اثر البطانيه على ساعدي . . . . كل منك يا تركيا

بسم الله الرحمن الرحيم


هذا ما حدث معي في رحلتي لتركيا العام الماضي

كنت كنتبتها في منتدى آخر

واحبتت ان أنقلها هنا

للفائدة


في البداية أخترت أين أكتب موضوعي هذا أهو في قسم السفر والسياحة أم في قسم القصص والروايات
لأني عندما سافرت في أجازتي هذه السنه لتركيا
وطبعا روحتي لتركيا ما كان علشان خاطر لميس أو مهند ( لا تظنون فني ههههه )
صارت لي قصة من أطرف القصص وأصعب القصص وأمر القصص
لا أدري بما ذا أصفها أهو حدث سعيد بين لي بعض جوانب كنت غالفه عنها ؟
أم أنها كانت تجربة مريره ؟
المهم أنها تجربة علمتني الكثير

أوزنقل

وصلنا هذه القرية الجميلة
فيها بحيرة رائعة الجمال خضارها وجبالها شئ لا يوصف
تجلس عند طرف البحيرة من أي جهة شأت ترى أنعكاس الجبال وطرف النهر الساقط منها وترى السحب السريعة التي تسير بين الجبال تارة تمر من فوق راسك وتارة تكون على قمم الجبال تحجب عنك رؤوسها المليئه بالثلوج البيضاء

والجو بارد تلبس كل ملابسك إللي في الشنطة وما تشعر بالدفئ وتتمني لو كنت في السعودية شوية علشان تحس بنعمة الدفا

المهم كنا ما شاء الله علينا ( قولوا ما شاء الله ) سته عوائل كل واحد مع مرته وأطفاله
ورأيستنا هي أم زوجي لأنها ما شاء الله عليها متقنه اللغة التركية تمام التمام

جلسنا في أوزنقل مدة كانت أجمل الأيام تمر علينا في ذي الرحلة أمططططاررررررر وبررررردددد وفلة مع الأهل ولعبنا في الثلج عليييين ما تعبنا على راس الجبل

*وفي آخر يوم
جلست في شقتي أجهز الشنطة - لأنا لما نجلس كم يوم في مدينة آخذ راحتي اخرج كل شئ - جاتني بنت أخو زوجي وهي بنوته جبوبة وقالت لي هيا طالعين نآخذ دراجات لمدة ساعة ناخذ ( إلياس ) معنا كمان ؟ ؟ رديت على طول.... إيوه

و( إلياس ) دا الحبوب تبعي ولدي الكبير

والدراجات إيجار لنتمكن من اللف حول البحيرة الكبيرة بدون تعب
تحمست وخلصت شغلي وشنطتي بسررررررعة
وطليت على زوجي لقيته في سابع نومة مو راضي يصحى

أخذت ( سليمان ) الصغير ووضعته في عربيته وأخذت معي البطانية لأن الجو برررررردددددد ومططططططررررر في ذاك اليوم

لبست بسرعة حجابي ونقابي وخرجت على عجل على أمل إني الاقيهم عند محل الدراجات
بس للأسف ما لحقتهم أخذوا كل الدراجات إللي في المحل – ما شاء الله عددهم طيب

قررت إني أتمشي حول البحيرة لأني توقعت أقابل أحد من الجروب تبعنا أو أقابل أصحاب الدراجات ومن ضمنهم ولدي

صار إني شفت عدد كبير من العرب ما شاء الله من السعودية والكويت والأمارات ومصر
وما شقت أصحاب الدراجات

بعد ما قطعت نصف المشوار حول البحيرة رجل

ظهر أمامي أول الطلائع : واااوو أنت هنا / إلياس ورانا / تأخرتي علينا / وكل واحدة يدوب تلحق كلمتين وتتعداني
وأخيرا
أسمع / أمي هيا تبغي دورة باقي ربع ساعة ونسلم الدراجة

