اثنين بواحد .. شوفو مشكلتي وساعدوني .. تكفون لاتخلوني .. انا محتاجتكم

مرررررحبا خواتي الغاليات ...

كيف الحال ؟؟؟

ان شاءالله بخير ..


اتمنى تكونون باْتم صحه وحال ...


بختصار انا صار لي متزوجه سنه بالضبط والحين انا حامل بالشهر السابع ويعلم الله ان الحمل متعبني مره .. والمشكله اني فبيت بروحي وطبعا" ماعندي خدامه .. يعني كل شي فوق راسي ن طبخ وكنس وتنظيف وطبخ وكوي وووالخ .. ووووصرت اهمل بشغل البيت كثير .. يعني اذا فيني حيل كويت وغسلت وطبخت وتزينت واذا مافيني حيل ماسويت شي .. وهذي مشكلتي انا حساااااسه وزوجي يعصب لما يشوفني مهمله .. مره اذا شافني تعبانه يقول لاتشتغلين واذا جا اليوم الثاني ومااشتغلت قال ليش مخليه البيت كذا مكركب ؟؟!! :( .. قلتله مافهمت لك ان شفتني تعبت قلت لاتشتغلين وان ما اشتغلت قلت ليش ماتشتغلين ؟؟!!!

وعشان كذا تشوفوني كل ماعصب ابكي ... :( ...

والمشكله انه يقول اذا هذي حالتنا ماراح انطوّل مع بعض وكلمته هذي صارت حلق بذني دايما" افكر فيها وصرت اخااااااااااف يصير الكلام جد ...

مادري شسوي انا احبه ولا ابي تقصيري سبب مشاكل بيني وبين زوجي بس ( الحمل تااااااعبني )

ودايما" يقولي انتي مقصره .. ويعلم الله انه مو بيدي ..

يقولي ليش البنات الباقين احسن منك ؟؟!!

قلتله بالعكس كل البنات اللي بسني وتزوجو معي كل وحده ساكنه مع اهل زوجها ومالها الا غرفه وحده ماتاخذ منها ساعه في ترتيبها والطبخ والغسيل والكوي وكل شي الله يسلم خدامة البيت ..

تصدقون صرت اتمنى لو كنا ساكنين مع اهله ع الاقل بتكون المسؤليه اخف لو كان ماعندي الا غرفه .. بس الظروف ..


واللي زايد الطين بله ان فيه بنت من اللي كان يعرفهم قبل الزواج لين فتره قريبه وهي اتدز مسجات لجواله وصارت بينا مشكله والسبب هالبنت الله لايوفقها .. استغفر الله .. قصدي الله يهديها ويكفينا شرها ..

اكيد بتقولون شلون عرفت انها ترسل له مسجات ؟؟

السالفه ومافيها خواتي الغاليات ..

انه مره زوجي كان جاي وقت الغداء brake وكان قاعد ع الاب توب وانا قاعده بجنبه شوي الا جاه مسج بحركه عفويه خذيت تلفونه ابشوف المسج لاني دايما" اخذ تلفونه مايقول شي بس هالمره سحب التلفون من ايدي وقالي هذي اشياء خصوصيه مفروض ماتفتحين الجهاز الا باْذني .. وش دراك ؟؟ يمكن تقرين مسج يعيفك حياتك ؟؟ انا هنا انصدمت :eek: وتلعثمت وقعد الشيطان يلعب براسي قعدت اهوجس قلت شنو المسج اللي ممكن يكرهني عيشتي غير ان بنت ترسل لزوجي المهم هو اول ماقرا المسج مسحه وقال نفس ماتوقعت ؟؟!! وانا قبلها بفتره كل مااكون جنبه ع الاب توب تجيه اضافه بايميل باسم بنت ويرفض ودايما" يجيه هالاضافه وكنت شاكه انها وحده من معارفه قبل هو حاذفها من الماسنجر

انا سكت ومعاد تكلمت بس بعدها بشوي سحبت التلفون وفتحت السجل ( تعرفونه طبعا" ) اللي يكون موجود فيه كل شي ولقيت اخر مسج من الكويت وحفظت الرقم ونزلت التلفون عنده المهم هو تغدا وراح للعمل ورجع العصر وانا طول الوقت معصبه ويقولي شفيج وانا اقوله مافيني شي بس طفشانه المهم عطيت وحده من صديقاتي الرقم وقلت اتصلي شوفي اللي بيرد عليك بنت ولا ولد ولا تقولين شي قالتلي خلاص .. المهم اتدق صديقتي وادق محد ايرد انا هنا زاد شكي انه مو ولد بنت المهم من القهر قررت اني ادق من رقمي يمكن اترد علي واشوف بنت ولا ولد ؟؟؟ المهم دقيت وطلع الجهاز مغلق قلت الحمدلله لاني اساسا مابي ادق من رقمي بس تهورت وسويتها .. المهم انا قلت الجهاز مغلق يعني رقمي ماوصل لهالرقم الكويتي .. المصيبه ان بعد شوي جاني اتصال من هالرقم ..!! :eek:
انصدمت قلت انا صحيح اتصلت لكن الجهاز مغلق .. مادريت ان فيه اختراع اسمه خدمة موجود ( مس كول ) يعني صحيح الجهاز مغلق لكن رقمي وصل بمسج .. المهم رديت وليتني مااااارديت ..:(

تخيلو اطلعت بنت قلتلها نعم شتبين قالت انتي اللي داقه قلت اسفه غلطانه بالرقم ..

