اجتمعت مع سلفاتي ورجعت حزينه على نفسي!!/ استوفى الرد

السلام عليكم
بنات ابغى افضفض واطلع الي بصدري عشان ارتاح وتواسوني
سوت ام زوجي عشاء وجمعتنا وتوني طالعه من نفاسي وماشالله لاقوة الا بالله اجسامهم تفتح النفس كلهم رشيقات وبشراتهم حلوه وشعورهم ناعمه وفيها اهتمام ووحده منهم زي والده وفرق عني كرشه مافي وباين توها طالعه من الاربعين اهتمام ونظافه ماشالله
وانا عالاهتمام الي سويته طلعت اخس وحده مره دبا وبشرتي معدومه وشعري خشن على اني صبغت صبغه حلوه بس شعري خشن وتعبان وطلعت الصبغه مره بايخه وباهته وبشرتي سويت حمام مغربي ودلكه وحلاوه ونظفت وجهي وشلته شمع وبرضو بشرتي طلعت شاحبه وطلعت لي حبوب صغيره يوم العشاء زادت الطين بله والحظ طايح
وكرشتي حاولت البس وسيع عشان اخفيها وبرضو كبيره مره وعيونهم على كرشي وتروني زياده :frown:
وحتى ام زوجي تدق بالكلام وتمدح الرشاقه وتسب في المتن وانه مو زين وحلاة المره تكون نحيفه والله يضحكون ومتفاعلات معاإها ولهم الحق واثقات وانا ابتسم وساكته وقلبي متقطع على نفسي وحالتي
وياقلبي امي شايله همي تتصل وتسالني عن العزومه قلت لها ماشالله اطمني طلعت اهبل وشكلي تمام التمام ماتدري اني رجعت ابكي على نفسب ووضعي وطالعت بزوجي قلت حسافه ماخذ اخس وحده
بنات اتمنى اكون زيهم
والله العظيم ماحسدهم بالعكس اغبطهم واتمنى اوصل زيهم
ودي اهتمامي يثمر فيني ويبين لكن مافي حظ كله يطلع عكس
بنات انصحوني وش اسوي ابغى اشيل هالكرشه والله كاني بالسابع وماربطت بطني اكره اربطه
وش اخد كريم ثقه ومتى ابدا رياضه ورجيييم ودي اتغير
تكفووون انصحوني واعطوني معلومات عن اهتمامكم بانفسكم وش تسوون
والله تكسبون فيني اجر
الي بتجرح اقولها الكلمه الطيبه صدقه
حلمي اكون راضيه عن نفسي
تعبت من نظرات سلفاتي ليا بتحقير
وجزاكم الله خيير