شوفي حبيبتي ، شفتلج هذه الخلطة لوحدة من البنات هنيه بس تسامحني صاحبة الخلطة لأني مخزنتنها عندي بالكمبيوتر بدون اسم ، يمكن تفيدج وبصراحة أنا ماجربتها بس إن شاء الله ناوية أجربها 000
المقادير:
جزرة حجم متوسط
نصف حبة بطاطس متوسطة
ربع حبة برتقالة
نصف حبة تفاح
ملعقة كبيرة زيت زيتون
ملعتين نشا
ملعقةرز مطحون
ملعقة طحين نخي

الطريقة

** الجزر والبطاطس والبرتقال والتفاح تغلينه لمدة ربع ساعة في ماء
** بعدين تشيلينه من على النار وتحطينه في الخلاط الكهرباني من غير ماء الغليان
**وتظيفين عليه باقي المقادير وتخلطيه في الخلاط الى ان يصبح الخليط متجانس ((هههههه متاثرة من حلقات الطبخ))
وتحطينها في علبة نضيفة تكون محكمة الغلق وتضعينها بالثلاجة ((تبي تسوي روحها مثقفة وفصيحة الاخت))

وتستخدمينها يوم وترك يعني يوم اي ويوم لا
لمدة 15 يوم
انا قلت بستخدمها لما اثار الحبوب تروح
اما بالنسبة للخوات اللي ما عندها بقع ومجرد تبي تصفي وجهها تستخدمها لمدة 15 يوم

تسلمين حبيبتي عالخلطه وانا انشالله بجربها