اجتماع لربات البيوت الموظفات يطلعو بره

الله يكون بعونك .. الفراغ احيانا يقتل صاحبه :(

ليه ما تسجلين العصر بأحد حلقات تحفيظ القرآن الكريم النسائيه؟؟؟

أو مثلا تاخذين لك دوره بالكمبيوتر .. أو لغه أنجليزيه أو فرنسيه أو دورات مكياج

يعني تتسلين بها ويروح وقتك على شي معقول

الله يجبر بخاطرك ياالبندري
13 زوار وانت بس الي رديتي
انا كنت ابي كل وحده تدش تقول شو تسوي بيومها من وقت ماتصحى لين ماتنام
وياليت اقدر ادش تدورة عندي ولد صغير وماعندي احد احطه عندهم

بحيرة بعد الشر عنك حبيبتي
ان شاء الله الي يكرهوكي
قلبت مصرية ههههههههه

..اصحى على الساعة 8 أو 9
اتفطر ..
واجلس مع الاهل طبعا لاني في بيت أهلي :) ..
لين صلاة الظهر و بعدها الغذاء... وبعد الغذاء .. وينك يالسرير اقرأ لي قرآن وادعي ربي وأرقد ..
واقوم العصر في وقت قعدت على الكمبيوتر أو أطلع .. أو اشاهد التلفزيون ...
مسجله في دورة كمبيوتر
ودورة تجويد القرآن ..
أشغل وقتي .. :)
جربي تسجلين دورة في اي شي تحبينه ..

اصحى بدري 7 وافطر انا وزوجي يروح العمل ارجع على البيت ارتب وانظف وابخره وبعدين امسك كتاب الطبخ اختار لي طبخه جديده على الغداء الساعه 10 يرجع زوجي نتقهوى يجلس معايه لين الساعه 12 يرجع الدوام ادخل المطبخ اسوي الغداء بعدين نتغداء ونقعد انا وياه نلعب مع ولدنا يروح يصلي العصر ويرجع على الكمبيوتر هاذي الفتره انا اهتم بنفسي اسوي رياضه واسوي خلطات لشعري واهتم ببشرتي اذا كان في كوي ملابس اكوي او اي شي يروح يصلي المغرب وبعدها نطلع نتمشى ونرجع البيت نتعشى وننام .

بس الفتره ذي افكر اسجل بجمعيه انا وولدي اخذ دورة مكياج وولدي في الحضانه حلوه الفكره صح.