بسم الله الرحمن الرحيم ..
حبيباتي الحوائيات السلام عليكم ورحمة الله وبركاته ..
ابي انقل لكم تجاربي وتجارب غيري مع الاستغفار والله اني احبكم في الله وودي انكم تشوفو الي شفته انا او غيري من الي جربوه
اخواتي القصص كثييييييره الي جربو الاستغفار وانا كنت اقراها بس استغفر شوي ويلعب والشيطان علي وانساه
ولكن لما طحت في اكثر من موقف على طول جا في بالي الاستغفار
سبحان الله ما يمديني استغفر الا وتروح المشكله والله يا اخواتي ان امس طحت في مشكلة والله انها كبييييره واني مالقيت لها مخرج بس جلست استغفر واستغفر الى ان فرجها الله سبحانه وتعالى والله اني حتى من قوة الصدمة مااااصدقة انها انحلت بس بعدين تذكرت ان الله على كل شيء قدير
اخواتي الغاليات ابذكر لكم بعض القصص الي حصلت لأناس اعرفهم ..او اناس قرأت قصصهم في النت او ذكرت لي من احدى القريبات
بسم الله ابدأ هذه القصة .. طبعا بالعاميه لاني في الفصحى مييييح مررره اتوقع ان سيباويه لو شافني :icon29:
المهم تقول وحده انهم كانوا كاشتين في البر ونسو اللي حق الغاز وضاااقت صدورهم مررره ما عرفو يطبخون ولا قهوة ولا شاهي ولا عشا ولا شي قال خالهم استغفرو وبتشوفون الحل ان شاء الله وقامو كلهم بستغفرون وقررو انهم يجمعون حطب وهم يجمعون ويستغفرون الا ولقوا لي حق غاز معلق في شجره عقب ناس الظاهر كانوا ناسينه سبحاااان الله شفتو كيف ..
وهذي قصة لقيتها في النت تقول وحدة ان زوجها توفى وعندها من البزران خمسه وابوهم ما ترك لهم شي والي كان باقي من الفلوس الي صفت لهم قليل مره وتقول انها كانت مقتصده فيه المهم تقول انها كانت ذاك اليوم من ضيقة الصدر قامت وفتحت على اذاعة القران وسمعت الشيخ يقول من لزم الاستغفار جعل الله له من هم فرجا ومن كل ضيق مخرجا تقول من بعدها وانا استغفر ولا تركته ابدا ووصة عيالها بالاستغفار وسبحان الله بعدها بأيام جاهم خبر بان زوجها كان مسوي مشروع او ما ادري ايش بالضبط بس المهم انهم ورثو منه ملااااايين وتقول بعدها ولدي صار الاول في دراسته وحفظ القران وصلحت امورهم والحمد لله
ولا ودي اطول عليكم بس هذي اخر قصة وهي :
زوج يقول بانه كل ما حصلت بينه وبين زوجته مشكلة يقول كنت اطلع وانا معصب عليهاااا مرررره :mad: لكن من اوصل باب العماره الا وتجيني رغبة شديده باني ارجع واعتذر لها يقول واكثر من مره تصير لي هالحالة بس في الاخير سألتها بالله تقول لي وش تسوي قالت وطبعا كلكم عارفين قالت انك من اول ماتطلع وانا الهج بالاستغفار حتى ترجع وتراضيني سبحان الله ..
وفي الاخير حبيباتي احنا نشتكي دائما من الهموم وكثرت المشاكل ونشتكي لفلانه وعلانه وننسى اننا نشكي لرب العالمين الي يعرف السر واخفى والقادر على حل جميييع المشاكل
اسأل الله تعالى ان يبعد المشاكل عن بيوت المسلمين وان يجعلها عامره بذكره سبحانه وتعالى ..
وفي الاخير ودي اسدح لكم بعض المقااطع الجميله لبعض المشايخ حفظهم الله ..
واخر شي احبكم في الله .. وتكفووون لاتنسون الاستغفار ..
درجه اولى @drgh_aol
عضوة جديدة
يلزم عليك تسجيل الدخول أولًا لكتابة تعليق.
الملتقى الجنه1111
•
جزاك الله خير كلامك من القلب ويوصل للقلوب ان شاء الله
bnthama
•
استغفر الله الذي لا اله الا هو الحي القيوم وأتوب اليه
بارك الله بك @ وجعله في موازين حسناتك ان شاء الله
بارك الله بك @ وجعله في موازين حسناتك ان شاء الله
يااااحبي لكم والله يجزاكم خير ويوفقكم ويصلح نيتكم وذريتكم وبرزقكم من حيث لا تعلمون
استغفر الله الذي لا اله الا هو الحي القيوم واتوب اليه . استغفر الله الذي لا اله الا هو الحي القيوم واتوب اليه . استغفر الله الذي لا اله الا هو الحي القيوم واتوب اليه ..
استغفر الله الذي لا اله الا هو الحي القيوم واتوب اليه . استغفر الله الذي لا اله الا هو الحي القيوم واتوب اليه . استغفر الله الذي لا اله الا هو الحي القيوم واتوب اليه ..
الصفحة الأخيرة