قلت ربع ساعة بس؟؟؟!!! طيب مو مشكلة

خذ أخوك مع عربيتة ووصلة للبيت أو عند جدتك وأنا ألف حول البحيرة وبعدها أسلم الدراجة وألحقكم

المهم جيت أركب الدراجة العالية جدا كنها الدور الثاتي ترنحت في البداية لحد ما سلكت

وهات لعب على الدراجة مرة أسرع ومرة أضرب فرمل بحكم الزحمة وكثرة المشاه ( حركات خخخ )

وصلت عند منحدر وتجاوزته بمشقة وما شفت حد من الجروب إللي على الدراجات

قلت للسلامة خليني مع مجموعتي

وجيت ارجع وآخذ لفه
تفاجأت بسيارة
بييييييب
طبعا هو وضع طبيعي لأن الخط ضيق والسيارات تمشي على مهل لأن القرية صغيرة
وأتركنت على طرف الطريق ما بيني وبين البحيرة غير متر بس
والمنطقة مرتفعة

والسور إللي حولها زي قلته لو ما كان موجود أفضل

وأحاول ألف مرة تانية وما ألاقي نفسي غيييير أترنح زي المرة الأولى

وصار إني


7

7

7

7

حطيت رجلى على الأرض



بس مافي مجال الأرض لسه بعيدة





لحااااااااد ما طحت على جنبي الأيسر نصف طيحه

وعلى السور الجانبي للبحيرة

– هو مافيه سور بس كان عواميد قصيرة – الظاهر كان مشروع سور واتكنسل

المهم
شعرت ببعض الأماكن من جسمي بتألمني
وأشدها كان في كفي إلي حاولت أحمي به نفسي
قمت ورفعت الدراجة أبو دورين وركنتها على الطرف الثاني من الطريق

وفجأه وجدت رجل يخرج من كشك للبيع وهو مسرع ويحضرمعه مجموعة مناديل – جزاه الله خير


أخذت منه المناديل وطليت في كفي مكان الألم وجدت نهر من الدماء وشق في باطن الكف

( أوووووووففففف )


حاولت أسعف نفسي بضغط المناديل على الكف علشان يوقف الدم لحد ما توصل الإمدادات – باقي القروب إللي أختفى

وتفاجأت بسيل من الدماء تتدحرج من المعصم وتقطر من أصبع الخنصر

((ملاحظة : سبحان الله الجرح العميق إحساس الألم فيه خفيف))

عندها صاح الرجل آه أه !! سيارة ؟ سيارة ؟ - بالعربي
أشرت له لا

ونظرت بطرف عيني على مكان الدم - لأني أعرف نفسي على طول أطيح على الأرض
والوضع إللي أنا فيه ما يستحمل

المهم لمحت مكان بيتدفق منه الدم غير المكان الأول
رخيت كمي وفكرت كيف أرجع على البيت
وش حيسوي إلياس مع أخوه في الشارع – طبعا خوفي كان على الصغير
كيف اصحي زوجي من نومه وهو في الشقة وما معى جوال
متى يوصلوا من معي في الجروب علشان يساعدوني

كل الأفكار في ثانية والدم والمكان بعيد

قررت إني اركب الدراجة هو الحل السريع

أخذت مجموعة المناديل إللي مع الراجل جزاه الله خير وحطيت جزأ منها على الكف والباقي على مكان الدم إللي عمال يشر من غير ما أطل عليه ولفيت عليه طرف الكم الواسع نسبيا

ركبت الدراجة مرة تانيه وقلت لازم أركبها دي المرة من غير ترنيح الوضع ما يسمح بالترنيح تاني
وأخذت في طريق العودة

وأقابل في وجهي طلائع الجروب

أهلين / وصلت لحد الشلال ورجعتي / ما شاء الله / كيف عدييتتي الطلعة الصعبة إللي ورا / وزي العادة يدوب كلمة وكلمتين –ومعاها أبتسامة أو تلويح

وأنا حالتي حالة وأقول لهم
أنا طحت
ترى أنتبهوا
صارت لي إصابة
طبعا ما أحد سمعني
رغم أن صوتي كان عالي بالنسبة لي

