كوبونات الراقية تسجيل الدخول

أم الخير كله

اجهضت من شهرين ونص والدم لازال مستمرا!!

الحمل والإنجاب •


السلام عليكم اخواتي العزيزات

والله ان الحيره ذبحتني والضغط ارتفع عندي

مااطول عليكم

انا من شهرين نزل علي الدم واستمر لمدة عشرين يوم بدون انقطاع وانا معتبرتها دوره وبعد التحليل طلعت اني حامل:44:

سوو ليي تحليل هرمون الحمل مرتين وتبين ان الهرمون قاعد يتناقص مايتضاعف ومعناتها ان الحمل مو ثابت وبينزل

وقالت لي الدكتورة اني مااحتاج لعملية تنظيف وراح ينزل الجنين على هيئة دورة عادية !!

مع اني قلت لها ان الدم مستمر معاي مايوقف مرة يزيد ومرة ينقص وانا على سفر دراسه ومابي أتأذى في الامتحانات

طمنتني وقالت لي كل شي طبيعي ومابتحتاجين لشي

المشكله اني سافرت لمدة شهر كامل والدم ماوقف وألم في ظهري من فوق وجنب الكتف من تحت لدرجة اني أذاكر وانا ابكي

والدم عشرة أيام متواصل وعشرة متقطع طول الشهرين والنص

رجعت من السفر ورحت المستشفى سوت ليي تحليل حمل ((بول)) الله يعزكم قالت ان في حمل بس شكله ضعيف من خلال التحليل !!

سوت لي اشعه ماكان مبين ولا شي مع العلم ان في بداية حملي قالو لي ان الجنين جدا جدا صغير من جذيه مااحتاج لعملية تنظيف

المهم عطتني موعد ثاني حتى تقول ليي نتيجة تحليل هرمون الحمل اللي اخذته

حبيت اسألكم في وحده حالتها مثلي ؟؟

انا احاتي شهر رمضان ماادري وش قصتي مع الدم هل هي دورة او شي ثاني؟
واذا طبيعي ؟ ياترى متى بيوقف النزيف؟؟؟

انا تعبت نفسيتي من هالسالفه وبديت اكره الحمل وكل شي

ساعدوني ارجوكم...
7
17K

يلزم عليك تسجيل الدخول أولًا لكتابة تعليق.

تسجيل دخول

دوم
دوم •
اختي كذا خطا لازم يشوفك متخصص باسرع وقت
ممكن يكون فيه بواقي تسمم جسمك او حمل خارج الرحم لابد من الاسراع بالذهاب للمستشفى
انا سقطت عده مرات والدم اسبوع بس مايطول

وربي يكتب لك الخير ويقومك بالصحة والعافيه
أم الخير كله
أم الخير كله •
الله يوفقك يادوم على ردك

انا كنت متواصه مع استشارية نساء بس ألحين مسافرة ماادري متى ترد

ورحت لمستشفى ثاني والله ومتبهدله حيل لازم انتظر تحاليل الدم اللي اخذوها
والله اني اعاني واتعب لأقل مجهود واحس بدوخة ودوار ونقص وزني ستة كيلو خلال هالشهرين

ياريت أحد يطمني وياريت تدعون ليي بالصحه والعافيه
مروج الموج
مروج الموج •
اختي روحي استشاري انا نزيف شهر ونص ولازلت اكل مثبتات لازم تاكلين مثبتات
أم الخير كله
أم الخير كله •
لما سألت الدكتورة قبل شهرين عن أدوية تثبت لي الحمل او شي من هالقبيل قالت احنا مانقدر نعطيج ادوية مدام هرمون الحمل انخفض ...لأن هذا معناتها اجهاض مؤكد
المشكله انا ماادري الحين نزل الجنين بعد هالنزيف كله لو لا؟؟؟

بس هل اللي يصيدني طبيعي وهل ممكن أحمل خلال هالفتره؟؟
.. تمارا ..
.. تمارا .. •
حبيتبي أختي صار معاها نفس الشئ أجهضت والدم استمر معاها ثلاث شهور
والدكتورة تقول لها ما فيك شئ وتحاليل دم وكل حاجة وما أعطوها شئ
وبعدها وقف الدم ورجعت لها الدورة عادي وحملت بعدها بفترة وجابت ولد وعمره الحين 5 شهور الله يحفظه