اجهضت وصدمني شكل جنيني..سبحان الله

السلام عليكم
انا ليا موضوع من قبل وحبيت اكمل عليه بس اكتشفت انو البنات يشوفوا اول صفحة وما يتابعوا التطورات
عشان كذا قلت لازم اكتب موضوع جديد
وكمان ابغى تواسوني وتشاركوني تجربتي القاسية واستفيد من خبرتكم
أمس نزل جنيني..بعد ما شفت الموت
مهما وصفت ماحقدر اقولكم المعاناة اللي حسيتها..الحمدلله على كل حال
الصدمة شكل جنيني لما نزل
طبعا انا لما سألت عن حجم الجنين اللي عمره شهر وثلاث اسابيع
قالو شكله زي الكلية ودكتورة قالتلي قطعة لحمة زي العنب
بس اللي شفته
طفل كامل ..راس وجسم ويدين ورجول والحبل السري
حتى ملامح وجهه كانت باينة بس عليها زي الماسك خفيف
وطوله ما عرفت اقدره بس حطيت رجلي جنبه يعني القدم
وكان طولها بس هو اعرض
خفت وصرخت وكنت حادوخ
ولما غسلته بالمويه علشان اشوفه كويس راح في الحمام
وهذا زادني
كنت ابغى ادفنه..
بنات حاسه بحرقة قلب
ومعصبه من الدكاتره اللي رحتلهم وقالولي موقف نموه على اربعين يوم يعني لسه ما اتشكل
ودكتورة ثانية قالتلي اصلا الكيس فاضي
طبعا انا نزلته بالاعشاب وبالكمادات الدافية
معقولة هذا كله وما ماكان واضح
حسبي الله ونعم الوكيل
البكرية من جد جاهلة
وابغى كمان اسألكم عن حاجة خجلانة بس مالي غيركم
انا لما نزل حسيت بألم مع خروجه والحين حاسة انو الفتحة مرة واسعة ومفتوحة
هي حترجع من نفسها ولا لازم اسوي حاجة؟؟
وشكرا مقدما لكل وحدة تقدمي نصيحة او دعوة او حتى ترفع موضوعي
وآسفة عالاطالة