وهم بيقولوا ما سمعناك
خخخخخخ
الظاهر الفجعة طيرت صوتي

وصلت البيت بالسلامة ودخلت الشقة وجدت مارية سيرين مشغولين بلعبة
وأبوهم في دورة المياة – اكرمكم الله
وأترميت على السرير
وصرت اصيح عليه هيا بسرعة
صارت لي إصابة
وهو مو سامع – طبعا مافي صوت
هيا أنا مجروحة
صارت لي إصابه
وهو يقول إ إ إ إ إ ييييييييههههه
بطريقة طريفة

كشفت المناديل إللي حطيتها لأستقبل الصدمة النفسيه شوية شويه وطليت بطرف عيني
( خخخخخخخ . . . يقولوا إني حساسة شويتين )

وجدت شق في الساعد الأيمن وشكله يالطيف واللحم على برة والجلد مفشوخ - سبحان الله
شافتني بنتي سيرين وقالت بكل قوتها وبدون إرادتها أبوووووووييييييييييهههههه
أمي عندها دم

بعدها عيني ما شافت النور
صار كل الأشياء بلون واحد
وشويه الدنيا ظلام
بعد شوي سمعت زوجي الله يخليه جالس ينادي على ويحاول يكلمني
وأطرافي بردت وبتنمل ويدي ورجولي صرت ما أحس بيها وأنكمشت أصابعي ما أقدر افتحها وقوتي خارت

حسبت أن الموت أقبل وأن طيحه صغيرة زي دي هي السبب لقدوم الأجل
والله أحساس مخيف

تذكرت الشهادة وقلت يا ترى هل أستطيع النطق بها أم لا
صرت أتشهد بصوت عالي – هذا ما بدا لي

وفرحت لما ردتها عدة مرات وقلت في نفسي إذا الأجل ما خلص لازم أتقوي علشان ما ينقجعوا على زوجي وبناتي




( تــــــشـــــــــو يـــــــــــــــق )




التجربة العجييييبة
إللي ما أنساها

هي كنز من كوز الجنه وغفلنا عنها ولها تأثير عجيب
سبحان الله
فعلا يعجز لساني عن وصف حالتي وأحساسي إللي شعرت بيه لما رددت
(((( لا حــــول ولا قـــــوة إلا بـــــالله ))))

صرت أقولها بصوت عالي
على أمل أن لو كان ذا الأجل فيقويني الله للنطق بالشهادة

وأما إذا كان الأجل لم يحن بعد فأقوم وأتمكن من طمئنت من حولي وخصوصا صغيراتي

وأرحم نداىتهم ماما ماما إشبك ماما ؟؟ من فين الدم ياماما؟؟ ليه ملابسك كلها دم ليه أنت أتعورتي ؟ ؟ ؟ ؟

سبحان الله كأني قمت من عقال
كما جاء في الحديث - عندما لدغ سيد القوم
تذكرت أني ما أفطرت جيدا والوقت تأخر وما تغذيت
صار لي أكثر من ست ساعات لم آكل فيها شئ
أنشغلت بالتجهيز والفلة

وقلت لزوجي أعطيني شئ آكلة
( همي في بطني ههههههه )

راح على المطبخ وجاب لي حبة مشمشة ( المشمش عندهم شي جنان ) غسلها وأكلتها بالعافية

وشويه قمت من فوق السرير (تخيلوا) ولبست وشويتين ساعدني زوجي الحبيب لأني طبعا ما أقدر أستخدم اليد المجروجة

وطلعنا على السيارة ودراجة الهنا مركونه على طرف

وإلياس ما أدري عنه فين هو ولا الصغيور

أخذنا لفة في القريه الصغيرة بدنا ندور على إلياس لأنه هو الكبير محتاجه أطمنه وأقوله

علشان يهتم بأخوانه وأخواته شويه لحد ما نتصرف في حضرتي

الحمد الله وجدنا إلياس قرب شقة جدته إللي على بعد مسافة عن شقتنا وقلت له روح ياولدي على البيت وطمن أخواتك ,انا طيبه بس لازم يشوفني الدكتور