تخيلو سكرت منها وانا منهااااااااااااره قعدت ابكي بشكل هستيري .. لين حسيت ان عيوني بتنشف من كثر البكي .. المشكله انا للحين متحمله ماقلت لزوجي اي شي .. المهم هو للحين ماجا من الدوام ..

المهم لما جا قالي سوي لي شاي قلت طيب سويته وحطيته وطلعت قالي تعالي قلت نعم امرني بغيت شي قالي انتي شفيج اليوم منتي على بعضك قلت مافيني شي شوي تعبانه المهم قررت اني ادق عليها واتاكد بنفسي رحت لغرفتي ودقيت عليها ماترد ادق ماترد ارسلت لها مسج ( حسافه ليتني مانزلت نفسي وكلمتها ) قلت لو سمحتي ياريت تردين ابسالك سؤال وبسكر ارسلتلي مسج كاتبه فيه : اسفه انا مااكلم ناس مااعرفهم ( مسويه نفسها شريفه ) :icon10:
المهم انا ارسلتلها ردي كلها سؤال وبسكر وانا بنت مثلج ليش تخافين ماراح اكللك ؟؟
بعدين دقيت وردت اول ماردت قلتلها انتي تعرفين واحد اسمه ( ........ ) :arb: طبعا" قلت اسم زوجي .. تخربطت وقالت اكيد انتي ( ........ ) :icon28: قالت اسمي ؟؟!!

انا انصدمت قلتلها وش عرفك فيني ؟؟ فلان قايلك اقصد زوجي قالت لا والله .. المهم قلتلها وش سالفتك انتي قالت انا من سنتين متعرفه عليه عن طريق النت ( لانها هي بالجامعه العربيه المفتوحه وهو كااااان قبل يدرس فيها ) قالت انها تعرفت عليه وكان يكلمها وقد تقابلو بالكويت طبعا" ( لان احنا نص دمنا كويتي ونص دمنا سعودي ) وانه كان يقولها انه يحبها وانه متعلق فيها وهي متعلقه وهي على قولتها كانت تحب تعرف عنه كل شي وانها للحين اتحبه وهو قطع علاقته فيها بس هي للحين ترسله ( تخيلو الوقحه تتكلم وانا ميته من القهر ) وقالت لي كلام كثير بس والله نسيته .. المهم قلت لها لاتصدقين نفسك ان فيه شي اسمه حب مكالمات ترا زوجي كان اكبر مغازلجي وغيرج عرف مليون والشباب يقولون للبنات احنا نحبج بس عشان تطلع معاهم وياخذون منها اللي يبون ثم يخلونها تخيلو شقالت لي الوقحه : قالت انا ادري ان فلان ( تقصد زوجي *) اكبر مغازلجي وسربوت بس هذا قبل مايعرفني بس لما عرفني عطاني كل باسورداته ولما تفارقنا غيرها انا هنا مت من الغيظ ومن وقاحتها بعدين قالت انا بحاول انساه المهم انا قلتلها شسمك قالت ليش قلت بس سؤال ؟؟ علمتني اسمها الا هو نفس الاسم اللي يطلب اضافة زوجي دايما" قلت لها اجل انتي اللي دايما" تطلبين اضافه قالت ايه وسكرت .. وقعدت ابكي ومن القهر ضربت جوالي بالجدار لين تكسر ..

المهم .. بعد ماسكرت رحت و لبست فستان قصير ابيض ( لانه دليل الصفاء والنقاء والعفه ) وتزينت وحطيت روج وردي خفيف خليت صار شكلي كيوت

( يمكن بغيت احسس نفسي اني انا غير هالانسانه ابي احسس نفسي اني انا الشريفه العفيفه وهي الحقيره من يد شاب ليد شاب )

