اجهاض مبكر محتاجة رايكم الله يفرحكم بهذه الايام المباركة

الله يعوضك خيرا مما فاتك,,,لازم يشوفك الطبيب ويشوف رحمك

الله يعوضك خير. وكرريها وباذن الله راح تنجح لا تيأسين. الحياه تحتاج كفاح وصبر ودام عندك بويضات الحمدلله. وبقولك مصيبتي عشان اخفف عليك مصيبتك. انا مثلك عمري 35 سنه وحاولت اسوي اطفال انابيب ماقدرت لان ماعندي بويضات ولا حتى نصف بويضه مبياضي متوقفه وعندي سن يأس مبكر وانقطاع للدوره وجسمي كله تعبان من هذا الشيء. عشت دور العجوز من يوم كان عمري 26 وانا هرمون fsh يوصل 150. مالي حل ولا علاج لكن طمعي في كرم رب العالمين وبحاول اسوي عملية خلايا جذعيه مع ان العمليه ماتسوى الا بمصر وتعرفين الاوضاع مصر صارت صعبه والامن صعب. وانا ماعندي احد ابوي وامي منفصلين وانا مقطوعه من شجره لا اخوان ولا خوات ولا اعمام ولا خالات. عايشه كيذا وحيده مالي احد بعد الله سبحانه غير زوجي وزوجي صبر تسع سنوات لكن مادري هل بيصبر اكثر او ان الله سبحانه وتعالى بيرحمني واجيب ويحيي مبايضي اللي ماتت !! اعيش بصراع وقلق وخوف. ولكن اذا تذكرت رحمة الله تطمنت وقلت ربي رحيم وسيجعل الله بعد عسر يسرا. اسفه طولت عليك بس قلت اذا حكيت لك قصتي يمكن اجدد الامل فيك باذن الله. واسأل الله ان يكتب لك الحمل والطفل السليم الصالح المعافى قريباً

الله يعوضك خير ويجبر خاطرك
قولي اللهم اجرني في مصيبتي واخلفني خيرا منها
من قال رضيت بالله ربا وبالاسلام دينا وبمحمد نبيا ورسولا كان حقا على الله ان يرضيه

شوفي اختي استهدي بالله وربي بيعوضك ولازم تروحين للدكتور عشان يشوف وضعك وبرضه لمصلحتك للمرات الجايه اذا فيه شيء لازم تسويه او تتفاديه في حملك الجاي ان شاء الله

يااحلام لاتيأسين مازلت صغيره والامل بالله كبير انا خالتي ماخلت علاج الا جربته ولادكتور الا

راحت له حتى الانابيب عملتها وفشلت وبعد صبر سنين ربي رزقها بولد وهي بالأربعين .

الله يشفيك ويرفع عنك ويرزقك بالذريه الصالحة

ياقلبي بالعكس اتفائلي وخلي ثقتك بالله عظيمة والحمدلله انتي حملتي بس الحمل ضعيف واكيد اذا كررتي المحاولة بتنجح وربي بيكرمك وانت لسه بسن الشباب ياما نساء انجبوا واعمارهم في الخمسين ....
والحمدلله كلنا مرينا في اللي مريتي فيه عمليات حقن مجهري فيها اللي نجحت وفيها اللي فشلت وفيها كمان اللي اجهضت ...لكن الامل بالله موجود وحاولنا تكرارا حتى الله اكرمنا ادعي واتصدقي وعيديها وخذي ابر سيولة وربي يفرح قلبك ويقر عينك بذرية طيبة