كل لحظة ف عمرى عدت

كنت أقدر يا أمي أجيكي

وف إدية حاجه ليكي

واحضنك

وأبوس إيديكي

بس عدت مني من غير كل ده

باندم عليها



كل كلمة حب يا أمه

كنت ممكن يوم أقولها

تسعدك

بس ملحقتش اقولها بانقهر

واندم عليها



كل لقمة طعمها



كان حلو يا امه أكلتها

من غير ماجيب لك زيها

وانا كنت أقدر أسعدك لو جبتها

بس هنتى عليه يامه بافتكر

واندم عليها


كل لحظة يامه سبتك

تزعلى مني وفتك

واتنست من كتر طيبتك

بس ما ندمتش عليها

أو رجعت أوام يا أمي

أطلب الغفران عليها

كل دمعة يا أمي فرت من عنيكي

وانت بتبصي لقساوتي وعندي ليكي

واتنست من كتر طيبتك

والضنا ما يهون عليكي

بس ما ندمتش عليها باعتذر

والله آسف جاي باتندم عليها


كل يا امه ما افتكر ..

ان قلبك كان طريق للجنة باب للمرحمة

باب رضاكي يامه مفتوح من إديكي للسما

كنت عارف أيوه عارف إنما

من غفلتي

اتقفل من يوم ما غبتي عن حياتي ودنيتي

والنهاردة جاي اوصي كل واحد لسه عنده الباب موارب للنعيم

روح وبوس إيد الحبيبة

روحلها وكفاية غيبة

وابكي بالدمعة القريبة


روح يا صاحبي اتوضا من بسمة حنانها

واروى قلبك من أمانها

قول لها آسف يا أمي

قول لها سامحي يا امي

قول لها فضفض وحكي

وارتمي في الحضن واشكي

وابتسم واضحك أو ابكي

بس روح والحق وخللى القلب

بالخير يغتسل

قبل ما الباب يتقفل

قبل ما تعدي الليالي وتنقهر

زيي عليها

روح وبوس يللا اديها

روح وبوس يللا اديها



ارجو منكم الدعاء لأمي بالرحمة والمغفرة

يسلمو ام انس

يارب احفظ امى