القصيده مرره طويله بس اتمنى انكم تقرونها كلها ....
احبك من هنا لاخر محطات الغلا لهناك
أحبك كثر ما يهوى رضيع الصدر غفوآته
احبك يابعد كل الحروف وعلّها تفداك
أحبك يابعد بيت القصيد وكل غايآته
أحبك يابعد عمرٍ قضى مني على ذكراك
أحبك يابعد من داج بالدنيا بخطوآته
أحبك يادفى برد السنين اليا غفت بحماك
أحبك يا امل عمر الوحيد ويابعد ذآته
أحبك يابعد قلبٍ نزف كل الغلا لرضاك
أحبك يابعد كل العيون ونزف دمعآته :icon33:
أحبك كثر ماتبرى جروحٍ لامسة يمناك
أحبك كثر ما يلجا فقير الحال لسكآته
أحبك بس لو تعرف وش اللي بالحشا ينخاك
وربي لو كشفت اللي بقلبي!!مت لرضآته
أنا وشلون ابين لك غلاك ولهفتي للقاك
انا وشلون اعبر لك عن اللي بين طيآته
أنا لو قلت لك ببعد وابرحل وانتحي وانساك
لساني!! واعرفه لا زّل ياشيّنه بزلاّته
تعال ارجوك شفني من رحلّت وعبرتي تنعاك
تعال وظمني ياحي ذا الطاري وظمآته
تعال وداوني ,واللي خلقني يالدواء بشفاك
يقولون الجمر طب المريض بحر كيآته
تعال وخل عنك الصد والهجران!! مايزهاك
حلاتك توصل اللي يم دارك زاد جيآته
أنا والليل وابيات القصايد في امل لقياك
اقول الشعر والليل الحزين يعدّ نجمآته
أماني عاشت بصدري اغاني داخلي تهواك
تموت ان غبت وان رديت عاش الليل وابيآته
أنا مقدر على بعدك على صدك على فرقاك
يموت بغيبتك قلبٍ نزف لك حر حسرآته
دخيل الصبح في وجهك دخيل الليل لا غطّاك
دخيل الرمش لاسيّر على خدك بسجآته
دخيل الجمر والسكردخيل البلسم! الفتّاك
دخيل اللي تثنّى لين عذبني برقصآته
أمانه ترحم اللي شاف منّك صدتك وجفاك
دخيلك تدمح الزله وغلطآته وهفوآته
أحبك من هنا لاخر هنا لاخر هنا لهناك
احبك لعنبو حي الرضيع وحلو غفوآته
اتمنى انها تعجبكم:26:
السنانيه @alsnanyh
محررة فضية
يلزم عليك تسجيل الدخول أولًا لكتابة تعليق.
مستحيل انسى ولكن!!
•
مرررة روعه :(
الصفحة الأخيرة