اجهضت حملي بسبب معلومه بسيطه

السلام عليكم ورحمة الله وبركاته
كيفكم خواتي هذا ثاني موضوع انزله لكم
الاول كنت ابشركم بحملي واليوم اقولكم سبب اجهاضي
http://forum.hawaaworld.com/showthread.php?t=3971748
هذا رابط موضوعي السابق ...
طبعا انا استمر حملي بسلام للاسبوع الخامس وبعدها بدأ ينزل علي دم
رحت اكثر من مستشفى وكل شوي اسمع سبب قلت يابنت خليكي على دكتورتك
انا اراجع عند سحر ملودي بسليمان فقيه طبعا الاغلب يعرفها ،،المهم قالتلي
روحي يابنتي وارتاحي وسويلي اشعه بعد اسبوعين وكتبتلي مثبتات حبوب وتحاميل
رحت بعد اسبوعين ونص تقريبا احتياط قلت ابدخل بالاسبوع الثامن عشان النبض يمكن
يتأخر المهم رجعتلها قالت للاسف الجنين نزل وباقي الكيس والحمد لله ...
والحين انا مع ثلاجتي واليوم تقريبا تخلصت الحمدلله من الكيس
نجي للموضوع المهم وهوا سبب الاجهاض كان بسبب ان انا فصيلة دمي
O- وزوجي O+ وهنا يسموني بالأم السالبه في الحمل وحملي يكون خطر
يا اجهاض او تشوهات لاقدر الله وحله بسيط وهوا ابرة الاجسام المضادة
المفروض اخذها بعد الولاده مباشرة والمعلومه الثانيه اللي كنت اجهلها ان
مفعول الابره ينتهي خلال ثلاث سنوات ولازم اخذها كل ثلاث سنوات يعني
الحل سهل جدا ولكن المعلومه ماكانت عندي الحمد لله على كل حال
اتمنى منكم خواتي تنبهوا اي وحده تعرفوها تحمل فصيلة دم سالبه
:::
انتهى موضوعي واسفه على الاطاله