مساءالخيرات والمسرات الموضوع واضح
انا ودي اتوظف وابي اقدم اوراقي وان شاءالله خير ودي اعز نفسي زوجي مو مقصر معي بس كل ماطلبته شي قالي اصبري وانا يوم جتني حافز شالت عليه حمل كثير اهو ماعنده مانع اني اتوظف بس مشكلتي انه هو يطلع من الدوام بعد الظهر مباشره وانا لة توظفت اطلع الساعه 2 ونص وعندي اثنين اصغار وناويه احطهم في حظانه وش رايكم انا خايفه تصير مشاكل او يقول انا اطلع بدري ونتي متاخره رغم انه يقولي بكيفك بس شوفي وضع العيال والمواصلات ابي رايكم سمعت من دكتوره بالجامعه تقول ولله يابنات الرجال يحب الحرمه الي لها استقلاليه ولها شخصيتها عطوني تجاربكم ورايكم من الناحيه الاجابيه والسلبيه
متفائله بالغد @mtfaylh_balghd
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
ساعتين ما تفرق كثير
اهم شي رتبي امورك وسوي لك جدول عشان تنظمين وقتك
الوظيفه راحه نفسيه ما بعدها راحه تصرفين براحتك وتجمعين براحتك وتستثمرين فلوسك وتامنين مستقبلك في حال لا سمح الله طلاق او فاه يكون عندك مصدر دخل مضمون بعد الله ما تشيلين هم المستقبل وبكره وش بيصير لي
وانتي تقولين زوجك مقتنع بالوظيفه هذا شي حلو الى متى بتجلسين تحلمين وتتمنين اشياء وزوجك يقول اصبري وانتي عندك شهاده وقدره للوظيفه توظفي وانتي مرتااااااااحه وعزي نفسك ودلعيها الانسان ما يعيش الا مره وحده ولا تنسين تتفقين معه ان راتبك شي خاص لك عشان تتجنبين المشاكل واستخيري طبعا