أنا حملت بعد سنة و5 شهور من زواجي بس أنا اللي كنت مسوية مانع ووصلت لين الشهر التاسع وكان باقي لي اسبوعين بس وأولد وكل شي كان طبيعي وممتاز
وربي أراد إني أنتبه يوم من الأيام ان الجنين ما يتحرك وكلمت الوالدة وقالت لي انتي تتوهمي
وجلست الين الصبح وكلمت دكتورتي قالت لازم تجي فورا
ولما رحت كشفوا على بالالتراساوند وجهاز النبضات بس مافي فايدة الجنين كان متوفي
والدكتورة قالت لي أنا بانجن كل شي عندك طبيعي الموية والنمو وحجم الجنين وتحاليلك يمكن يكون الحبل السري اتلف على رقبته ومات ..
وعطوني طلق صناعي وولدت وكانت المفاجأة ان الحبل السري كان سليم وماطلع ملتف حول رقبة الطفل ولا شي
وتقول أمي اني جبت ولد ما أحلاه حتى وزنه ممتاز وكل شي فيه طبيعي جدا الا انه ميت !!
وعند الولادة شفت الدكتورة اخذت مني عينة من المشيمة
لكن طلع ان مافي أي سبب ظاهر للوفاة
يعني على قولة الدكتورة سبب الوفاة قضاء وقدر وان هذا الشي عادي ممكن يحصل بين السيدات الابكار بصفة خاصة بنسبة معينة
حتى في شهادة الوفاة كتبوا سبب الوفاة غير معروف
وطبعا لا تسألوا عن حالي بعدها كنت حاسة اني باموت من الحسرة والالم خاصة انه كان طفلي البكر وانا في التاسع واني ما كنت اتوقع ولا في حلم النوم انه يصير لي كدة لان كل شي كان طبيعي ولا كنت اشتكي من اي شي وخلاااص كنت انتظر ولادتي بين يوم والثاني
لكن الحمد لله على كل حال .. قدر ولطف
واخذ مني واعطى
وأسأله تعالى انه يعطيني أجر الصابرين
والحمد لله عوضني وحملت بعدها ب5 شهور والان أنا حامل في الشهر السادس
ادعوا لي ربي يتمم لي بالسلامة ويفرح قلبي بشوفة ولدي أو بنتي سليم معافى في أحسن حال وخلقة
وان الله يعينني على تربيته على كل ما يحبه الله ويرضاه ويجعله صالح بار مهدي يارب العالمين
شكلي كثرت الكلام وزودتها
سامحوني

هلا أختي العزيزة وادي الأمان طولتي الغيبة :)
أنا مات الجنين في الشهر الثاني والسبب غير معروف
وأستمر معاي النزيف اسبوعين وانقطع رجعت لزوجي
وأنتظر شهر ونص الدورة وكانت منقطعة قلت اكيد
بسبب الأجهاض بعد اسبوعين حللت لاني كنت بنزل الدورة
والصدمة أني كنت حامل :) وبدت معاناة الوحم والله
يرزقني وأياكم بجنين معافي صالح اللهم امين

انا حملت على بنتي وهي عمرها سنتين وخمس شهور ومات اللي في بطني وانا ام 20 اسبوع تقريبا في نهاية الخامس وكان السبب تضخم في القلب وذلك بسسب اصابة الماء اللي حول البيبي بفيروس سسب التهاب عملت التحاليل وكانت هذي هي النتيجة وحملت بعدها بشهرين وانا اللحين في الشهر الرابع ادعولي الله يثبت حملي وحمل كل حامل ويتمم لنا ويرزقني بطفل معافى وسليم

الله يرزقنا ويعوضنا ويتتم على الحوامل حملهم يارب العالمين...

وأنا متزوجة لي سنتين وصار لي حمل بس خارج الرحم وبعدها بسنة حملت و من شهر صار لي إجها ض منسي توقف نبض الجنين وتوفى وكا ن عمره ستة أسابيع دريت عن طريق الأشعة وبعده بأسبوع جاني مغص و نزيف والحمد الله ما أحتجت لعملية تنظيف...

وأنا ألحين أنتظر الدورة..بس يابنات اللي محيرني قبل أسبوع نزل علي دم وجاني مغص مثل مغص الدورة يومين قلت خلص هذه الدورة بس أنقطع...ما أدري إيش قصة ذا الدم؟؟؟؟؟

اختي جناين روحي حللي وشوفي شسالفة وانشاللة خير ..

يااخواتي الحوامل وغير الحوامل اوصيكم واوصي نفسي معاكم بالرقية الشرعية فهي تحفظ بعد حفظ اللة سبحانة وتعالى..