الله يعوضك خير

انتي ولدتي ولادة طبيعيه عادي والبيبي كبير بالخامس مو نفس الاجهاض وشي طبيعي ينزل حليب راح ينشف .....اعرف وحده نفسك بالضبط ومن طلعت الاربعين حملت ماتخافيييش

مشكورة اختي فلك فلات طمنتيني والله الله يطمنك بس بسألك اهي اخذت حبوب تنشف الحليب ولا راح طبيعي
ومثل ماقلتي انا ولاده مبكرة مو اجهاض  

الله يعوضك خير يارب

الله يجعله شفيع لك ولوالده ويعوضك خير منه ويرزقك بالذرية الصالحة عاجل غير آجل ..
اكثري من قول ( اللهم أجرني في مصيبتي ، واخلف لي خيرا منها)

انا مثلك ولدت بنتي في حملي الأول ولادة مبكرة في الشهر الخامس الله لا يحرمني شفاعتها ويعوضني خيرا منها ..

وعملوا لي تنظيف بعد الولادة عشان المشيمة .. وانا ما نزل مني حليب يمكن لأنهم اعطوني في نفس اليوم بعد الولادة حبة لتجفيف الحليب وبعد ما طلعت صرفت لي الدكتورة علبتين من نفس الدواء كل علبة فيها حبتين واخذ حبة كل ثلاث ايام ..

وبالنسبة للدوخة اهم شي ما عندك نزيف وكثري من التمر و الحليب احس انه اكثر شي فادني ..