اجلس الاربعين في بيت اهل زوجي والا بيت اهلي؟؟شوروا علي!!

السلام عليكم
بنات حابه اخذ مشورتكم في موضوع اشوي محيرني
انا حامل ولله الحمد بطفلي الثالث.. والاول لما ربيت كان في مشاكل مع اهل زوجي وانا كنت طفشانه من بيتهم من الشهر التاسع عند اهلي وقعدت لين ما خلصت الاربعين وزياده وبعدين رحت لبيت اهل زوجي..وطفلي الثاني الامور كانت على ما يرام واهل زوجي يحبون ولدي الكبير لدرجة انه عمتي تاخذه معاها وين ما تروح لين ما صار يتعلق فيهم لما يشوف ظل عبايه يعني اى حد بيطلع يتعلق فيه ويظل يبكي لين ما ياخذونه معاهم ..وعندي بنتي جدا مهمله من اغلب الافراد الى عايشه معاهم الله يحفظها بس انا عيالي يسووووووووون عيوني وما في شي يغلى عليهم احبهم ودور علي راحتهم ..المهم زنيت على زوجي لين ما وفر لي خدامه تساعدني خاصه اني حامل وبنتي صغيره عمرها 10 اشهور وانا جدا كنت تعبانه من الوحام الله لا يبليبه مسلم..المهم الحين ناويه اولد بس اريد اخذ الاربعين ببيت اهلي رغم انه ما عندهم غرفه خاصه فيني يعني في عندهم غرفه مكركبه لازم انا استعد من نفسي وارتبها واجيبلها اثاث وصبغ وستاير وفراش الخ واجلس فيها في الاربعين شرايكم بنات ؟؟انا نفسيا اريد ارتاح عند اهلي صح ما يتحملون الاطفال كثير بس انا عندي خدامه وتساعدني اشوي عليهم وامي الله يخليها ما تقصر وانا ان شاء الله بولد بالاجازه الصيفيه!!يعني اجازه والكل فاضي!!


الحين شو رايكم بعد ما سمعتوا القصه الطويله العريضه :)



اقعد الاربعين في بيت اهل زوج والا هلي؟؟؟




اتريا ردكم بنات