بلنسيا

بلنسيا @blnsya

محررة برونزية

احبها لكن ذا الطبع اللي فيها يقهرني

الأسرة والمجتمع

السلام عليكم
لي صديقه اعزها مررره اعرفها من٤ سنوات ماعمري ضايقتها بكلمة او جرحتها رغم انها هي لو بنتفق نطلع مكان وحصلي ظرف قومت الدنيا علي وسوت سالفه وزعلت وهي عادي بكل بساطه اتكنسل وانا اقدر ولا عمري زعلت
تدق علي قبل بنص ساعه انا بالطريق للكفي تعالي نطلع ونغير جو ثم ارد عليها واقولها بس يا فلانه انا مرتبطه مجتمعين مع اهلي ترد علي وتقول يختي عادي اسحبي عليهم يلا انتظرك تعالي واقولها يا فلانه والله مقدر مره ثانيه نتواعد قبل بيوم تقول لا لا تعالي بس ويطول النقاش ثم تزعل ليش رفضت وهاالنقطه تضايقني فيها لكن هي لو بترتبط اي مكان ماعليها من احد تكنسل كل شي ولا يهمها وبرضو ماعمري زعلت
نجي للنقطه الثانيه سالفة التلميح المزعج
اجي اقولها تبين نطلع كوفي تقول زين اشوف ظروفي واعلمك قبل بيوم اقولها حلو بس علميني قبل بيوم مو ساعه انا عندي رجل وبزران مو على كيفك قالت زين
اتفقت معي بكرا وقالت بس تباشرين علي
سالفة تباشرين علي هذي مو مره ولا مرتين دااايم تسويها وتلمح
واذا عزمتها بيتي وشافت قطعة تحفه انا اقول عاد اخذه مساحه بوديها للمستودع تقولي لا لا ابيها عطيني اياها !؟؟ سلامات انا ابيها بحطها بالمستودع وقت الحاجه ارجعها وترسلي تبي التحفه وعطيتها اياها قلت دفعت بلى بس مو على التحفه على تصرفها عيب انا قلت بوديها المستودع لكن ماقلت مابيها
والله لو انا موظفه وينزلي مبلغ وقدره وحتى لو موظفه ماني مجبره
كل اللي ينزلي حافز وهي تدري وتحسب اني مخصصتها لها ولعيالها
مثال اقولها يلا يا فلانه نطلع السوق سوى تقولي خلاص تم بس مامعي على حسابك الكوفي
وكم مره تلمح
ودايم تقولي اعزميني
غير كذا اذا بجيها بيتها ترسلي بالواتس مري المحل الفلاني حق الحلا وجيبي حلا وفطاير وكروسان ومري البقاله جيبي كولا
ومره ماجبت كروسان وزعلت قالت لازم تنقصين شي
عاد انا هنا وصلت حدي امس قالت نطلع قلت تم قالت تباشرين علي
قلت كل اللي معي١٥٠ ماتكفي
قالت وين راحت فلوسك اسم الله وزعلت
انا هنا ارتفع ضغطي
قلت يا فلانه انتي دايم تلمحين باشري علي عيب ماني مسؤله عنك وعن عيالك وكم مره تقولينها وامشيها اذا انا عرضت عليك اعزمك عادي لكن تجين انتي تلمحين عيب احد قالك اوزع فلوسي ترى انا مثلك تجيني حالات ما اطلع ولا اجي بسبب اني مفلسه ماجيت عندك وقلتلك باشري علي
وتجي تزعل وقالت انا مو كذا وانكرت وحطت فيني النون وما يعلمون قسم بالله صرت اوسوس قلت ليتني اسكت وماصارحتها قلت ليتني ساكته ماتسوى علي
ورب البيت لو ماتعز علي قسم بالله سحبت عليها وصرت ماعاد اطلع معها لكن لاني ابيها تتعدل وتغير من طبعها هذا زي ماذكرتلكم سلبياتها اللي فوق فيها ايجابيات وانا متمسكه فيها ولا ابي اخسرها بس طبعها هذا لازم يتغير ابي طريقه تخليها تتجاوب معاي مابيها تفهم غلط لازم تترك ذا الطبع
47
9K

يلزم عليك تسجيل الدخول أولًا لكتابة تعليق.

