احبهم ولكن

اولا مساء الخير على الجميع
حابه اطرح مشكلتي وافضفض لكم عن شي اتعبني كثير ومني عارفه كيف اتعامل معه بكل الطرق حاولت ولكن مانفع معي والحين بشوف ارئكم وان شاء الله ربي يفتح يكتب الي فيه الخير

مشكلتي اخواني وتعاملهم معنا
ربي يشهد علي اني احبهم وانهم هما السند ليا بعد الله ثم ابوي
بس يقهروني يغارون مني ومن خواتي كل شي نسويه نجيبه يسون لحريهم مثله والا احسن منه
يعني لو شريت جهاز جالكسي 3 يجيبو ل حريمهم جالكسي 4 يحبون يكونو هوما افضل وحريمهم افضل حتى البيت اي قطعة اثاث حطيناها يجيبو افضل منهم وبصراحه الحركه ذي تقهر واخوي الكبير مشغول بالدينا ويحب يكون هوا افضل واحد وانسان ديكور ل بغى شي منك يصير لك الي تبينهه واذا م يبي شي منك تصير شي عادي منه عند امي يسوي نفسه يحبنا وفيه الخير وامي دايم تمدحه وتقول م فيه زيه وهوا والله انه داهيه شغله من تحت لتحت ووزوجته مثله كل شغلها تحت لتحت واخوي الثاني كنت اشتكي له من اخوي الكبير م مر شهر الا صار مثله وطلعني انا الغلطانه وصاروا نفس الطبع ويدسون عنا اتفه الاشياء يعني بمعن المختصر اخواني م احسهم اخواني وم قد حسيت بشعور الاخووه والمحبه وحب الخير معنا دايما الحسد الي بداخلهم وبذات الكبير لدرجه اختي من بعد ما تحسن وضعها بتسكن بفله اخوي الكبير يبي مثلها يسوي فله ويسكن فيها

وانا من النوع اذا شفت شي قهرني اتكلم واقولهم وماهمني احد وهوما عادي يردون علي والي يصير المهم انا ما انام اليل الا وانا مسامحتهم عشان ربي يسامحني بس هوما لا يبقى الشي بقلبهم وخلاص وياخذو الموقف علي واذا تكلمت ورديت وقلت الصدق يزعلون وينافخون وامي تطلعني الغطانه وتزعل مني وبعد ايام ترجع الامور واذا سكت انقهرت ومني متعبه نفسي عشانهم الشي الي بقلبي اقوله وما علي فيه احد


ابي مشورتكم رائكم والله تعبت لاني انا ما احب احد ياخذ علي او يزعل مني احب اعيش بقلب صافي والكل راضي عني وبذات رضى الله ثم امي وابوي


دمتم بخير:heart: