كيفكم ياامهات وايش اخبار عيالكم مع الغربه حبيت افتتح هذا الملف علشان نفيد بعضنا وخصوصا اللي عندها عيال في المدارس ايش سوت علشان سهلت تعليمهم للغة وايش الوسائل المستخدمه وهل اندمجوا بسرعه في مدارسهم او لا انا ببدأ بنفسي وراح اقولكم ايش سويت مع عيالي
أول شي سويته اشتريت سبوره وخطاطات وحروف تتلصق وبديت اعلمهم الحروف بحيث الصق كل يوم حرفين واخليهم يكتبونه في دفاتر صغار وفي نهاية الدرس اخليهم يكتبونه على السبوره علشان يرسخ ولا ينسونه واليوم الثاني اسوي لهم مراجعه للحرف حق امس
الحروف اخذتها من اوفس ديبو يمكن بخمسه دولار
مثل هذي
والسبوره ب25 دولار مع الخطاطات
بعدما حفضوا الحروف زي اساميهم انتقلت للمرحله الثانيه وهي اني اشتريت بطايق فيها الكلمه مع الصوره وخليتهم يحاولن يشبكون الحروف ويتهجونها وبعد التكرار الكلمه احاول اجيب اللي في البطاقه مثلا البطاقه تتكلم عن الملعقه اوشوكه اخذها واحطها على الطاوله وانادي بأسمها وهو يجيبها مره اخذنا بطاقه عن اللحاف حق السرير وشوي الا ولدي جايبه اقول وش تبي فيه يقول علشان المثال ضحكت من قلب عليه
البطايق اخذتها برضوا من اوفس ديبو مثل هاذي ب3دولار اخذتها بشخصيه اللي يحبوها وهي سفانج بوب فيها حول ال30 بطاقه
اشتريت لهم ايبود وسجلت فيه الكلمات حقت درس كل يوم علشان ماينسوها واحس هذي الطريقه ساعدتني كثير بصراحه ماانصحكم تشترون الغالي ابو ميه في واحد ب45 دولار او ام بي ثري يفي بالغرض بس مشكلته يصرف بطاريات كثير
وهذا القاموس اللي استخدمه
http://www.ebnmasr.net/wtranslate/
وهذا بس يبيله تحميل
http://www.english4arab.net/vb/showthread.php?t=2908
في بعض المواقع افادتني كثير وهي
http://www.starfall.com/
وهذا بعد حلو بس احس اللكنه حقته بريطاني بس اللي حلوفيه انه يسجل صوته ويردد معهم غير الالعاب الموجوده فيه
http://app.de.mingoville.com/
وهذا
http://www.storyplace.org/preschool/preschool.asp?themeID=21
وناويه اشتري هذي المجموعه شفتها في التلفزيون واعجبتني بس لسا مالقيتها في الاسواق
http://www.yourbabycanread.com/default.aspx?adid=ggl6100.004
هذا جزء من اللي عندي اتمنى من كل وحده فيكم تقول لنا تجربتها في تعليم عيالها وادري انكم ماراح تقصرون