شفتوا هذي اللمعة ؟؟؟
شفتوا اشلون الروج كأنه متركز على الشفايف وبعدين اللمعة تموج ؟؟؟؟
انا يوم شفتها قلت لاختي والله لمعة قوية وحلوة بس حشى ... واااااااااااضح مسوينها بالفتشوب ومشتقاته ...
بس تصدقون صدتها .... بالصدفة العجييييييييييييييييييية ...
عاد قبل لا امصخها معاكم اعلمكم بالسالفة ...
البارحة جات لي بنتي و في يدها علبة الشدو تقول لي ( هتي لي لوج ) الترجمة : حطي لي روج ... انا ما كذب خبر قمت ومليت شفايفها بالشدو:07: ... مسكينة ... عاد الله لا يوريكم ذاك الشدو الفوشي .... يلوووووع الجبد ... هذا سلمكم الله وحدة هادتنيه قبل سنين وطايح بجبدي ( الوانه ................. ) المهم صارت البنت بذيك الشفايف كذا :eek:
كسرت خاطري خذت لي قلوس شفاف وغرقت شفايفها فيه ... والا انهبل .... والله العظيم نفس الشكل اللي في الصورة مع فارق اللون ..... قمت افر في راسها واودي وجهها منا و منا واقربه شفايفها من النور وابعدها حتى البنت قالت ( انتتلت لتبتي ) انكسرت رقبتي .........خخخخخخخخخ
بعد انا طيراااااااااااااااااااااااااااان واطبق على عمري بلون بنفسجي يقطع النفس درجة لونه .... بس يوم حطيت عليه القلوس صار هبااااااااااااااال .....و قمت امسح واحط من ذيك الالوان وامسح واحط وكل مرة احلى ....
انا تخبلت وجيت طااااااااااااااااااااااااايرة على المنتدى احط لكم تجربتي ويوم كتبتها ومن الفرحة اضغط ذاك الزر لا بارك الله فيه وينمسح كل شي :30:... انا اغتظت وصبرت لليوم تبرد فيه اعصابي......................
اي نسيت اقول لكم اني بدعت و وبدأت امسح اول الشفايف بطبقة خفيفة قلوس علشان يثبت الشدو عدل وبعدين الشدو بعدين الطبقة الاخيرة قلوس كثيييييييييييييييييييييف ...
احبكم كلكم واحب اللمعة عليكم:23: .........................
امانة تجربونه وتعلموني
رح أجرب بس بلووون ثاني غير البنفسجي خخخخخخخ << ما أحبه :11:
وبإذن الله أرد لك خبر