هلا اخواتي كيفكم
حبيت اشاركم بطبق بسيط وخفيف وينع غداء يوم خميس كذا صاحين متاخر ومالك خلق تطبخين سويها على الطاير
اتعودنا تكون الاجنحه مشويه بالفرن او على الفحم انا جربت اسويها مقليه زي طريقة المطاعم الامريكيه
المقادير :
كيلو اجنحة دجاج مغسوله
كوب دقيق
ملعقة بيكنج بودر
ملعقة كبيره فلفل اسود
ملعقة كبيره بابريكا
ملعقة كبيره فلفل احمر
ملعقة كبيره فلفل احمر حبشي مطحون
ملعقة كبيره اورقانو
ملعقة كبيره ريحان ناشف
3 فصوص ثوم مفرومة
ملعقة كبيره ملح
عصير 3 ليمونات كبيره
وحده شطة رنا ولا تباسكو ولا اي نوع تحبونه
ملعقه صغيره زنجبيل مطحون
نص كوب زيت زيتون
لا تخافون ماراح تطلع حاره للي ماتحب الحراره لانه الدقيق يسحب كل الحراره بس راح يكون فيها لذعه بسيطه
واللي تحبها سبايسي تخفف الدقيق شوي
الطريقة :
نخلط كل المقادير مع بعض من غير الاجنحة
ويطلع الخليط كذا
جا دور الاجنحه ونضيفها على الخليط
وندخلها الثلاجه يوم كامل واذا حابين تكفي ساعتين او 3 ساعات عادب بس انا احبها تطول عشان ماتاخذ وقت في القلي الا وهي مستويه
القلي راح يكون قلي غزير سخني الزيت وحطي الاجنحة وخليها خمس دقايق على كل وجه واقلبيها لحد ماتحسينها استوت
وهذا شكلها النهائي مقرمشه
قدموها مع الرانش وبالعافيه على قلوبكم
:)
