت من اوله الى اخره و تغسل كل الملابس لوحدها .. و راحو .. فجأه بدأ زوجها يصرخ بمجلس خالي و انه مو واثق منها وصار يشكك بشرفها وخالتي تبكي ومستغربه منه توه يسولف ويضحك عادي ايش اللي غيره وخالتي انسانه طييييبه ماتعرف للنت والله حتى ريموت التلفزيون و الجوال ماتعرف تستخدمهم وهي عمرها بالاربعين ويادوب تعرف تقرا و حتى الارقام ماتفرق بينهم .. انسانه بسيطه كل همها اطفالها و بيتها وملتزمه جدا .. و فعلا تركها عند خالي و اخذ اطفالها و راح .. وتعبت خالتي صارت تبكي وماتنام بالليل وتدعي عليهم ظلموها وحرموها اطفالها و تكلموا بشرفها واخلاقها ومرضت راحت كم مره المستشفى .. و الله صرنا ندعي انها تتطلق منه عشان تفتك من شرهم بس المشكله مابتشوف عيالها لانها بتصير مع خالي وبترجع معاه لمدينه ثانيه بعيييده عنهم .. والاطفال قلبهم بيتقطع ع امهم ومافي احد يعرف لهم ويهتم فيهم الا زوجته الاولى وعمرها فوق الستين يعني بتطفش منهم وماتتحملهم وبتتركهم حسبي الله عليها ونعم الوكيل واكبر بنات خالتي في خامس هي الوحيده بين اخوانها اللي تفهم وش صاير وصارت تبكي كل يوم وماتنام وتكره ابوها وتحاول فيه يرجع امها راح ضربها والبنت بتتجنن مسكينه على امها بس جالسه بزاوية البيت وتصييح و مافي احد يحتويهم !
ادعو لها الله يعافيكم تعبت في حياتها كثييير وماشافت يوم راحه