بسم الله الرحمن الرحيم
من العنوان عرفتوا اني كنت اعيش حلم عمره اسبوعين
وللأسف ما الله كتب لي حمل
راح افضض لكم واحكي لكم معاناتي لأني ماخبرت احد من اهلي عن هالشي.. والعبرى خانقتني
بعد صبر 3 سنوات وشوي من مستشفى الى مستشفى على امل ألقى حل لدورتي الغير منتظمه
وزوجي كان معاه (الدوالي) وعمل عمليه قبل سنه .. بس النتيجه ماكانت مثل اللي تمنيناه.. بسبب نقص الفيتامينات والأدويه وماكان في تحسن في الحركه وانما العدد كان ممتاز يعتبر بالنسبه لحالته
كان الحل الوحيد التلقيح الصناعي
بويضاتي كان حجمها ممتاز..طبعا بعد الأبر المنشطه والإبره التفجيريه
والحركه في السائل المنوي صارت كويسه بالحقن ..
وعملنا التلقيح قبل اسبوعين.. وارتحت بقد مااقدر
بس تعرفون رمضان شهر الخير لازم بحتاج اتحرك..
وكنت خايفه على نفسي ..واحاسب على حمل الاشياء الثقيله وركوب الدرج..
وجا اليوم الموعود وكانت ساعتين انتظار النتيجه..
اطول ساعات مرت علي بعمري
ومن دخلنا عند الدكتور وقبل مانجلس ..
( انا اعتذر ..النتيجه سلبيه )
حسيت ضربني على راسي بعمود بثقل هالدنيا
تألمت على نفسي وانا اتحسس بطني كل ليله..وانتظر أي عرض من اعراض الحمل وانا اتصفحها كل يوم تقريبا..
وتألمت على زوجي اللي كان وده يحملني حتى المشي ماوده امشي من خوفه علي واحساسه بالذنب واعتباره انه سبب تعاستي
بس كل اللي قدرت اقوله (( الحمدلله على كل حال))
طبعا الدكتور نصحنا نعمل تلقيح هالشهر مباشره بس انا وزوجي رفضنا .. وقررنا هالشهر نتوكل على الله ونخلي امورنا كلها طبيعيه
بس حبيت انصح اخواتي اللي مثل حالتي بنصيحه اتوقع بإذن الله انا استفيد منها
الوزن.. كان هذا اهم سبب في فشل التلقيح
لأن لو السائل المنوي سليم وجيد.. والبويضه حجمها تمام
يبقى وزن المرأه اهم قضيه في الحمل
ونصحني الدكتور انزل من وزني عالاقل 5 كيلو
وقالي ان لو اضعف.. راح تنتظم دورتي تلقائيا بدون مااحتاج لأي ادويه ولا حاجه
لأن في اجسام ماينفع لها الوزن الزايد ويخرب الهرمونات ..
فنصحنا لو بنعيد التلقيح اخفف وزني وزوجي بعد ينتظم على الرياضه والأكل الصحي بس هو مش عشان وزنه لأنه ضعيف ..عشان يستفيد من العمليه وتصير الحركه جيده بدون ادويه..
وبالنهايه اخواتي ادعوا لي احمل طبيعي والله يصبرني ويقوي ارادتي وبإذن الله بنتظم بالمشي والتخفيف بالأكل..
دعواتكم لي
الله يرزقني ويرزقكم ويرزق كل قلب محروم يارب ياكريم
رقه ورزانه @rkh_orzanh
عضوة جديدة
يلزم عليك تسجيل الدخول أولًا لكتابة تعليق.
دمي لادمع امي
•
الله يرزقني ويرزقك وجمييييييييييييييييع اخواتي المحرومااااااااااااات بالذريه الصالحه عاجلا غييييييييييييير اجل
وحيده~
•
اسآل الله ان ماينتهي هالشهر الا والدكتور مبشرك بحملك يارب انتي وجميع بنات حواء وكل من يتمنى يارب
الصفحة الأخيرة