أنا درست ابتدائي وثانوي ومتوسط في مدرسة أهلية..
كان منهج حكومة للثانوي..
أما مناهج الابتدائي سويتها بنفسي لحد ما هلكت.. سويت أربع ملازم ملونة وواضحة للمراحل الأولى من الابتدائية وبأسلوب جميل جداً..
لكن من التعب تركتهم في المدرسة بعد ما استقلت وما أخذت نسخة منهم!!!! :17:

في كتب كثيرة مفيدة في المكتبات للابتدائي ممكن تستفيدين منها كمراجع..

وبالنسبة للمدرسة الحكومية لازم تحاول تثبت نفسها بنفسها وتشوف دفاتر تحضير المعلمات الثانيات (في المواد الثاني) وتستفيد منهم.. أنا سويت كذا وشرحوا لي طريقة التحضير (لاحظي أني غير تربوية ولا عمري أخذت طريقة التحضير وهالأشياء) ورحت أسوي زيهم لكن على مادتي.. والحمد لله طلع دفتري مرتب ومعقول وعجب المديرة جداً خاصة أني كنت أستخدم صور مناسبة لكل موضوع أطبعها من الإنترنت..

أختي ضوء المكان

انتي معلمتي الفضلى إذن فأنا مقبلة على التطبيق في الفصل الدراسي الثاني بإذن الله وكما تعلمين فليس لدي سابق خبرة بالتدريس فأتمنى منك نصائح بهذا الشأن
وكيفية التعامل مع الأجزة العطلانة

ولك جزيل الشكر والثناء

استفساراتي..اختي ضوء المكان ...الله يعينك عليها ...
1- ما هو توزيع المنهج لثاني و ثالث ثانوي؟
2- هل يوجد تحاضير جاهزة ممكن استفيد منها؟
3- هل سيكون لمادة الحاسب درجات مثل باقي المواد او بتظل مادة نشاط؟
4- هل بيكون تدريسي فقط للحاسب ام سيكمل النصاب بمواد اخرى او في مدرسة اخرى؟
5- سمعت ان وضع الاجهزة في مدارس البنات جدا متدهور ..كيف تتعامل المدرسة مع هالوضع في الشرح؟
6- هل منهج البنات مثل مناهج الطلاب؟
7- المنهج عبارة عن كتابين واحد نظري و الثاني عملي ..هل يكون التوزيع حصة نظري و ثانية عملي في الاسبوع و لا كيف؟
اتمنى السرعة في الاحابة على الاسئلتي لأني انتظرها على احر من الجمر.....

هلا وغلا اخيتي معمول كرامه ..

هلا بطالبة الكلية .. يعني الترم الثاني طالعه تربيه ميدانيه ..

اذا تبين نصائح للتدريس .. هذي يبغالها مجلدات ومجلدات .. وراح يطول المقام في الحديث عنها ..

واظن هالقسم مليء بهالشيء ..

لكن حبيبتي إذا تبين اتواصل معك عالخاص بخصوص هالموضوع ماعندي مانع .. ومكتبي الخاص يرحب فيك بأي وقت ..

بالنسبة للإجهزة العطلانه نفس سؤال الأخت همس .. وراح تلاقين الاجابة عليه تحت في ردي عليها ..

لكن انتي طالبة جامعية يمكن تصعب عليك .. فاتقدرين تكلمين ادارة المدرسه يبلغون الاداره عن هذي الاجهزة ..

او توزعين الطالبات على الاجهزة المضبوطه ..

اتمنى اكون افدتك غاليتي :26: :26:

----------------------------------------------

هلا اخيتي همس ..

ولو حنا خوات غاليتي همس الايام ..

بالنسبة لإستفساراتك ..

1- توزيع المنهج المفروض يعتمد من قبل مشرفة المادة .. لكن المادة إلى الآن وضعها مو مستقر وحتى بعض المناطق مالهم مشرفات حاسب .. لكن مافيه إلا إننا نرجع لتوزيع المنهج الموجود في كتاب المعلمة للصفين الثاني والثالث الثانوي ..

2- والله يا أختي بالنسبة للتحاضير .. انا كد شفت تحاضير عالنت .. لكن تحاضير مختصررره واجد .. ومن وضع معلمين وليس معلمات .. وتعرفين كل شخص وطريقته بالتحضير .. لكن إذا كنتي لك كم سنه في سلك التدريس راح يسهل عليك واجد .. يعني مجرد عملية نقل من دفاتر تحضيرك السابقة .. ولو كنتي اول سنه في التدريس .. يبغالك تصبرين على بال ماتعدي السنة .. وتتسهل عليك بالسنوات اللي بعدها بإذن الله ..

3- مادة الحاسب السنه هذي مانزل فيها أي تعميم لحد الآن .. لكن انا عندي شعور قوي انها بتظل مادة نشاط إلى أن يشاء ربي شيئاً << متحطمه واجد ..

4- بالنسبة للنصاب .. على حسب ادارة التعليم التابعه لها انتي .. يمكن يندبونك لمدرسة ثانية .. ويمكن يمسكونك جهاز الكومبيوتر .. وإذا كنتي بكالوريوس حاسب .. مستحيل تدرسين غير تخصصك .. لكن اذا كنتي دبلوم حاسب مع بكالوريوس تخصص آخر فهذا يمكن .. مع اني ماشفت مثل هالحاله ..

5- والاجهزة حبيبتي همس .. إذا كان فيها عطل .. بكل تأكيد راح تتعاملين مع قسم صيانة الاجهزة الموجود في ادارة التعليم .. تكلمين عليهم وتطلبين يطلع منهم فريق فني لاصلاح الاعطال << وبيني بينك مايجونك لك الا بعد طلعت الروح ..

6- تقريباً .. لكن منهج الطلاب ارتب وانظم وأكثف في المعلومات في بعض المواضيع ..

7- هذي النقطه ترجعين فيها للتوزيع المنهج المرفق في كتاب المعلمه .. ولو رجعتي لكتاب المعلمه .. راح تلاحظين انهم في داخل كل باب .. موزعين لك الحصص النظري واللي يناسبها من حصص عملي .. لأن فيه مواضيع نظريه يتبعها كذا حصه عملي .. وفيه منها ماله اي عملي .. وهكذا ..

اتمنى ان تكون اجابتي وافيه ..

:26: :26:

مشكورة غاليتي ضوء المكان الله يجزيك الجنة ونعيمها ..

تعبناكِ معانا ..
:26: :26: