اجتماع عاجل للي فارشين بيتهم موكيت

السلام عليكم
انا هاليومين مطيحه عندكم بهالقسم لاني ناويه بإذن الله تعالى اسوي تعديلات في بيتي
طبعا كنت مأجله هالتعديلات بحجة إنا قريب ان شاء الله نبدأ نفكر ببيت العمر سواء نشتريه جاهز او نبنيه
لكن بعد ارتفاع الاسعار وخاصة الحديد اللي يقولون واصل حده هالايام
غسلت يدي إنا نعمر او نمتلك بيت حاليا إلى أن يشاء الله
والله كريم :)
فقررت اسوي تعديلات في بيتي اصبر نفسي فيها
وطبعا مااستغنى عن نصايحكم وخبراتكم ماشاء الله عليكم
اول شي بيتي اجار عباره عن دور مكون من 7 غرف دور ثاني بمدخل خاص لنا
وفيه ممر طويل بالنص عرضه تقريبا مترين ونص
والممر هذا هو اللي ناويه اكثر شي اركز عليه الشغل
قررت ادهنه قسمين القسم اللي تحت بني فاتح واللي فوق عسلي معتق وطبعا شريط غامق في النص
والاهم اني ناويه اغير الموكيت
الموكيت حق الممر
انا كنت فارشته موكيت بيج وحاطه فوقه كم سجاده نمري
واكيد السيراميك والفينيل افخم
بس ماادري احس سبحان الله ماارتاح إلا للموكيت يمكن لاني ساكنه منطقه بارده جدا على مدار السنه حتى بالصيف
واحس الموكيت يعطي البيت دفء وراحة للنفس اكثر مثل الفنادق الفخمه
حتى البخور يمسك في البيت إذا فيه موكيت
وكمان للاطفال أأمن لهم في اللعب والحركه
سبحان الله لولا اختلاف الأذواق لبارت السلع

الموهيم
ياليت تعطوني رايكم ايش افخم موكيت يصلح للممرات
واي لون تنصحوني ماابغى بيج لاني مليت منه مع انه حلو ويعطي فخامه ووسع للبيت بس هالمره نفسي اغير الألوان
حتى صبغ الجدران إذا عندكم راي ثاني لا تبخلون علي :)

وموكيت غرفة بناتي بعد ناويه اغيره موكيت نعوم ويناسب غرفتهم اثاثها زهري
وين ممكن الاقي شي حلو وفيه حركات تنفع لغرف البنوتات
وناويه بعد اغير غرفة الجلوس الخاصه فينا
واغير الانتريه اللي فيها هو خشب مدري انجده او اغيره بالمره

ومشكووووووووورين مقدما

بس لا تنسون اهم شي الموكيت وش تقترحون لونه ؟؟؟؟؟