السلام عليكم ورحمة الله وبركاته
سلامي للجميع ومشكوره اختي ميران على الموضوع اللي معذبني وذابحني لدرجة اني
وصيت قريبه لي تخلي زوجها الصحفي يعمل تقرير ويصحي فيه الناس من هالغلى اللي
كل مشغل شاف الناس عليه قام يزيد بأسعاره ولا (( موضه جديده )) يقولون تبين مميز او عادي
يعني زياده فلوس بس بشكل مزخرف

انا اللي اشوفه عندنا غير عن الدول الثانيه بصراحه في السعوديه اسعار المشاغل كل مالها وتزيد والقهر ان مشاغلنا اللي تسوي رخيص يطلع مكياجهم مخيس (( على قولة المثل : الرخيص مخيس )) ====> ابوي دايم يقوله خخخخخخخ

طيب انتم مو ملاحظين شي ...؟؟؟؟

صالونات الرجال اسعارها رخيصه مرررررررررررررره
والله يعمل تنظيف بشره وحمامات شاميه ومغربيه وغير كذا قص شعر وسشوار
والقهر مايكلفه غير 200 ريال

والضعوف اللي هم احنا تنظيف بشره 100
وحمام مغربي 150
وقص الشعر من 70 و150
وغير كذا السشوار اللي مزعجينا في طول الشعر يعني وش يبون نحلق مثل العيال والا كيف ؟؟

وغير كذا فيه مصايب كثيره الله يكون بعونا بس انا عن نفسي
من عرفت عالم حواء وانا الحمد لله كل يوم عن اليوم اللي قبله صايره اخذ خبره من البنات
واستفيد منهم كثييييييير بشكل ماتتصورون لدرجة ان اهلي لاحظوا التغير في مكياجي وصاروا
يسئلوني عنه ويقولون ايش مسويه بنفسك ههههههههههه صايره حركااااااات
والبركه في منتدانا الغالي وخواتي الغاليات اللي ماقصروا والله كل شي ساعدونا وماقصروا

الله يبارك فيكم انشاء الله ويسعدكم وينولكم اللي في بالكم
معليش خواتي من التحمس عبيت الصفحه هههههه(( ياكثر هذرتي والله ))

تقبلوا خالص احترامي
اختكم ام منار
ننتظرك اختي بباقي الموضوع...

هلااا والله وغلااااااااااااااا




كنت غايبه عنكم هاليومين,,تدرون وش السبب

عندنا زوااج قريبه لنا,,,,,,,هههههه وجا بوقته وهو اللى خلاني اكتب هالموضوع

السؤال والحوسه اللى حسناها قبله شجعتني على طرح الموضوع

وعدى كل شي على خير,,والحمد لله

ومحسوبتكم اول مره تدخل مشاغل,,

والله لا يوريكم توبه ونوبه من الماكياج
الا كان تسريحه مانستغني...

الكحل ساح اخر العرس,,وهات يامسح وراح كريم الأساس,,
وهذا خلاني اصمم واقرر اني ماعاد ادخل مشاغل هي مره وعساها ماتتكرر



المهم اشكركم على تفاعلكم مع الموضوع وردودكم اسعدتني جدآ
وراح ارد عليكم بالتفصيل ,,
انتظروني

السلام عليكم ورحمه الله وبركاته
تحبيه لآختي وحبيبه قلبي ميران ...والله كلامك صح مليووووووووووووووووووون في الميه وماأقدر اضيف شيء ....إلا شيء بسيط وهو
((((الأجانب))) شوفوا الاجانب هم اللي يصنعون المكياج بكل ألوانه الكثيره والصارخه لكن مايستخدمونه ..يصدرونه لنا وعندنا إستهلاك فضيع للمكياح
غير كذا ..شوفي الوحده بعرسها ...هي اللي تسوي مكياجها وتخليه خفيف وناعم والشعر مافيه تكلف ...والكوفيرات عندهم للقص والصبغ والبدكير بس..انا عشت برى وأشوف العروسه ماتحوس حوسه العروسه عندنا ...لاحظوهم..في الافلام ...كيف...
والله في الزواجات اشوف ناس المكياج كتل ...واقول حراااااااااام هذولا الحين شايفنه زين ...
انا اسوي مكياجي بنفسي لاني تبهذلت من الكوفيرات ولت والله لاتعلم المكياج ...
والحمدلله ..تعلمت المكياج والفضل يعود بعد الله سبحانه لعالم حواء...
اما الشعر أحيانا اسوي التسريحه عندهم واذا رجعت البيت سويت المكياج ...
**********
تحيه طيبه غاااليتي ولكل خواتي اللي شاركو بالموضوع
*********
اختكم
خزامى

