اتوقع كل وحده منا تتمنئ توصل هالكلام لزوجهاا !! في احد يوافقني الرأي

لما اكون معك من البدايه واضح واقول لك
وش اللي يزعلني ووش اللي يضايقني
ووش اللي ابيه وماابيه-
لما اكون ابي شئ منك واصبر ع بال مااطلعه
منك او مااحصله نابع منك مع ان الشئ
لو جاء بعد طلب ينفقد حلاوته-
لما اصبر ع طبعك واسلوبك وابقى مثل ماانا
معك ماتغيرت وانت ماتصبر ع طبعي
وتتنرفز ومايعحبك-
لما اكون شاطح معك ف اسلوبي ف كلامي ف مشاعري ف احاسيسي واعبر لك عن كل شئ
ومايمر يوم الا وانا كاتب لك احلى الغزل-
دا كله لانك اللي اسمه <<الحب>>وانك غير عنهم-
لما انت تجي بعد داكله وتعودني ع شئ
او تفقدني شئ بسبب طبعك او ردة فعلك

اش تتوقع تكون ردة فعلي!!

ف عشان نكون واضحين وكويسين من البدايه
لاتعودني على شئ وتجي بعدين تعاتبني
عليه-مالك حق اصلاً
ممكن اتقبل عتابك لمن اشوفك فعلاً تبي
هالشئ
بس ماحبقى انا اللي اتكلم واعطي دايم..
ماتعرفي تتكلمي او تعبري؟؟حاولي واجتهدي
كلنا كنا مانعرف بس هالشئ طالع مننا
اسعد اللي تحبه بكم هرجتين على بعضها
ولا تقول مااعرف-
صح ممكن الطرف الثاني حيبقى مستمر
معك ف الكتابه وف اي حاجه بس مع الوقت
حيحس بالبرود وبالتبلد لانه طول هالفتره
كانت الاشياء اللي تدور بينكم من طرف واحد
ف لا تنتظر شئ منه بعد كدا دام انت اللي زرع فيه هالشئ-
واللي يحبك حيحاول وماحيتغير بس يبي منك
كم هرجه تسعده وصح ماعمر الحب اتضح بالكلام
لان بهالزمن البعض صار ((بياع كلام))-
بس احيان الحب يجي ع هيئة كلام
طالع من قلب وقلب صااادق بحبه لك
احيان نحتاج نسمع-نقرأ-مش لشئ
بس ودنا بكلام يطيب خاطرنا وكلام
من اشخاص نحبهم ونحب قربهم-
واقول لك شئ!!!
الحب حرفين والحرفين مالانهايه من المعنى والمغنى

ومثل ماقال رسولنا:
(والكلمه الطيبه صدقه)