اجتنبي دعوة المظلوم

والله العظيم ان القصه هذي حصلت لي شخصيا وماهي منقوله سبحان الله كيف الله ينصر عبده المظلوم على من ظلمه فانتبهن يااخواتي واياكن والظلم
في بداية زواجي قبل 10 سنين لاحظت ان خال زوجي الله يسامحه مايطيقني لدرجة انه لاشافني صدفه او درى اني موجوده عند احد يتنرفز ويصارخ على زوجته ويطلع وانا انننننحرج خصوصا اني كنت صغيره 18 سنه وغريبه عنهم المهم والله الى يومكم هذا ماادري وش السبب لاني اصلا ماعمري كلمته ولا جلست عنده واتغطى عنه بس سلام من بعيد وهو رجل كبير بالخمسين وزوجته عسل معي وش يبي فيني ماادري لدرجة انه يتعمد يحقرني ويجرح فيني اذا شافني صدفه المهم استمر كذا سنين وانا ساكته والله والله والله عمري مارديت عليه بكلمه الين جا يوم وكنت طفشانه بشقتي ونزلت تحت لشقة اختي ولقيت زوجة الرجال هذا نزلها وطلع سلمت عليها وجلسنا كلنا بالحوش نسولف الين اذن المغرب انا على طول من اذن طلعت شقتي فوق خفت يجي ويشوفني المهم يوم جت الساعه عشره بالليل دقت علي اختي قالت انزلي تعشي قلت مين عندك قالت هم الناس هذولي ماراحو قلت اخاف يشوفني وانتي عارفه قالت لا مو عند ك الرجال بالحوش وحنا داخل بغرفة النسا قلت خلاص ونزلت ورحت ابغسل يدي بالمطبخ وهو بالحوش ماادري كيف لمحني المهم رحت عند الحريم وعلى ماحطيت يدي بالعشا وكنت مشتهيته وجيعاااااااانه مرررررره تجمد الدم بعروقي وجمدت يدي بالصحن تدرون ليش.؟ هو وقف بالصاله وقام يصارخ وما خلا وما بقى كلمه ماقالها لي هاااااوشني وجرحني وسفل فيني وفضحني عند الرجال والحريم واللي رحمني واللي شمت بي وعذره ليش ماسلمت علي هو لقاها فرصه ان زوجي كان مستلم وانفجر علي المههههم انا خنقتني العبره وطلعت فوق وبكييييييييييييييت الين تنفخن عيوني وفرشت سجادتي وقمت ادعي عليه من قلب وسبحان الله صارت غصه بقلبي كل ماتذكرتها بككككككيت ودعيت عليهه من قلب بس ماادري ليه كنت داااااااااايم اصلي وادعي عليه بالحادث الي ما يقوم منه وابكيييييي لانه قال لي كلام ماينقال وبعد هالسالفه ب3 سنوات دق الجوال وقالو لزوجي خالك توفى بحادث ا(الله يرحمه ويغفرله ان شاء الله ويكرم منزله ) بس والله الا الان مستغربه من تصرفاته وحقده علي قبل رغم انه الله يرحمه حبوب مع الناس