السلام عليكم ورحمته الله وبركاته
احمد الله ان يسر لي اختى كله ولهه ان اكتب بمعرفها ولها مني جزيل الشكر
اخواتي الغاليات كاتبه مشكلتي ورجا الي ماعندها الا رد جارح مستغنين عن درها والي يده في النار مو زي المويه مشكلتي ماادري شلون اكتبهااكتب الان وانا ابكي بكاء ومتقطع قلبي ضايق صدري وفيني هم وغم مايعلمه به الا الله مشكلتي المتمثله في امي الا هي ام ولاهيب ام امي انسانه غريبه الاطوار مافيها زيها في العالم طبايع وتفكير ماادري وشلون ابدى لكم ماعندها عقل يعني تقدرون تقولون الاشبهه بالمريضه نفسيا معقده حياتنا ومنكده علينا انسانه مسيطره تبي تمشي كل واحد علىى كيفه حتى ابوي ماسلم منها ابسط شي مثلا مااقدر ابرها انسانه مايرضيها شي يعني مثلا طلعات مافيه هذي هضمنها صديقات لايجون وماتحب اي احد يجي حتى اقاربنا اخواتها واخواننا لايجون عقدتها الجاي والرايح لو افكر اعزم مضمون انه بينطرد لانها سوت الحركه مع اختى وطردت صديقتها ادري بتقولون يمكن تخاف عليكم اقولكم صديقاتنا من خيره الصديقات وجيران ومعروفين مافيه مشكله الكل يعتزلها مايحبها اذا احد سال عن بنات اخوي وذكروهم لهم قالوا لا يكفي ان جدتها فلانه ولو انها ملاك مانبيهم ولاقربهم تخيلوا متخرجه ولاوظيفه ولاعرس ترى عمري 30 وبين اربع جدران وغير كذا يعني لو اجلس معها او اسولف مافيه سواليف هواش وظنون بالناس سيئه ودايم سب في خلق الله والنقي النظيف تطلع فيه عذاريب الدنيا من درجه توصل لاخلاقه وشرفه مايهمها وغير كذا تكذب يعني لو بقولها شي واقولها لاتقولين تروح تقول باسلوب غير وتاليف يعني وش اجلس اسولف معها ابي ابرها بس مااقدر يعني وكل شي تدخل فيه في الاكل والشرب توجع الراس واخواتي المتزوجات مايكلمونها الا مره في الاسبوع والاسبوعين يقولون نتهاوش ونصحها ياويلكم تعزمون حمولتكم او شي لايجيكم احد لو تدري ان جايهم احد تدق وتهاوشه اخواتي ماعاد يقولون لها شي غير كذا في النفاس تعالوا شوفوا شلون اذا جا احد تعصب وتهوش وتنطل عليهم الكلام وش جايبكم ماادري وش تبي من الحياه وضديقاتي اذا كلموا تهاوشهم وتصك السماعه في وجههم وايضا اصدقاء ابوي كذا تسوي فيهم تخيلوا تهوش وتصكها حتى دايم يقولون له وش هالحرمه عندك اقلعها وش مصبرك عليها حتى ابوي تهرب من الناس بسببها يقول لو يقول احد بجي اتقهوى او اتعشى اصرفه عارف ان بيجيه كلام وينطرد وابوي ياحياتي ارحمه يجي تعبان من الدوام تعبان يتغدى لحاله يطلع متاخر ماتجيب له الاكل وتحطه تنطله في المطبخ وهو يشيله انا ارحمه اجيبه لي وتهاوشني ماعليك منه تعودينه تراي مايزوجك علشان تحطين له الاكل شوفوا شلون تفكيرها ابوي اذا ماعودته من اعودي وبدون شعور قلت جعلي مااتزوج اذا صار هالرجال بيحرمني من ابوي وخدمته قالت بياعقبك ربي على هالكلام وش قلت علشان اعاقب واخواتي مايجون الا في الاسبوع مره تخيلوا ان طولوا ساعه ويروحون بالله فيه احد مثلنا كلن يروح لامه وفرحان الا هم كانهم داخلين حرب وتعالي شوفي كلامها الجارح انا انسانه اخاف الله ومحافظه بس لكل انسان طاقه ادري بتقولون امك اصبري تراي والله اكتم بس انفجر غصب من علي على تصرفاتها وطبايعها ال لاتطاق ودي اخذ اجر البر لو هي اخت او عمه اهون اذا رديت موب ضايق صدري بي هذي ام اخاف من العقوبه وشلون تنبر هالاشكال وغير كذا اخواتي مااقدر اكلمهم الا بالخفيه واذا نامت مصيبه اذا كلمتهم تسوى قضيه ومااقدر ازورهم ممنوع واذا رحت هواش واخواتي كلن لاهي بحياته ودهم مثلا اذا طلعوا سوق مطعم يمروني بس مايقدرون يخافون واكيد بيجي هواش تخيلوا