ولا تقول لأحد من القروب علشان لا ينخضوا

المهم طلع زوجي لأمه وقالها فين أحصل أقرب مستشفى
-ليه خير
- خير أن شاء الله بس فيه شخص يحتاج خياطة

بنت خالتي سمعت بها الكلام وطارت من مكانها على ناحية سيارتنا وصارت تجري من البلكونه على الدرج على السيارة وأنا من طرف متألمة من طرف تاني محشورة في الضحك

-خير وش فيك ؟ ليه لافه يدك كدة إيش صار
وأنا أرد عليها بكل برود

ما بدي أقلقهم قبل ما أعرف إيش حيصير معي
نزل زوجي ونزلت وراه مامته وعلى المستشفى – أقصد المستوصف – حق القريه

وآخذ لي عشرة غرز في الساعد مثل الخياطة على البطانيه والحمد الله الكف سلم منها بعد ما شالوا قطعه من اللحم المتهتك

وياسلام على أم زوجي وقفت معي وقفه حلوة وقت الخياطة وحسيت بحنانها وخوفها على زي مامتي
وزوجي الله يخليه لي شفت في عيونه حبه لي وأهتمامه بي
وكل إلي معي في القروب
شئ منهم ياخذ ولدي صغيري علشان ما أقدر أشيله مع يدي ومنهم من يحمم أطفالي ومنهم من يكوي لي كوي
ومنهم من يغير لي الجرح كل ما أحتاج غيار

وإللي ما يقدر يقدم لي مساعدته أو شعر بالتقصير صار يواسيني بالكلام الطيب إللي يضحكني مرة ويذكرني بالله مرة تانيه

وطبعا إللي ما أنساها أمي الثانيه وجدة أولادي إللي كانت كل يوم تأكلني أبره ساخنه (المضاد ) مرة في الصباح ومرة في المسا على الجنبين
خخخخخخخخخخخخخخخخخخخخخ


والحادث دا كشف لي أمور عظيمة كنت غافلة عنها

كشف لي أن العبد يجب عليه أنه يطلب من الله العفو و العافيه في الدنيا والآخرة لأن الصحة والعافيه ما أحد يعرف قيمتها غير إللي فقدها

وأن الخير في أهله وعزوته ويحتاج بس من الشخص أن يحسن الظن فيهم

وأن الأنسان يسعى في الحفاظ على ما يملك من موهبة ومال وجسم وفراغ ونشاط ولا يضيع الوقت على الفاضي لأن لو فقد شئ منهم يقول ياريت سويت لما كنت قادر

وهذا يذكرنا بالآيه إللي يذكر الله فيها حال العصاه وعدم مقدرتهم على السجود في الوقت إللي هم في أشد الحاجة لسجده لله رب العالمين لعل الله يرحمهم

زي ما صار لي كان نفسي أحمل ولدي في حضني وأدلعه وألعبه بس ما كنت أقدر غير من بعيد لبعيد ( إحساس صعب)

وكمان لما كنت احس إني عاجزه عن فتح علبة الحليب أو لف مصاصة الرضاعة


وغيييييررررررهاااااامن الدروس الكبيره إللي أتعلمتها في الرحلة

وبحكم إني تزوجت فرد من عائلتي والكل يعرفتي من طفولتي صاروا يضحكوا علي ويقولوا
لما كنت صغيرة وتعلمتي على الدراجات ما تعورتي

والحين بعد ماكبرت صرت أم عورتي نفسك

ووقتها أذوووووببببب من الخجل

وأقول كان مكتوب لي


والحمد الله
وطولت عليكم
شكل الكل نام وهو يقرأ

هيا خلاص كل واحد يمسح عيونه من النوم

الحدوته خلصت

لكن دروسها باقيه والكل أن شاء الله يفهمها ويستوعبها

ويستفيد منها

من غير ما يترك أثر البطانيه على ساعدة

هههههههه