حلو موضوعج اختي ميران نحن عندنا في صوالين الامارات يسوون مكياج وتسريحه ب 300
اما المواطنات الميك اب روحه 250 او 300 وفي وحده سمعت انها تسوي بألف مع انه مكيب وحده عاديه مب ميكب عروس .. وميكب العروس طبعا فوق 2500 درهم ..
انا الحمد الله اعرف احط ميك اب وبملجة اخوي روحي سويت لي والكل كان عاجبنه وكانوا يسألوني بأي صالون حاطه :)
والله لو روحنا نحط احسن لنا بدال ما نذل نفسنا للصوالين ..

هلا بالغاليات واعود للأجابه عن ردودكم والله يحييكم بصراحه تبردون القلب


والموضوع منوربوجودكم


عطر المحبه

هههههه هلا والله لا مالخبطت هلحين موانتي متابعه معي من بداية الموضوع
ومن هي عطر المحبه الثانيه انتي اللى حيرتيني هلحين
يعني انتي نفسك اللى ماسيه معي من اول الموضوع او لآ
او انتم ثنتين !!!مااعتقد!!

والله شي يحير




تكفين عجلي خلنا نشوف ثمرات الموضوع الأولى بانتظار اخبارك الساره

أم بزويه قلبي
ماشاءالله عليكِ بصراحه تعجبني كثيررررررررر

وبصراحه كلامك منطقي وماعليه غباروبالعكس افكارك راح تشجع البنات اكثر تسلمين لنا ماقصرتي

حياكِ الله نورتي معنا بوجودك ومشاركتك يالغاليه



فال خير :)
هذا يدل انك منبسطه والا فيه تعليق!! هههههه انتظر الجواب


عشق 23



ماتحبين الصالونات معذروه والله معذروه

وبالنسبه لزحمة الصالونات شي غريب الكل يبي زين ونعتقد انه لازم يكون بأيدينهم الملفوفه بحرير وكأنهم ماسكين عصاة سحريه بتحولنا لسندريلا العصر ههههههه الله يرحم الحال بس

والله الماكياج سهل جدآ ويحتاج لنا تجمعات للتطبيق والتشجيع وراح نبدأ بعد انتهاء المضوع اللى باذن الله بمشاركاتكم الهادفه راح يعطي نتايج ايجابيه وقرارات هامه

وبالنسبه للتسريحات هي اللى اعتقد انها تحتاج خبيرات ولكن في لها حل ايضآ
انك تسشورين بالبيت وهي بس ترفعه وبكذا تقتصدين شوي بالفلوس صح والا لأ

بنت الحفر
هلا والله بالعجازه ههههههههه مافهمتي شي
عيوني حنا هنا رافعين احتجاج على بعض الأشياء

غلاء المشاغل
فتح المجال للموهوبات بهذا الفن الأستفاده من مواهبهم
وفتح الباب للي مايعرفون اساسات الماكياج مثلي انا للتدريب والتطبيق مع هالخبيرات

اتمنى تكونين فهمتي المقصود وبانتظارك تنضمين للقافله



رهوفه
ياحبي لك بس
وماشاءالله عليكِ

بصراحه اشجعك ونص وشوفي الحل وانا اختك عندي

اجلسي مع الوالد,,وجهزي له القهوه السنعه والشاهيوفهميه وضع المشاغل واسعارها الخياليه وسوي حسبه بسيطه لنموذج للأسعار تكونين مجهزته قبل وخليه يشوف كيف هالمشاغل اكلت الناس بالغلاء المبالغ فيه
واذا شفتيه اقتنع,,قولي له

ياابوي ياحبيبي,,الحرمه والماكياج مثل الهوا والنفس لنا
وانا ماراح اتوسع,,بس اسوي للي حولي من اقارب وصديقات
ومعارف وراح اخذ نسبه بسيطه ماتجي ربع المبلغ الأساسي
باي مشغل وفوق كذا راح تكبين كنوز

