٦ أسابيع مررره صغير لاتخافي خذي الحبوب الله ييسر أمرك الألم بيكون بسيط نفس الدوره الله يعوضك خير

نصيحه لاتساوي عمليه إذا نزل بالحرب تقدري تحملي ع طول غير العمليه انا اجهضت بالشهر الرابع والله الألم لايذكر بس الألم النفسي كان عظيم وحملت بعد الحمد لله يجلس عندك الدم ٢٠ يوم وأول م تنظفي تحملي بإذن الله غير العمليه والبهدله

انا جربت الاثنين لكن ابحكيك عن تجربة الاجهاض بدون عمليه
لان الاجهاض بعمليه كلنا نعرفه ويفضلونه الاطباء لانه اسرع
كنت حامل بالشهور الاولى ولما رحت الموعد قالت مافي نبض
بكيت بكيييييت كثير وكنت طول الوقت اصلي وادعي
اقول اللهم اجرني في مصيبتي واخلف لي خير منها
ووقفت المثبت.. وقالت اذا نزل منك دم تعالي
وبعد كم يوم ما اذكر بدا معي مغص و نزل دم واخترت التحاميل والحبوب ورفضت العمليه (وصية جدتي الله يرحمها )
ونزل الحمدلله بس كان مغص شديد لما نزل الجنين
طلعت من المستشفى وكملت اعشاب بالبيت سوتها لي جدتي الله يرحمها ويغفر لها ونزلت المشيمه بالبيت

بعدها رجعت للمستشفى وكتبت لي الدكتورة مضاد ومسكن وقالت الرحم نظيف
و والحمدلله جلست ١٢ يوم وطهرت
قالت لي الدكتورة اذا جاتك الدورة تعالي اكتب لك مانع ٣ شهور

لكن ماجات الدورة جلست شهر ونص رجعت احلل طلع فيه حمل
قلت يمكن باقي شيء من حملي قالت الدكتورة مستحيل يبقى هرمون الحمل شهر ونص وسويت سونار طلع فيه حمل
تخخخيلي حملت على طول بعد الاجهاض بدون دورة

شكراً لكم يابنات جميعا على ردودكم
سبحان الله ماني قادرة احدد واختار ودي انام واصحى واخلص وبنفس الوقت كلامكم يشجع اخذ الحبوب بس انا يجيني بين فترة وفترة شدددد قوي مغص زي الدورة والظاهر انه طلق عشان ينزل يجيني ٣٠ ثانية ويروح تقريباً كل ٣ ايام وكل مره افكر اقول ياربي مابقدر اتحمل هذا الالم ساعات متواصلة 😢😢🥺💔