^^
مشكووره ياقلبي
المشكله يبيلك تسالين عن دكتور فاهم .. وهذاني طالبه البنات الي تدخل هالموضوع
وتعرف استشاري جلديه زين بالرياض تقولي لي عليه:(

اهلين احلاهن كلهن
انا حاليا أعالج عند الأستشاري عبدالعزيز السدحان و ممدوح لي وتوني في البداية الله يعين
ايضا عندك الخنيزان يقولون كويس و اممممم احمد العيسى كثير يمدحونه
اللي اروح له الحين احس انه ناصح و فاهم

وبالتوفيق

^^
يسلمو يابعدهم :)

يـاللهي نفــس الي فيني بالظبط ...
وربــي وانا اقرا اقول نفس الي فيني ...

انا كانت حبوب شباب وهذي اثارها ويصير لونها بني غاامق واحيانا مايل للاسود
وربي تعقت منها لانها منتشره في اعلى ظهري وعلى الكتووف
حتى ما صرت اقدر البس اي شي يطلع الظهر ..


عمــومــا بقولك سالفتي ..
طلعت هذي الاثار في المتوسط تقريبا وجلست اعاجلها ما فيه نوع كريم ما حطيته ولا نوع صابونه استخدمته ولا نوع حبوب ما اكلته
لكن بدووون فايده وكل شوي وانا رايحه لدكتور
واخر دكتور رحت له عطاني ادويه لمدة شهرين لكن بدون اي فااايده وقالي انتي مالك حل الا الليزر خلاااص لاتجربين اي شي لان هذي الاثار ماتكون طالعه برى تكون تحت الجلد فما لها حل الا الليزر هذا الكلام كان قبل سنه
وانا الحين في الكليه يعني 9 سنوات علاج ما فادت

وبالنهايه قلت بــروح لعيادة ديــرما لان فيه دكــتور يمدحــونه ويقولون انه شــاطر بالحيل
واختي كان فيه نفس الاثار في وجها بس خفيفه و عالجت عنده والحين بشرتها روعه ولا كأن فيها شي


بــصراااحه ما ابي امــدحه لك لاني لسا ماشفت النتيجه الي ابيها
ولاني توي باديه العلاج مالي الا 3 شهور

وهو صرااحه دكتور شاطر ومستحيل يقولك شي مضر حتى يوم قلت له ان الدكتور الاول يقول مالك حل الا ليزر
قال اصلا الليزر موب الحل لانه احتمال ترجع لك الاثار بعده يعني نسبة نجاحه 50 % وبعدين مكلف
وقالي بعطيك ادويه وان شاءالله بتتحسن بشرتك وراح تخف الاثار بشكل كبير بس انتي استمري على العلاج
من جد احس ان فيه امل انها تروح الله يجزاه خير عطاني امل ولا اول محبطه


حاليا استخدم كريمات وصابونه وحبوب واحس لونها خف شووووي موب مره بس حلو هذي البدايه
وعندي مراجعه بعد شهرين اذا حسيت بتحسن بقولك

عموما راح اخلي الموضوع عندي بالمفضله عشان اقدر الاقيه على طول
وعشان افيدك وتفيديني >>> ياحبي لعمر هههههه
ماصدقت الاقى احد مثلي >>> تحسب مافيه الاهي يعاني من الاثار




اســفـه طــولــت عليك ..

و اي سؤال انا حاضره


واخيرا ..
ما ابي منك الا الدعوات لابوي بالرحمه والمغفره والجنه .. >> هذا يكفيني



أخــــتـــك ..
الــــنـرجـــســــيه ..

^^
رديت عليك بالخاص ياحبيلك..


للررررررفع بنات ساعدووني:)