إليكم قصيدة عزوه جديده لمطير للشاعر الرائع حماد بن حمدي المطرفي الهذيلي
ألقاها في حفل الملازم أول / عبدالرحمن بن الشيخ عبدالله المندهه
في خمسه وعشرين بعد أربعميه بعد ألف عـام = إثناعشـر ستـه مـن أيـام السنـه وأليالـهـا
جاني كتابٍ فيـه ترحيـب ومعـزه وإحتـرام = لحضور حفل مطيـر جعـل الله يزيـن فالهـا
واليوم جيت ملبي الدعوه وأقـول إلهـم سـلام=فـي ليلـةٍ ماغـاب فارسـهـا ولاخيالـهـا
ليلة فرح فاحـت بوردوغنـت ألحـان الحمـام=ساقـت بشايرهـا وغنـت للطـرب موالـهـا
برق ورعد هتانها منهـل مـن وبـل الغمـام=يعانـق الطايـف وأراضيهـا وروس إجبالهـا
الليله اللي تجمع الأصحاب فـي أمـن وسـلام=بحضور شيـخٍ شيختـه فـي دقهـا وجلالهـا
شيخة وفا شيخة حميـه مـع نزاهـه وإلتـزام=المندهـه كــلٍ يـقـدر كلمـتـه لاقالـهـا
راع اللزوم وعن لزومه طـول وقتـه ماينـام=وأهل الوجوب لراعي الواجـب تشـد إرحالهـا
ياأيها المطران أنـا عنـدي بعـد هـذا كـلام=تصغي لـه العقٌـال وتحطـه مثـل لأمثالهـا
عزوة جموع مطير أيـام المعـارك والزحـام=مطيـر حمـران النواظـر والسعـد يبرالهـا
وإحنا نقول: مطير حمران النواظـر والحسـام=عزوه جديـده للرجـال اللـي تسـر أفعالهـا
كم سربةٍ قـدام سبـق خيلهـم راحـت عـدام=لاطالـت الوقفـه مطيـر مقصريـن أطوالهـا
أمر العبادل عند بـن جبريـن جـلاي المـلام=إلياأنتخيت إبهـم جـلا عنـك المـلام إقبالهـا
وإبن بصيص في جموع بريـه يـوم الإلتحـام=حـلال معضلـة المشاكـل لاعجـز حلالهـا
وجموع علوى تحت رايات الدويش إلها إزدحام=كم خاض معضلة الجموع اللي يفـك إشكالهـا
شيخ الشيوخ اللي يكف مطير عن شرقٍ وشـام=لاصبحـوا قـومٍ تشـد القـوم مـن منزالهـا
ماعندها وقت اللقا للخصـم ضحكـه وإبتسـام=ينـدار بالفنجـال ماواحـد شـرب فنجالـهـا
أهل الكرم مـن سابـق الأيـام لاعـد الكـرام=وأهل الشجاعه يـوم تقبـل للجمـال إجمالهـا
وأصحاب جيره جارهم لاحـل فيهـم مايضـام=ترفى خماله وتحمـى مالـه بـروس أموالهـا
وأهل نواميسٍ لهـا حـظ الأسـد بيـن الأنـام=العرف عنـد قضاتهـا والشـور فـي عقالهـا
قبيلـةٍ تستاهـل العليـا وتمـشـي لـلأمـام=قبيلـةٍ ربـت علـى العلـم الجميـل عيالـهـا
وإن قال صاحب حقد مايخرج عن احدود النضام=أقول له : وقـف وثمـن كلمتـك وإصحالهـا
مطير جمعٍ فـي مواقفهـم تضيـم ولاتضـام=ماأقول عنهم غيـر يكفيهـا حميـد إخصالهـا
الحـي منهـم للبقـا والميـت منهـم للرحـام=لو كان الأنفـس عنـد ملاهـا كتـاب أجالهـا
قلته وأنا ربعي هذيـل اللـي شواهدهـم ديـام=أرسوا لهم تاريخ مـن صـم الحجروأرسالهـا
أهل الفصاحه والحصافه والمواقيـف العضـام=نالوا بهـا أمجـاد ماأحـدٍ فـي حياتـه نالهـا
أصحاب سيدنا رسـول الله وأنصـار السـلام=معـارك الأبطـال لاقالـوا هذيـل ابطالـهـا
وأرجو السموحه لو حصل مني خطا ياأهل المقام=عـذراً جميـل الله يجمـل للرجـال أحوالهـا،،
رائعة صح لساان من قايلها ،،
عاشقة الصداقة @aaashk_alsdak
كبيرة محررات
هذا الموضوع مغلق.
الصفحة الأخيرة
عزوة جموع مطير أيـام المعـارك والزحـام=مطيـر حمـران النواظـر والسعـد يبرالهـا
وإحنا نقول: مطير حمران النواظـر والحسـام=عزوه جديـده للرجـال اللـي تسـر أفعالهـا
صح لسانه وتسلمين على نقلك رائع