لو سمحتي اختي كيف يستخدم هذا الماسك ومتى

أولاَ السلام عليكم عزيزاتي،،،
حبيت أضيف على موضوع وحدة القمر...
انا عمري 18.5 يعني بعدني مراهقة... لكن لي تجارب عديده في علاجات الحبوب وآثارها والمكياج وغيره وغيره..
يعني تقريباً كل ما يخص البشرة الين ما اتشوهت تماماً وكرهت حياتي...
المشكلة:
انا الصراحه ما أحبذ الخلطات الطبيعية لنها متعبة وتاخذ فترة طويلة لين ما تعطي نتيجه وأهم من هذا انه ما ينفع تشطفين ويهج بالماء بس.. لنه اتم بقايا الماسك داخل المسام وما يفيد غسلها بالماء فقط ... بتحسين انه حبوب بدت تطلعلج تحت البشرة وتكبر هالحبوب مع الأيام وعند الضغط عالبشرة اتحسين بألم خفيف... عشان جيه انا لمن كنت أحط روب ولا أي شي كنت أشطفه باسفنجة خاصة بإزالة الماسكات...
لكن يوم تركت الماسكات الطبيعية ( بسبب انشغالي الدائم في العمل) زادت العلايم والحبوب خاصة اني اداوم مرتين في اليوم وأضطر أخفي العيوب ب( البودرة المضغوطة ) = كريم أساس+بودرة ، وهاهو الحال كل يوم...
جربت كل شي ما خليت شي ( كريمات من كل الماركات من باريس غاليري ومن الصيدليات) اممم كانت تعطي نتايج بسيطة لكن مو دايمة... ، يعني اذا خلصت مجموعة العناية بالبشرة او الكريمات اللي عندج... رحتي فيها..
اصلا مب زين بشرتج تتعود على نوع واحد من الكريمات... يعني لا تعودين البشرة على شي معين... نوعي
رحت دكتور أمراض جلدية.. قالي """ ليزر """" قتله ليزر في عينك... رحت دكتورة ثانية او بالأحرى " أخصائية تجميل" وللحين أتعالج عندها... النتايج ممتازة.. ما يبالة الا (صبرررر) ، ( جيب مليان فلوووووس) بس...ههههه
وانا المسكينة راتبي كله راح عهالويه... بس يالله الله كريم... انا ما أقلكم كل وحده تروح دكتور لا ...
بس بقلكم شو الخلطة السرية..أول شي سويت تنظيف بشرة عندها ، ينظف المسام ويطلع البلاوي ويعالجها لنهم يحطون ماسكات طبية وفيتامينات
الحل:
بكتب كل شي وعمله وفؤائده:
1- شرب (8) كاسات ماء في اليوم<<<< إجبااااااررريييييي ، بتلاحظين ان البثور وآثارها خفت وااااااايد ( مجرب)
لنه اصلا هالحبوب والبثور ما تطلع الا قبل الدورة الشهرية أو ( خلل في الهرمونات) أو اضطراب الصحة والتغذية،(الهضم) بسبب قلة السوائل... (يعني فضيحة حد يشوف ويهج يعرف على طول يقول هاي اما فيها العادة أو تعاني من اضطرابات في الهضم)!!!
2-خذيلج مجموعة عناية بالبشرة تكون طبية مب مال تجميل وباريس غاليري ايقصون عليج.
(غسول وجه) للتنظيف و " تنظيم أو التحكم بافرازات البشرة" ، ( تونر ) تعقيم وسد المسام وتنظيم افرازات الدهون وتحفيز الخلايا على التجدد ، (كريم مرطب وحماية من الشمس ) ضروووووري لنه الكريم المرطب يحتوي على فيتامينات وعناصر مهمة مغذية للبشرة وكريم حماية من الشمس تعرفون ليش.. عشان يحمي البشرة من أشعة الشمس الضارة ونحن هني في دول الخليج تعرفون الجو كيف مايحتاي أشرج <<< كله حر وشمس ورطوية وهاييل أعداء البشرة والشعر يعني درجة الحماية لازم تكون عالية... 45 أو 46، (ماسك ليلي) يعالج ويجفف الحبوب ومايخليها تطلع.
انا ما أحب كريمات التبييض او التقشير وهالكريمات اللي يحطونها عالحبة أو العلامه بس مب كامل الوجه..
واللي عندها حبوب لازم ما تستخدم ماسكات أو غسول التقشير لنه يزيد البلوة... لازم اول شي تعرفين شو المشكلة وشو الحل بعدين تباشرين بالعلاج..وطبعا الحاله النفسية إتأثر .. لازم تتعلمين كيف تحبين نفسج وتملكين قوة اراده.
أنا قررت أعالج البشرة من أول ويديد من داخل لبرع.. مب بس من السطح لنه ما يفيد والحبوب بترد تطلع من اول ويديد...
وبعدين لازم البشرة اتم عالأقل 8 ساعات في اليوم بدون مكياج ولا كريمات..
النتيجه الأولية:
1-خفت العلايم بشكل واضح
2-ماشي حبوب...
سوري عالاطاله يا جماعة بس أحب اكون واضحة وأشرح بالتفصيل عشان ما تحتارون في شي...
عساكم تستفيدون مثلي...
وبسوي جلسة تقشير عقب بخبركم

