اجهضت للمره الثالثه ...تعالوا اسمعوا قصتي.

الحمد لله على كل حال

هذي قصتي
تاخر حمل بعدين قالوا ضعف وهرمون حليب مرتفع عالجت بالكلوميد والابر ما جاب نتيجه........

مرخت ماجاب نتيجه ....قلت امرخ واعالج بالكلوميد والابر وحملت واحلى فرحه مرة علي بحياتي كلها

قالت بسافر لاهلي ارتاح عندهم ومع ترتيب شنطة السفر وغسيل الملابس وترتيب البيت نزل علي دم بعدها اجهضت في خمسه اسابيع ....

جلست سته اشهر ورجعت على التمريخ والعلاجات والبهذله والمصاريف الماديه الي قصمت ظهري وظهر زوجي ....بعدها حملت بس حمل ضعيف مدري وش معناه ؟؟؟؟؟؟؟؟؟الي يعرف يقولي
وسقط الحمل في الاسبوع الرابع ...حاولت الحق عليه بس الله ماراد لي الحمل ..

هالمره قلت بروح لام ايمن الممرخه رحت لها اخذت منها عسل بخمسمائة ريال وتمريخ بخمسمائة
وبعد كلوميد ومتابعة تبويض وابر وابرة تفجير ....حللت قالوا حمل وبعدها باكثر من اسبوعين نزل علي دم رحت اشوف الكيس ماحصلوه وقالو احتمال يسقط الحمل وبالامس بدا ينزل علي الدم وتاكدت انه راح ((الله يعوضني بالقريب العاجل يارب))

انا تعبت مدري وش اسوي امرخ والا اعالج والمصاريف الي ماعاد اقدر عليها
لا تقولون ارتاحي من العلاجات ....نفسي بطفل

وحللت كل التحاليل كلها سليمه .........

ودي اقرا عند شيخ بس مالقيت بالرياض شيخ ...........

علموني وش اسوي .........