اهم شي ان يكون عندك يقين تام بان يكون اي شي ممكن تجربينه بيكون فيه شفاء بعد الله سواء بقراة القران او اي علاج اخر...اهم شي اليقين والنية...والله يرزقك الراحة التامة يارب...

مرحبا حبيبتي
قلت ابذكر لك كم معلومه مرت علي بخصوص التخلص من الاكتئاب اتمنى تفيدك لان اغلب النفس يصيبها ذا الشي بدرجات مختلفه من شخص لأخر :

* المشي ثم المشي يفيد بقوه من تخفيف حدة الاكتئاب

*غيري طريقة حياتك
جددي من لبسك ومظهرك
قصي شعرك او اصبغيه..

* تعرفي على صديقات جدد

*تصفحي مواقع جديده ماتعودتي عليها

*شوفي مقاطع محفزه لك باليوتيوب ( مقاطع مضحكه - مقاطع اطفال - مقاطع عن حياة الطبيعه )

* تابعي برامج عن الحياه الطبيعيه وعن الرحلات

* اتذكر فيه برنامج كان يجي على قناة الجزيره الوثائقيه قديم تابعته يمكن ينعرض للحين ,,
ياخذو مجموعه من الشباب المرفهين وطفشانين من حياتهم وهم من دول اوربيه ويعلمونهم كيف مثلا تم صنع هذا البرقر اللي تاكل ,
او هذا الشاي اللي تشريه !
فيسفرونهم لدول فقيره اللي تصنع هذا الاكل او الشرب اللي تحسه انت تافهه !!
فراحو ل سيرلانكا علشان يجربون صناعة الشاهي وينامون بين الباعوض والروائح الكريهه ويزرعون الشاي ويقطفونه ويجففونها علشان بالاخير يستلمون 3 دولار بالشهر !
يادوب يشرون فيه مويه نظيفه يشربونها : (
بصراحه برنامج يحسسك بقيمة ( الشاي اللي تشربه على بساطته ) كم عانت فيه الف نفس علشان لقمة العيش لأطفالها


* ابتعدي عن أي موضوع يذكرك ب الاكتئاب

*تعلمي شي جديد مثل ( التصوير - فن الاتيكيت - الرسم - والتصميم - الطبخ )

* حاولي تستمتعي وانتي تاكلين قطعة شوكلاه

* وفيه اغذيه تخفف من الاكتئاب من ضمنها الكاكو والقائمه تطول ابحثي عنها ..

* دلعي نفسك وحبيها :biggrinlo

( لوني حياتك حطي بكل غرفه بالمنزل عباره جميله تبعث لك الامل - لوني حتى خطك اللي تكتبين فيه هنا بالمنتدى مثل ماسويت لك اللحين :$)

* واشكري الله على نعمه


واسئل الله ان يسعدك ويريحك من كل هم وبلاء والم ,,

اللهم رب الناس أذهب الباس اشفِ أنت الشافي لا شفاء إلا شفاؤك

عالجي نفسك بسورة البقرة وقيام الليل انا كان لي سنتين اروح اي مكان يجيني نوم فظيع لدرجة ما اقدر افتح عيوني وسارت لي مواقف محرجه وعالجت نفسي كنت اقرا سورة البقرة وكنت اواظب على قيام الليل 12 ركعه وكنت افتح القران على سورة البقره وكم كانت ايام صعبه زالت الحمدلله

الله يهديك يا كون
دايم نقول اول شي الشفاء بإذن الله وثانيا بيدك صدقيني
وزي ماقال الدكتورطارق الحبيب إن بداية المعاناه هي تصديق الوساوس
خليك قوية إراده هذا اهم شي بعد الدعاء والصدقه
تابعي مع الخبير النفسي دورات من خلال منتداه (قاهروا الوسواس القهري)
بفضل الله سبحانه وتعالى انا تابعت بس دورتين معاه وبفضل الله ثم الدعاء ثم اﻹراده والعزم الصادق تخلصت من الوسواس
ملاحظه
اﻹكتئاب لصيق ورفيق للوسواس إذا تخلصتي من الوسواس تتخلصين من اﻹكتئاب
فيه كلام كثير ابغى اقوله لكن تابعي المنتدى اللي عطيتك اسمه وبإذن الله ينفعك
انا بإذن الله ماعاد افكر حتى افتحه بعد شفائي ولله الفضل والحمد والمنه