اجازتي بتبدأ وماني عارفه كيف اقسم ايامي عند اهلي و اهل زوجي ؟؟؟

السلام عليكم ورحمة الله وبركاته

بدخل في السالفه عللى طول مااحب المقدمات
قبل ماابدأ احب اقولكم كل عام وانتم بخير
رمضان على الابواب الله يجعلنا من صيامه وقوامه وعتقاااء من النيران
اللهم امين

ببدا بسالفتي انا يابنات مغتربه وان شاء الله نازله السعوديه اول يوم رمضان
وطبعا انا ماعندي بيت يعني بعض الاحيان انام عند اهل زوجي هم مسويلنا غرفه وبحمامها الله يكرمكم جناح صغير
وبعض الاحيان اروح عند اهلي انام زوجي نادارا يجي عند اهلي ينام بس يجي يفطر ويقعد شوي ويروح
المشكله لمن اروح عند اهل زوجي اقعد كم يوم عندهم وامي تزعل تقول انتي ليه ماتحبي تجي عندنا
وانا والله العظيم مو كذا بالعكس احب اروح عندهم ولمن اروح عند اهلي واقعد كم يوم اهل زوجي يقولوا لزوجي فين مرتك خليها تجي تفطر عندنا اليوم ياربيييييي طيب انا ارضي مين ولامين محد عاجبه الحال شكلي بقطع نفسي نصين ههههههههه :09: ولمن اغيب عن اهل زوجي كم يوم يتصلوا عليه بالذات سلفاتي يقوولي تعالي وحشتينا يحرجوني اقولهم طيب خلاص بجيكم وبيني وبينكم انا احب اروح كثير عند اهل زوجي لانهم من النوع الي يسهروا وانا اسهر معاهم واهلي عكسهم مايحبوا ابدا السهر يناموا بدري طيب بالله انا اش اسوي لمن يناموا !؟!؟ قبل كم يوم كنت اكلم اهلي امي تقولي خلاص صرنا نعود نفسنا على السهر قلتلها ليش قالت عشان نسهر معاكي عشان ماروح اسهر عند اهل زوجي يووووه حزنونييييييييييييي :44: بس انا اعرفهم يسهروا يوم وعشره لا ماهم متعودين بيرجعوا لعادتهم القديمه وغير كذا ام زوجي الله يهديها مرررره عصبيه وممكن لو شي ماعجبها تعصب علينا :44: وانا من النوع الي اخاف اسوي شي وتعصب عليه مشكلتي حساااسه اممم قالي زوجي خلاص انتي بس تعالي عند اهلي زي الضيفه تعالي افطري وبعدين انا اوديكي عند اهلك بس فكرته مادخلت مزاجي احس عيب اجيهم ضيفه وهم ياحرام يكرفوا في المطبخ وانا قاعده ؟؟؟؟
انتم اش رائيكم مااحب ازعل احد قولولي اش اسوي :(