احببت ولد عمي ولكن !!!

اول شي السلام عليكم ورحمة الله وبركاته .. هذه قصة صارت لي وانا صغيره كنت وقتها بالصف الرابع كان اهلي ساكنين بمدينه وعمي ساكن بالديره المهم كنا كل عيد او اجازه نروح لهم وكنت انبسسسط مره بحكم انه كنا اطفال واحب اللعب مع بنات عمي واولاده وكان فيه واحد من عيال عمي اكبر مني بسنتين كان اغلب وقتي العب معاه واذا ما رحنا الديره كان هو الوحيد الي من عيال عمي يجي عندنا ويجلس بالاسابيع رغم انه صغير ولما كان يجي عندنا كنا كمان نجلس مع بعض كثيرررر نجلس نلعب ونتفرج تلفزيون وكل شي مرت الايااااام وحسيت اني تعلقت فيه وهو كمان بس كنا صغار ما نفهم وباخر ترم لي بالصف السادس كنت شايله هم اني خلاص اتغطى عنه ولا اجلس معاه وفي ذيك الاجازه الي تخرج فيها من الابتدائي كانت امي تلمح بكلامها انه خلاص ما اجلس معاه وكنت اطنش واجلس معاه طبعا نجللللس نلعب لا يروح تفكيركم بعيد:7_5_131: (((--- يالبى ذيك الايام براااائه خخخخخ.. خلصت الاجازه ودخلت المتوسط والمفروض خلاص اتغطى عنه بس ما تغطيت في اجازة العيد ورمضان كمان نجلس مع بعض ونلعب رغم انه هو خلاص صار بالصف الثالث متوسط يعني كبير ماشالله بس انا كنت مصره اني اجلس معاه لاني من جد حسيت انه صار كل شي بحياتي اذكر مره كنا نتفرج مسلسل سوري قال شوفي هذه احلى منك طبعاا سويت فيها اني زعلت ههههههههههه رجع قال لا والله انتي احلى منهم كلهم ومرت الايام وتغطيت عنه ولا عاد صرت اسمعه عنها الا اخباره درست المتوسط وانا كل يوم اتعلق فيه اكثر واكثر لدرجه كنت اكتب خواطر (((---- شااااااااعره خخخخ:bkh:.. لكن الحين لو تقولو لي اكتب شطر واحد ما اعرف هههههههه . كبر حبه في قلبي ودخلت الثانوي وصرت ابني احلام معاه وانه بس اخلص من الثانوي اكيد يجي يخطبني لانه في ذيك الفتره بنات عمي كانو يقولو لي فلان يقول ما يبي غيرك طبعا حركات بنات ههههه ولما كنت اسمع كذا كنت افرح لانه عرفت انه ما نساني وانه يحبني زي ما احبه ومرت الايام لما وصلت ثالث ثانوي وع الاختبارات النهائيه كنت دافوره ((---- الله يرحمها ايام حتى الاكل كنت اكله بالغصب ههههههه من زود الشطاره ... وقبل الاختبارات النهائيه با اسبوع الي هو اسبوع الاستعداد جا هو وعمي وعمتي عندنا بالبيت طبعا بدون سابق انذار انهم جايين وكذا المهم كنت وقتها اذاكر بالغرفه بس سلمت على عمتي ودخلت الغرفه عشان اذاكر ما جلست معاهم ع بالي زياره عاديه ووقت العشاء امي نادتني قال تعالي عشاء طلعت اتعشى معاهم واحنا نتعشى عمتي قالت خليها تستخير وهو والله يقول ما ابي غيرها لو ما اخذتها ما راح اتزوج انا هنا وقف قلبي ياربي وش السالفه قالت امي ان شالله نشوف وسكتوو تعشو وانا حتى الاكل مو قادره اكل بعرف مين الي يستخير خلصو عشاء ورجعت الغرفه جات اختي الي اكبر مني بسنتين قلت وش فيه قالت فلان الي هو ولد عمي خطب اختي فلانه الي هي اكبر مني ب 6 سنوات واكبر منه انا هنا انصدمت ما قدررت انطق كلمة وحده شوي جات اختي الي خطبها وجلست بالغرفه قالت وش رايك اوافق ولا ارفض تسسسسسسألني انا انربط لساني مو مستوعبه وش الي صاير وش المفروض اقول ايه وافقي ولا لا ارفضي لاني احبه ومن زمان وكل يوم احلم وابني احلامي معاه قلت لها والله والدمعه بعيني استخيري وسكت سويت نفسي اذاكر وانا والله مو قادره اطلع باحد خايفه ابكي خايفه تدمع عيوني ابي اساله هو ليه ابي اعرف وقتها وش انا بحياته كثير اساله مرت بعقلي بس اسال مين ولا افضفض لمين والله والشاهد ربي اني ما اكذب عليكم بكلمه حسيت وقتها الدنيا سودا في اخر الليل كلهم نامو الا انا بكيت وبكيت الين ماعاد بقي دموع بعيوني حتى ابكي وانا كاتمتها وتحت البطانيه خايفه احد يسمع ليه ابكي ع فكره كانت اختي وقتها مدرسه دوبها تعينت تخرجت وع طول ماشالله تعينت كنت اقول معقوله لانها مدرسه نسى كل شي وخطبها .. ثاني يوم احاول اذاكر ما قدرت اختباراتي الاسبوع الجاي ولا اني قادره اركز ما اسمع من اهلي الا فلان يحبك يافلانه لا ترفضي وكانت تجي تسالني لو كنتي مكاني توافقي ما كنت اعرف ايش ارد كان ردي متلخبط اقول شي وقلبي يقول شي خلصت اختبارات والحمدالله ربي كان معايه رغم اني نزلت نسبتي كثير بس الحمدالله تخرجت بممتاز لاني كنت ادعي كل ما ابكي ربي هون علي والحمدالله قدرت اتعدى كل شي رغم الالم الي بقلبي بعد الاختبارات كانت ملكتهم وبعدها كان الزواج الحين صار ع زواجهم 5 سنوات الله يسعدهم خلفو ولدين زي القمر .. لا تفكرو انه لسه احبه لا الحين مجرد زوج اختي وله الاحترام بس الي ما قدرت اتخلص منه الخواطر الي كنت اكتبها كل ما جيت ابغى ارميها ما اقدر .. شورو لي ايش اسوي عشان اتخلص منها ودي احرقها بس مو قادره احس ودي احتفظ فيها ليه مااا ادري مع انه والله الحين مجرد زوج اختي وبسسسسسس ..
مجرد فضفضه والله انه كل كلمه قلتها ما كذبت فيها هذا الي صار لي بس الحمدالله عدت رغم انه محد وقف معايه شكيت لربي والحمدالله هون علي مصيبتي وقتها الحمدالله .
اتمنى الحين تدعولي بالزوج الصالح وبالستر والعفاف