صباح الخير اخواتي
يوم الثلاثاء الماضي كتبت موضوع عن وضعي وكنت انتظر ارائكم ودعواتكم
http://forum.hawaaworld.com/showthread.php?t=2826770
واليوم راح اقولكم وش صار معي ذيك الليلة ماقدرت انام نفسيتي زفت غير المغص اللي يجيني المهم يوم الاربعاء من العصر بدأت تجيني مغص وطلق بس خفيف رحت لمستوصف خاص وسويت اشعة تلفزيونية وقالت الدكتورة انه الجنين ميت من اسبوعين ولازم تنظيف سالتها عن احسن طريقة قالت بكيفك ممكن تستعملي اعشاب وممكن تروحي للمستشفى يسووا لك عملية تنظيف قالت لي الرحم مقفول ماراح يصير الليلة شي
رجعت البيت وانا افكر بالاعشاب لاني اخاف من التنظيف
المهم مااخذت الا ساعتين وبعدها بدا يشتد الطلق وصرت ابكي من الالم وفجأة بدا معي نزيف قوي جدا ماقدرت اتحرك شالوني اهلي للسيارة ورحت للمستشفى كان تقريبا الساعة 9 ونص بالليل
الساعة 11 ونص نزل الجنين وكل توابعه بس ما وقف النزيف ابدا حتى جت الساعة 5 الفجر وجاني هبوط مفاجئ من شدة النزيف اغمي علي وصحيت الا هم منزلين راسي تحت ورجولي فوق يقول زوجي انه من شدة النزيف مايطلع الدم للراس وهذا سبب الدوخة والاغماءة البسيطة اللي جت عشان كذا نزلوا راسي تحت حتى يرجع الدم للرأس وقرروا عملية تنظيف حتى يشوفوا بعدها يوقف الدم ولا لا الدكتورة كانت محتارة من شدة النزيف يابنات صراحة خفت وانا اشوفها مرتبكة وقالت انا ماراح اخفي عليك انا خلاص ماعندي حل للنزيف راح استدعي الاستشارية وفعلا قررت فورا عملية تنظيف والله يابنات حطوني على سرير غرفة العمليات الساعة 6 الا عشر وكان النزيف مستمر وبقوة وصحيت من البنج الساعة 7 وربع وكانت الدكتورة عند راسي الله يجزاها خير صحتني وقالت حركي اصابع رجلك بعدين قالت احب ابشرك انه النزيف وقف
لما حللوا نسبة الدم وجدوها منخفضة بس الحمد لله ما وصلت مرحلة الخطر اللي تحتاج نقل دم
بس راح ابقى فترة تعبانة ومحتاجة لراحة وتغذية كويسة حتى يرجع الدم والحين ذبحتني الدوخة والهبوط كل شوي
ونفسيتي زفت ماادري ليش هو من النزيف ولا لاني فقدت حملي انا مؤمنة بقضاء الله وقدره والحمد لله علي كل حال وزوجي مو مقدر حالتي النفسية
المهم حبايبي ادعوا لي ربي يشفيني ويقومني بالسلامة ويعوضني خير عن حملي
ويسخر لي زوجي ويقدر وضعي وحالتي النفسية
الله يجزاكم خير والحامل الله يقومها بالسلامة وتشوف طفلها وهو بصحة وعافيه واللي ماحملت الله يرزقها الحمل عاجلا غير اجل
احساس العبير @ahsas_alaabyr
عضوة فعالة
يلزم عليك تسجيل الدخول أولًا لكتابة تعليق.
*وردة حمراء*
•
الحمد لله على سلامتك والله يعوضك
....الله يكون ف عونك ولا تيأسي من رحمه الله
وتأكدي دايما ..ان الخيره فيما اختاره الله لك....
وتأكدي دايما ..ان الخيره فيما اختاره الله لك....
ياعمري الله يرزقك قريب بحمل سهل ميسر وطفل سليم معااافي يااااارب وكل محرومه ويتمم علي وكل الحوامل بخير
الصفحة الأخيرة