اجمل روائع طلال الرشيد - رحمه الله -

آخر حب
كنت احسب اني عرفت الحب قبل أعرفك
وعشقت قبل أعشقك واشتقت قبل التقيك
وكنت احسب اني لقيت أحباب قبل أوصلك
واثري توهمت في غيرك وأنا كنت أبيك
تعال نعطش وتشربني وأنا أشربك
تعال قبل الوعد اجلس معي نحتريك
تعال شفني وأنا استناك .. كم أشبهك
يطري علي ألف راي و راي واحتار فيك
اجي مكان الوعد وألا اسبقه انطرك
وألا اخذ الموعد اللي يحتريك واجيك
يا أخر الحب ذقت الحب في أولك
ويا أول الشوق أقصى الشوق ماينتهيك
علمتني كيف أعرفك لين صرت أجهلك
ضيعتني في متاهاتك وكنت ارتجيك
حبيب الأحلام يا بعدك ويا مقربك
حرام يكفي تبعثرني وأنا أحتويك
إن شفتك بحلم صدقته وأنا أتوهمك
وان شفتك بعلم كذبته ألين انتشيك
أخاف اغمض عيوني وإن رمشت أفقدك
وأخاف افتح وتصبح حلم ولا التقيك

اليوم ذكرى الفراق
اليوم ذكرى الفراق ومرت أول سنه ... اليوم لي عام متغرب وحيد وحزين
اليوم أنا ضيف جرحي جيت بطمنه ... اني جمعت الدموع وجبت أمانة آمين
ما يجرح الصادق إلا غدر من يامنه ... لا جت من أحباب قلبك لا تلوم السنين
مليت من هالاماني دام هي مو ممكنة ... لاهي تحقق وأنا يأسي بوجهي يبين
الوين أنا وأنت مثل الشمس و الأزمنة ... مع كل صبح يجددني لشمسك حنين
لا قلت احــبك .. احبـــك كنها دندنة ... أو كنها وردةٍ ما بين أصابع جنـيــــن
يا اجمل الـناس لك بين الملا هيمنة ... كثير غيرك ولكن مين مثلك و ويـــــن
يا عــاذلي خذ عيوني يمكـــن تثمنه ... تشوف عيبه و أنا أشوفه ملاك حسين
أمس افترقنا وأنا احسب مرت أول سنه ... يا طولها ليلة الفرقا سنة للهزيم
دعواتنا بالرحمة للشاعر المميز والانسان الرائع طلال الرشيد