السلام عليكم

انا يا بنات خدودي كان فيها حبوب وكانت ماتوقف
ومن علاج لعلاج ومن صابون لصابون بس كان عيبي مااستمر
الين مابديت بالرواكتين اختفت نهائيها ماشاءالله وبدون رجعه بعد
طبعا الرواكتين لازم تاخذينها بأشراف طبيب جلديه
وبتحسون اول شهرين بتزيد الحبوب وبتصير كبييييره بس بعدين الكل بيلاحظ فرق التغير ببشرتك

انتهيت من الحبوب .وباقي لي أثار خفيفه.. ودكتوري نصحني بالليزر وصراحه هو ثقه مو من الي يهتمون للفلوس
وانا اقتنعت اني اسويه لان مااضن له بديل
بس اذا عندكم بديل قولوا لي وبدعيييييي لكم
او اذا تعرفين احد مسوي ليزر عشان الاثار تقول لي الله يوفقهاااا دنيا وااااااخره

استودعكم الله

بنات بنات نسيت أقلكم اضافة للموضوع اللي كتبته، ان اللي ماتبا تسير دكتور ومحتارة بالكريمات والأدويه :
الحل:
1-شرب ماي واااااااايد مثل ما قلت فوق
2-قص الأظافر وتقليمها وتعقيمها والاهتمام بنظافة اليدين
3-غسل الوجه واذا كان شي حبوب ولا جروح من اثر اللعب فيهم ، حطي كحول ولا ليمون صح انه بيحرق لكن بتلاحظين ان الحبه بتنشف وبتتلاشى وحتى العلامه بتختفي تدريجياً>>> طريقة: (قبل النوم افركي الوجه بقطنه بها عصير ليمون مخفف واشطيفها بالماء بعد دقيقتين وارقدي وانتي مرتاحه) <<< "مجرب"
4-المحافظة على نظافة الغرفة والمكان وتغيير جو الغرفة بشكل دوري، لن الرطوبه والغبار لهم دور كبير في سد المسامات وبالتالي تتجمع الأوساخ داخل المسام مكونة حبوب.
5-الاهتمام بالعذاء الصحي (ممنوع شبس، ممنوع شكولاته، ممنوع جلد الدياي، ممنوع الوجبات الدسمة، وغير الصحيه، ممنوع الأكل الحار والساخن وكل ما يسبب اضطرابات الهضم، ممنوع الشاي حتى) انا كنت مدمنه شاي بس صدقوني لما تركته ولا حبه طلعت خصوصا من هالحبوب الكبيرة اللي تخرب الويه.
اشربي عصاير طازجه وكثري منها خصوصا: عصير البرتقال.
6-حطي كريم حمايه من الشمس يوم تطلعين من البيت ( درجه الكريم لازم تكون قويه)
7-لا تستخدمين المكياج الا بالمناسبات أو عند الضروره ولا تكثرين من كريم الأساس لنه راس البلى ولا تخلينه عالويه وايد وأول ما تردين البيت اغسلي ويهج بالغسول الخاص واستخدمي اسفنجه خاصة تمسحين فيها الويه بعد ما تشطفيه لنه بيزيل بقايا المكياج وينظف المسام.
8-نظفي ادوات المكياج بشكل دوري( الفراشي واسفنجات البودر وكل شي) اغسليهم بالصابون بشكل دائري والفراشي بعد ما تغسلينهم حطي عليهم بلسم مال الشعر لمده دقيقة عشان شعرات الفراشي تحافظ على نعومتها ومرونتها.
9-(الحاله النفسية): حافظي على هدوء أعصابج وتعلمني كيف تحبين كل شي انتي اتسوينه،، لنه الضيق ايأثر وافرازات الدهون اتزيد بالتالي>>>> تعرفون....>>>.*&+%^#$@@!ّ
النتايج:
النتايج كلها تبان من اسبوعين لشهر.. وكل يوم بشرتج تتحسن وهالنصايح التسع لتجنب حبوب زياده .

السلام عليج يا أخت سلطانه،،
انا الصراحه سمعت عن هالحبوب اللي تنظف البشرة من الشواؤب والبثور اللي داخل المسام...
اربيعتي مجربتنه واتقول هو في البدايه تطلع حبوب وايد عشان عقبها ما تطلع ...
لكن ما أعتقد ان في وحده تقدر اتيود عمرها ما تلعب بهالحبوب... خخخخ
وبعدين الليزر له سلبيات وايجابيات.... حتى التقشير لكني بسويه عشان أفتك مره وحده من هالبلاوي...
انا انتهيت تقريبا من مسألة الحبوب تميت عالعلاج اللي كتبته فوق لمده شهر تقريباً بس باقي العلامات..
المهم الليزر انا ما أحبذه لنه مكلف وبعدين مب زين تتطلعين في الشمس ولو شوية وله سلبيات أخرى ما أذكرها..
انا بسوى تقشير بس جلستين او ثلاث وحتى برخيص.. مب شرات تكلفة الليزر... لنه التقشير يصاحبه التنعيم ...
انا الحمدلله الحين ما يبالي شي ولو انتظرت وتميت عالطريقه اللي ذكرتها بتختفي العلامات .... لكني متعاقده ويا دكتورتي على جلستين تقشير عالأقل... الله كريم