تسجيل دخول

مناريتا
مناريتا
أنتي تقولي انك تعزينها وماتبغين تخسرينها معناتك ماشاء الله محترمتها ومقدرتها وهي أخذت وجه عليكي وزودتها ومعاد صارت تستحي منك المهم ماعليكي حطي معاها حدود وردي اذا في شي ضايقك لاتسكتين ولاتطولي النقاش معاها عشان طلعه او اي شي كلها كلمه ورد غطاها وأنهي المكالمه وبكيفها
بلنسيا
بلنسيا
لا يمكنك مشاهدة هذا التعليق لانتهاكه شروط الاستخدام.
هي اللي دايم تعرض تقول نطلع سوى بس تعزميني والله اني مو راعية كفيات لكن اجاملها وبيتها مقدر اجيها ساكنه عند حموله وهي زوجها يرفض تجيني يقول تلاقو برى ولا انا اجيها هو شديد زوجها عليها مايخليها تروح بيوت صديقاتها الا اذا سافر تجيني وهو مايدري بعد
نواافذ
نواافذ
هي اللي دايم تعرض تقول نطلع سوى بس تعزميني والله اني مو راعية كفيات لكن اجاملها وبيتها مقدر اجيها ساكنه عند حموله وهي زوجها يرفض تجيني يقول تلاقو برى ولا انا اجيها هو شديد زوجها عليها مايخليها تروح بيوت صديقاتها الا اذا سافر تجيني وهو مايدري بعد
هي اللي دايم تعرض تقول نطلع سوى بس تعزميني والله اني مو راعية كفيات لكن اجاملها وبيتها مقدر اجيها...
يمكن تقول كذا لان ماعندها فلوس عشان كذا كل مرة تعزم نفسها وتطلبك ....
بلنسيا
بلنسيا
يمكن تقول كذا لان ماعندها فلوس عشان كذا كل مرة تعزم نفسها وتطلبك ....
يمكن تقول كذا لان ماعندها فلوس عشان كذا كل مرة تعزم نفسها وتطلبك ....
اختي اكيد مامعها لكن حتى لو مامعها ماتجين تحرجيني اعزمك مرات يكون مامعي شي واضطر اجاريها تحرجني ولا ابي اردها وارحمها بنفس الوقت لكن الموضوع طال وصار دايم دايم يتكرر
تجي تعرض علي كوفي ويلا نطلع ثم تلمح اعزميني وهي مزحه برزحه مرره موضوع ينرفزني كأنه استغلال والله لو العكس مستحيل بسوي معها كذا وهي تعرف البير وغطاه تدري كل اللي ينزلي حافز بس ماعلينا من ذا الكلام كله بس جد يضيق صدري. من طبعها وبنفس الوقت احبها وشاريتها
نواافذ
نواافذ
اختي اكيد مامعها لكن حتى لو مامعها ماتجين تحرجيني اعزمك مرات يكون مامعي شي واضطر اجاريها تحرجني ولا ابي اردها وارحمها بنفس الوقت لكن الموضوع طال وصار دايم دايم يتكرر تجي تعرض علي كوفي ويلا نطلع ثم تلمح اعزميني وهي مزحه برزحه مرره موضوع ينرفزني كأنه استغلال والله لو العكس مستحيل بسوي معها كذا وهي تعرف البير وغطاه تدري كل اللي ينزلي حافز بس ماعلينا من ذا الكلام كله بس جد يضيق صدري. من طبعها وبنفس الوقت احبها وشاريتها
اختي اكيد مامعها لكن حتى لو مامعها ماتجين تحرجيني اعزمك مرات يكون مامعي شي واضطر اجاريها تحرجني...
صادقة ...

لكن مادام تحبينها وماودك تخسرينها .....حطي حدود لها ما تتعداها ....عزمتك وعندك ظرف ... اعتذري منها على طول ولا تبررين لها كثير ...

ومن ناحية العزيمة ...قولي للأسف اليومين هذي مطفرة .... وما اقدر اطلع ....عسى تعرف وتحس على نفسها