اجهضت😔

كيفكم جميعاً هذا اول موضوع لي حبيت اشرح لكم حالتي وهي بعد زواجنا زوجي مره كان مستعجل على الحمل وكان كل يومين او ثلاث يجيب جهاز الاختبار من الصيدلية بصراحه ما أخفيكم انا بعد كنت متلهفة على الحمل لأَنِّي عمري 30وبودي يصير عندي أطفال وقدر الله وحللت بالبيت وطلع خط واضح والثاني خفيف وعدته بالبيت 3مرات ونفس الشيء وبلغت زوجي ومن الفرحه بلغ أمه وكان يبي يتأكد منها بحكم خبرتهاوبعده رحت وسويت تحليل دم وبشرتني الدكتوره وسوت لي سونار بس ما كان واضح قالت لسى ما وضح شيء لأنك ما صار لك 20يوم تعالي بعد عشر ايام ونشوف وبرضوه رجعت لها بعد عشر ايام ونفس الكلام الكيس صغير وأعطتني حمض الفوليك ودوفاستون لانه كان ينزل معي افرازات بنيه ودم قليل ولما صرت بالأسبوع السادس رحت دكتوره ثانيه وقالت ما فيه نبض واحتمال يحدث اجهاض استمري على الادويه وبعد عشر ايام سوي سونار لما قالت هذا الكلام انصدمت وتضايقت كثير لأَنِّي راح اخسر الحمل وقلت لزوجي نشوف مستشفى ثاني ورحت للحبيب وبرضوه نفس الكلام بس اختلفوا في حساب أسابيع الحمل بس الدكتوره بالحبيب قالت وقفي المثبت الى ان نتأكد من النبض وتركته وبعد أسبوع أجهضت بالبيت ولا سويت تنظيف لأَنِّي خايفه منه وخايفه لا يأثر على الحمل بعدين سؤالي بعد هالقصه الطويلة
هل فيه احد نفس حالتي وما سوت تنظيف وعادي ما اثر عليها وهل فيه أشياء طبيعية تنزل البقايا بدون ما اروح للمستشفى وندمت كثير لان الناس عرفت بسرعه اني حامل كنت أتمنى ما احد يعرف لكن زوجي خبر أمه على انه له خوات الى الان ما خلفوا ويتعالجون وناس كثير تقول لو انا فيك السنه الاولى ما أفكر بالحمل نهائي احس خفت من كلامهم وخفت ان الي صار حسد
ودعواتكم لي ان الله يرزقني بالحمل السليم المعافى ويعوضني خير مما فقد