انسانه ماتطلع بين اربع جدران موب مشكله هاذي لو عندي ام اسولف معها وابرها مايهمني ولله الحمد الطلعه وسعه الصدر بس وانا وياها هوشا 24 ساعه وغصب نرد ادري بتقولون ام اصبر تراي واله صابره بما فيه الكفايه دايم اخوالي يقولون والله مانرحم الا هالضيعفه خالي شخصيه معروفه في الالتزام ومفتي معروف هجرها فتره يقول مااتحملها وهو مايشوفها الا في الشهرين مره ونص ساعه انهبل منها بس راجع نفسه ورجع علشان خوف من القطيعه لانه انسان يخاف الله غير كذا بخيله مع انها تاجره مستحيل تطلع الريال وماعندها في البيت الا انا اخواتي اعرسوا والعيال وظايف لو بتسلف منها مستحيل وش اقول وش اخلي اشياء مااقدر اذكرها واخر شي اليوم قالت لي كلمه قطعت قلبي قالت دعيت ربي ماتعرسين انا بكيت من قلب مو لهفه على العرس لا كل هالي متحملته منها وجفاها وتقول هالكلام وش ذنبي ان اخواتي يسوون الشي وبالخفيه لانهم في بيت مستقل ويكذبون وانا مااقدر اسوي شي لاني مفضوحه وكل شي قدامها
واناعارفه بتقولين ام واصبري عارفه والله انها ام وحق الام عظيم لو سوا ماسوا واذ ا قالت شي يضيق صدري اقول يابنت امك حملت فيك وولدتك وسهرت عليك تحملي بس احيانا اشياء نعجر نطبقها يعني لكل انسان طاقه وانا ماخفت الا من العقوبه من رربي واشوف امها ت الناس حتى الي فيهم قساوي يصير فيهم زين وشين بس انا كل شي شين مافيه ولاصفه زينه تتقبل احيانا اقول شكل مافيه الا في الدنيا عندي هالبلوى فيه امهات ياخذون من شخصيتها بس موب كل الصفات الي فيها يحملونها ياربي ادري مشكلتي مالها حل بس ابيكم تدعون لي والي تقدر تسال مفتي في حالتي
واقول لاخوات الي ماعندهم امها فقدوهم بالوفاه لايضيق صدوركم مو كل ام ام بالعكس على الاقل تبرونهم بالدعاء موب تشيلون هموم فوق همومكم دعواتكم لي بتفريج همي وجميع المسلمين
كلي ولهه @kly_olhh
كبيرة محررات
يلزم عليك تسجيل الدخول أولًا لكتابة تعليق.
ياحياتي .. والله عورتي قلبي ..
الله يسخرها لك يااارب .. ويرزقك بالزوج الصالح ..
بصراحه انربط لساني ومالي غير الدعاء لك
الله يوفقك
الله يسخرها لك يااارب .. ويرزقك بالزوج الصالح ..
بصراحه انربط لساني ومالي غير الدعاء لك
الله يوفقك
سي يو :الله يفرج همك يابعد عمري عليك بالدعاء والله يثبتك على رجاحة عقلك وثقي ان دعوتها ماراح تنقبل وان شالله ربي بيرزقك الزوج الصالح الي يسعدك ويعوضك ياااااااااااااااااااااااااااربالله يفرج همك يابعد عمري عليك بالدعاء والله يثبتك على رجاحة عقلك وثقي ان دعوتها ماراح...
حب زوجي
•
اول شي الله يلين قلبها..
ثاني شي هذي امــــك...
يعني مطلوب منك طاعتها الا في ماحرم الله..
في مقوله دايم امي تقولها.. ماادري هي حديث"..
المهم تقول دايم اذا ضربك احد والديك في خد تعطيه خدك الثاني وانت راضي..
لان رضى الله من رضاهم..
لكن ان تطاولتي عليها وحطيتي راسك براسها..
صدقيني ماراح ترتاحين لا دنيا ولاااخره...
ولا يندم دائما الا فاعل السوء..
تحـــياتي...
ثاني شي هذي امــــك...
يعني مطلوب منك طاعتها الا في ماحرم الله..
في مقوله دايم امي تقولها.. ماادري هي حديث"..
المهم تقول دايم اذا ضربك احد والديك في خد تعطيه خدك الثاني وانت راضي..
لان رضى الله من رضاهم..
لكن ان تطاولتي عليها وحطيتي راسك براسها..
صدقيني ماراح ترتاحين لا دنيا ولاااخره...
ولا يندم دائما الا فاعل السوء..
تحـــياتي...
الصفحة الأخيرة
والله يثبتك على رجاحة عقلك
وثقي ان دعوتها ماراح تنقبل وان شالله ربي بيرزقك الزوج الصالح الي يسعدك ويعوضك يااااااااااااااااااااااااااارب