انا اعتقد انه اذا فهم الوضع صح راح يوافق,,
جربي وعلمين حنا بانتظارك

وعريس المستقبل مو بقايل شي بالعكس بينبسط بيقول
والله زين هاذي فلته بتفكني من الروحه والجيه للمشاغل,,
اكيد بيكون سامع عن الأستغلال والمشاكل بسبة هالمشاغل من تالىننتظرك على احر من الجمر

النيزك

حياكِ الله يالغاليه


كلامك صحيح وواقعي وملموس بعد



كل شي بنسويه,,واتمنى ان اللى عندها خلفيه عن البنات اللى عندهم خبره بهالفن من خلال المواضيع اللى تتصفحونها لأني قليلة التردد على هالقسم ولكن للحاجة مؤخرآ بدأت الأطلاع عليه,وولكن اللى تعرف العضوات النشيطات بهالمواضيع الرائعه تفيدنا عنهم جزاكم الله خير

المشاركه والتعاون مطلوب لا تبخلون علينا
renad



الله ينور عليكِ هذا اللى نحتاج
المنتدى مليان مواضيع شيقه ونافعه لكن نحتاج وقفه للتعليم والتطبيق

مثل اي برنامج رجيم او طبخه او حلى يعني الماكياج بالذات لازم نحاول نستفيد من هالقسم اللى اقدر اسميه كنز ومعهد للتدريب بس نحتاج تحريك فقط

ولن انسى دروس شوكلاته المثبته الله يجزاها خير قمه بالشرح والتفصيل ايضآ الكثير من العضوات اللى مخزنه مواضيعهم اللى على امل اني اتعلم لكن من هلحين سنبدأ بالجد والجد الله الله عليه

وبالنسبه لك ماشاءالله عليكِ اختي يعجبني اصرارك
على التعلم وهاذي اهم نقطه باعتقادي بالبدايه حتى ننجح


وبالنسبه للتسريحه ماشاءالله عليكِ والله الكل يعتقد انها صعبه بينما لو تعلم الواحد كل فتره تريحه بسيطه ونعومه يمشي حاله لكن نحتاج تشجيع وياكثر مانبي نكررررها

ولكن ملاحظه للجميع
اتمنى مايكون الماكياج يابنات اول واخر اهتماماتنا يعني مانخلي اولوياتنا الدنيويه تطغى على الدينيه انتبهوا من هالنقطه الله يبارك فيكم

شموعهلا عيوني اعذريني انشغلت هاليومين كان عندنا زواج وضيوف وتعرفين المشاغل
وكلامك اعطاني حماس اكبر لتكملة الموضوع بوجودكم الله ينور عليكم ويثمر هالموضوع خير بأذن الله

اسطورة الأزمان



هههههه الله يجزاكِ خير والله اتمنى تسوون هالتقرير عشان
الناس تشيل هالغشاوة والتبلد اللى اصابنا دفع فلوس وخلاص

ياحبي لك تقارنين صالونات الرجال بالحريم والله فررررررق

والسبه ان الحريم تبي الزين وهالشي معرووووووف
والرجال مو مثل الحريم مع ان الأجارات نفسها والعماله نفسها لكن وش نقول




احب راسك على هالكلمه الشعر اللى عند الكتوف يقولن عليه طويل ويسحب هههههههه شي مخجل وحنا نصدق المشكله




ياحبي لك فضفضي وطلعي اللى بصدرك والله حاسه فيكِ الله يكون بالعون





يامال العافيه وايضآ كلامك راح يعطي دفعه من التشجيع للتعلم عن طريق المنتدى
وكلنا نشهد بذلك صرح شامخ ومتميز


يازينك وزين هذرتك اللى اثمرت لنا هالنقاط والكلام الرووووعه
تسلمين والف شكر

خزامىهلا وغلا





ياعمري انتي حطيتي يدك على الزبده والمهم
والله دايم اسال نفسي هالسؤال ليش الأجانب يستدمونه بشكل خفيف وحنا طبقات اللهم ياكافي واشكال وفن تشكيلي بعد!!!!!!!!!!




هنا المشكله والله مااظن اقتنعوا فيه لكن التقليد اعمى بعد


ماشاءالله عليكِ حلو الواحد انه يتعلم مو بس يقرآ وهاذي نقطه انتبهوا لها يابنات



أم خليفه
هلا وغلا لو بنحشب هالتكاليف ماخلصنا اختي شي غريب واستغلال بكل الأحوال والله سبحانه وتعالىمايرضى بالأسراف ابد,, ولا حنا نرضاه لأنفسنا



امنيه بتتحقق بأذن الله تعالى