المهم ورحت لزوجي مالقيته ع الاب توب الله يكرمكم كان بدورة المياه استغليت الفرصه ورحت للكمبيوتر وفتحت مستند نص جديد وكتبت بخط عريض ( ترا ...... تسلم عليك واااااااااايد ) طبعا" كتبت اسمها .. ورحت داخل شوي ناداني ولما جيته ماقالي اي شي عن اللي كاتبته طنش بس قال ابي ماي انا رحت وجبت له ماء ومن القهر لما شفته مطنش لما جيت اطلع التفت عليه بدلع وقلتله ترا فلاااااانه تسلم عليك ( وهو يبي يقهرني ) قال اهاااا ياحليلها وين لقيتيها ؟؟ انا انجنيت وقمت وكنت حاطه ورده حمرا صغيره على خصلي رميتها ورحت لغرفتي وبدلت ولبست عباتي ولما شافني قال تعالي وين رايحه قلت بروح بيت اهلي قال بيت اهلك منتي رايحه ( هو عرف اني دريت ) المهم صار بينا كلام وصياح وبكيت بشكل ماتتصورونه وعلمته بكل اللي صار قال هذي وحده كنت اعرفها قبل واذا بتروحين لهلك روحي بس اذا ساْلوك وش اللي بينك وبين زوجك وش بتقولين ؟؟ بتقولين تهاوشنا عشان وحده
< كااااان > يعرفها ؟؟!! بس ع العموم انا الحين مطوع ( نسيت اقولكم ان زوجي ملتزم ولله الحمد بس مثل ماقلتلكم الشيطان لعب براسي ) المهم قال انا مطوع واخاف الله والله بلاني بهالبنت اللي ترسل لكن انا بثبت على ديني ماعلي منك ولا منها وانا اصلا" مااحبها ولا شي .. ( المشكله اني متاكده ان زوجي يحبني حتى من قبل يتزوجني ماكان يبي الا انا والكل كان يدري انه اذا ماخذاني ماراح يتزوج غيري ) المهم انا كنت اقوله هي اصلا" ماتحبك انا اللي بس احبك .. وقلتله طيب هي وش اللي عرفها اسمي قال هذولا الحيوانات وقام يسب وقال تدرين ان هذي اتكلمم عيال خوالي بالكويت واتكلم اخوك واخوي تسال عني هذي ملاحقتني ناشبه ( انا ليومكم هذا مااعرف من اللي يوصل لها اخباره ووش مصلحته) وكلااااام واجد صار بينا بس ناسيته بس على كلن الموضوع عدى على خير وليلتنا عدت على خير

و اليوم الثاني لما رحت لغرفتي الا لقيت شي منتفخ بالفراش ولما فتحت لقيت كيسه بداخلها ورده بيضا وجهاز جوال جديد ..

المهم بعدها بفتره وانا كنت قاعده جنب زوجي ع الاب توب بعد وكان زوجي قاعد يتصفح المنتدى حقه ( زوجي عنده موقع اسلامي فاتحه هو المشرف العام ) والمنتدى طبعا" توه ماانفتح رسمي الا مشاركه بالمنتدى العام باسم بنت واسمها طبعا" ماله اي مدلول اسلامي مابي اذكره ( طبعا" اسم زوجي يعرفه كانت تدخل فيه قبل منتديات) بس الاقامه كاتبه اعيش وحيده حيث لا احد هناك المهم زوجي انصدم قالي هذي وش جابها هنا ووش عرفها الموقع ؟؟

المهم انا مادريت شالسالفه قلت منهي قال هذي اللي كلمتيها المهم زوجي رد عليها بالمنتدى قال الرجاء تغيير الاسم ومن هالكلام .. وكان يبي يطردها بس ماعرف .. المهم ارسلتلها رساله بالجوال قلتلها انا مايهمني منو قالك عن المنتدى حق زوجي بس ضاقت عليك المنتديات الاسلاميه الا تسجلين بهالمنتدى بالذات قالت انا حالي حال غيري ابستفيد قلتلها اصلا" الموقع للحين مافتح رسمي .. ( اموت واعرف منو قالها عن الموقع ) المهم زوجي لما عرف دق عليها وهزاْها وقالها انتي اصلا" نيتك شينه ليش تسجلين باسم اعرفه ادخلي باي اسم مااعرفه ولا اطلعي من المنتدى وقسما" بالله لو ماتخليني بحالي لاانشر اسمك بالمنتدى واحط رقمك وسكر .. صار بينا هوشه اليوم لان زوجي عصب قال ليش ترسلينلها تبين المشاكل المهم فعلا" صارت مشكله بس مو قويه مره

بعدها بفتره جبلي بمناسبة يوم ميلادي هديه حلووووووه .. ويمكن هالشي خلا علاقتنا تقوا اكثر.. بس يابنات موقع زوجي اللي قلتلكم عنه مغلق حاليا" لانه قاعد يسوي فيه تعديلات اذا انفتح الموقع من جديد ولقيت البنت للحين مسجله وش اسوي .. ياليت اللي عندها طريقه اقدر احذفها من المنتدى معاد تدخله ابدا" تعلمني انا اببعدها عن طريق زوجي كلش (وهذا طبعا" من حقي) مابيها تقعد بالمنتدى قريبه منه لانها شيطان بصورة بنت اخاف زوجي ينحرف والسبب هي...

ادري طولت عليكم وكلامي ملخبط وافكاري متشابكه ونص السوالف انا ناسيتها بعد بس اتمنى تكون القصه وصلتكم .. واتمنى تتقبلونها بقلوبكم وتفيدوني وتعتبروني مثل اختكم الصغيره ترا خبرتي بالحياه قليله ..

بكل الحب