شوفي ياأختي صح مو حلو تجيبيهم ورا بعض انتي بتتعبي وماتلحقي على البزورة
لكن انتي اخذت احتياطك وترضعي وتاخذي حبوب ولسة طالعة من نفاس يعني صعب الحمل
وربي كتبلك انك تحملي فليه تعترضي على عطية ربك
سبحان الله يمكن يكون فيه الخير الكثير
وبالنسبة لزوجك كلميه وخليكي حازمة قوليله ماحنزله لو ايش مايصير وخليه يزعل مسيره بيرجعلك لأنك ماغلطتي
وانتي كلمي امه او بوه بس لازم يكونوا يخافوا الله
وخليهم يكلموه ويفهموه انه الأجهاض حراااااااااااام
وبالنسبة للعين ماظن في احد صار يحسد عشان العيال بالعكس الكل طفشان منهم
وماحتسمعي منهم الا كلمة مسكينة وحرام والله يعينك كيف حتربيهم
وكمان التحصين اقوى من كل عين

عزيزتي احمد الله عز وجل على حملك وإن شاء الله يكون لك فيه خير
وعلى فكرة أنا مريت مثلك بحمل لكن بعد حادث صار علي وكنت ممنوعه من الحمل والشغل لأني مامشيت ولا تعفيت الا بعد ثلاث شهور وبعد ست شهور من الحادث ربي أراد لي حمل وحاولت إني أنزله لكن مانفع وصارت نفسيتي عدم غير كلام الناس لكن بعد ماولدت صار هذا الولد أحب الأبناء لي ولزوجي وعسى أن تكرهوا شيئ وهو خير لكم. أختي وكلي أمرك لله يمكن هالجنين هو اللي ينفعك ما تدرين....

الله يهديج انتي و ريلج ..
تتكلمون عن الاجهااااض كأنه شي عاااااااادي .
عسى ان تكرهوا شيئا و هو خيرا لكم ..
احمدي ربج و الله يعينج على تربيته ..

والله يا خواتي ادري بكل اللي تقولونه. واحس انكم عطيتوني قوة عشان اواجه فيها زوجي اللي يبيني اجهظ. الله يكتب اللي فيه الخير ومشكورين علا الدعم النفسي والكلام اللي راح يخلليني قويه باذن الله.

اللي راح يخليك قوية هو خوفك من الله عز وجل ...بهذا الخوف تستطيعين ان تواجهي أياً كان..


إن كان دافعك الخوف من علام الغيوب ..

إن كان دافعك الخوف من قتل نفس بغير حق ..

تستطيعين ان تواجهي زوجك

و ما قصرت اختي التوت الزاكي ذكرت ما وددت كتابته

دُوري